محاوره ناريه بين ثنيان الرشيدي وغازي الميموني

هذي محاوره جرت بين الشاعرين

ثنيان الرشيدي و غازي الميموني

في الكويت

اليكم

[poem=font="Simplified Arabic,5,crimson,normal,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
ثنيان
في محل العزوه الي تسد بكل نوب= ياسلام الله سلامن سرى ليله سرى
خابرن غازي من مطير شاعر ومحسوب = بانين له بيتن ابيض عل طلعة كرى

غازي:
في محل العزو الي معاديها يتوب = مرحبا ترحيب يدري به الي مادرى
ندري انك ماتدرج شمال وبالجنوب = مير وصلتك الهبايب ولاعندك ذرى

ثنيان:
الزمان يدور والناس غالب ومغلوب = ماعليها شجرتن تشرب الما من الثرى
اخذينن مانبي بالسلام وبالحروب= مير سج الرجل قدام لاترجع ورى

غازي:
ياثنيان الرشيدي على كل الدروب = ان بغيت الايمنى وان بغيت الايسرى
ماتغيب الشمس لن كان ماحل الغروب = مير اشوف السوق مافيه بيع ومشترى

ثنيان:
ابتلشنا في خطيب الاوادم والكذوب = وانت ياغازي تشجع بليس الاعورى
البلد محكوم والراس واضح ومعصوب = وش نسوي في صميل المسيّر لانفرى

غازي:
ياطويل العمر ماحدن على الكذب مغصوب= صاحبك بالحرب ماله رهاين ويسرى
عاصبن راسك ولاكن عرضه الهبوب = مير خلك فالقرى لاتجي لام القرى

ثنيان:
انت ياغازي زمانن مضى كنت محبوب = صورتك في كل شارع تلزق بالغرى
والله اني مانويتك بذنب من الذنوب = لاتروع ثم يجريلك الي ماجرى

غازي:
ماغدالي شي واجيك وازيد الشبوب= وانت جرحك لو تداويه يبطي مابرى
الله اكبر يازمان المعارك والحروب = احد يهرج خابرن فعل واحدن مادرى

ثنيان:
الجنيه جنيه مافيه عيب من العيوب = شارب الدخان جاب السبيل وعمرى
في زمانن فاات مالك يدين ولا جنوب = قطعوها اصحابك اهل الركاب الضمرى

غازي:
لا تخيل البرق والبرق من فوق النصوب = والله انا نعرف الي كتب والي قرى[/poem]