بدر شامان المطيري + لافي حمود الغيداني ؟؟

هذه القصيدة


وصلتني من الشاعر/ بدر شامان المطيري


انشرها مع الرد لطلبها من بعض الاخوان هنا

ملاحظه

رايح يمر عليكم اسم الهوته في اخر قصيدتي

ولجل توضح الصوره لكم

الهوته هو / سعود الهوته قاضي محكمة دخنه الحالي






[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


ياشذى عـطـر القصيد اقـبل ورش بيوته= شفني ارسم قاعدة شعـر النبـط وابنيها
راكب اللي لمعة السبع على كبوته= ويش اوصفها ياربي ويش ابا احليها
كنها شاطي بحر يوم يتـطارد حـوته= او كما خبرا على الـطينه صفا صافـيها
جـيب لـكسز برمجة سلفه على ريموته= يستمد اللوان فضيه ويستمديها
كن واجـهته من اصناف الذهب منحوته= لمعة جـنوطه وبوديه تمرا فـيها
ان نطحته تقل هداف ٍ هدفه يشوته= وان قفيته شبه ذيب ٍ غارته ناويها
وان تعرض كنه اللي سبقه مفلوته= اشقر ٍ يهوي على الصيده ولايخـطيها
وداخلي الكشن صالة محـتكر تايوته= صالة ٍ عـبد الـطيف بماحتوت بانيها
ساع حـطت مويته ومرايته وزيوته= حي والله هالجـيوب وحي من يشريها
ان مشى صحـرا من السرعه طغا طاغـوته= وان مشى بالمدن حساده طغى طاغـيها
لو تحط اذنك لشكـمانه ماتسمع صوته= يمكن انك تستشك ودقـته تثنيها
سايقه مافت فوق المرتبه بسكوته= ولاعرف طعم الكبتشينو ولايشريها
استدار من الرياض وطرقته منعوته= المخارج للقصيم لياسرى يعـطيها
ومع اذان الفجر قدام الصلاة تفوته= واصل ٍ دخـنه صلاة الصبح ويصليها
وعـقب ماصلى الصلاة الساعه الموقـوته= نحره كساب قـولة نعم هو راعـيها
واحد ماصار عرض لهـرجة الشاموته= فاتح ٍ باب المضيف وكلمته حاميها
ماقـعـد يحسب خساير ماخسر بكروته= ماحسب مخسار حايلها ولا حاشيها
لافي اللي فايت ٍ بالطيب قـبل يفوته= ذخر قوم ٍ نهج حاضرها على ماضيها
ذخر حرب أهل فـعـول ٍ كلها مثبوته= كاتب التاريخ يمليها لمستمليها
وعـقب مانها ضيافته والعلم جات وقـوته= سلمه زرف القضيه قال انا قاضيها
قصة المرسل يفكر والهموم تشوته= اسمع الدعـوى بصوته لين تستوفيها
اشتكي خسران ماني من خسر بيلوته= خاسر عذرا يهيض خاطري طاريها
مالها جوال حـتى اسجله بالنوته= بنت بدوان تصبح دار وتماسيها
شفتها صدفه وبهت وفرصتي مبهوته= وقـلت ويش انتي وتاتعـلـم ولايمديها
وعـقبها تربع ديرنا والدير موقـوته= وتكثر الحوال نازلها على ماشيها
واتتبعـهم وادور نزلهم لافـوته= جالها عامين يالافي ومتباطيها
ويوم جـيت ليالفريق بويته وفروته= ولنـها تزهم على الـمقهـور ويباريها
واتحرى فـرصته في لفة ٍ ملفوته= ودي اخذ عهدها وابدي على واليها
ولاش فرصه والعرب شماتتن مشموته= وخفت ممن يشعـل الفتنه ومن يحييها
ياعـلـيـم بسر نجوى الهـرجه المخـفـوته= باسـمـك أبدا .. وابتديها .. وانتهي .. وانهيها
.[/poem]
.
.
*
*
الــــــرد
*
*
.
.
.



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


راكب اللي سرعـة اسكـوده .. وباتريـوته= مع بعضها كـلها في سرعـته يلغـيها
لاسـرى مثل اللي من أدنا السـما مصـلـوته= ثـلـث لـيل ٍ غـرته تو الـقـمـر باديها
تحت جنح اللـيل يلّـمـع كـنه الـياقـوته= في نحر مـزيونة ٍ في عـمها وأبيها
تـفـخـتـر .. ومن الغرور بزينها عـنـتـوته= ماتلد العين باللي يطلـبون يديها
جـرمـني الصنع .. يمـنـاً تمـلـكه مـبخـوته= لو ماتـمـلـك غـير مـفـتاحـه فـقـط يـكـفـيها
لادفعت فـيه الدراهم .. لو بقت مـبحـوته= سجـة الفـياقـرا في لازمه تغـنـيها
فسـتـقي اللون واطراف البدي معـفـوته= ينطح الريح بجـبينه تـقـل متـقـفـيها
فـلسـفـة وصفه فصيح حـروفها مـلـتـوته= وصفه روايه تهـمـش فـلسـفـة راويها
لاشـتغـل بشـويش راع الصنف هذا مـوته= يكتب بيوت القصيده فـيه ويغـنيها
اقرب الاشيا لصـوته حاجة ٍ ممـقـوته= جايزلي وصفها لو ماني براضيها
كن صوته صوت سربوت ٍ بأذن سربوته= مرخي ٍ صوته بأذن صاحـبته يخـاليها
هـرجة ٍ يشكي بها المشاعـر المكبوته= نوب توحـيها ونوب تغدي ماتوحـيها
وتشبه ازياك الوجه في كلمة ٍ مـبـتـوته= كل ماافكر بضاهـرها وفي خـافـيها
معرض بشـوت ٍ مطرزة ٍ جـيوب بشـوته= مـظهـرين جـيـوبها .. ومسـفـط ٍ باقـيها
وكن باقات الورود بداخـله منكوته= ريح موكيته يرد الروح ويعـافـيها
ريحة اللي فـوقها جرار العـطر مـكـتـوته= تـنـتـظر عـريسـها من الصاله يسـريها
كن سواقه لياناش الابنص أبوته= يزهـم أطيب بني اعـمه يحـتمي تالـيها
ينطلق مثل انطلاق الطـلـقه الـمـزتـوتـه= من فم اللي مايغـش عـيارها رامـيـهـا
ناص ٍ اللي مايحـط الطـيـب في تابـوته= راسه عـلـوم الـمـراجـل كـلها حـاويـها
ماتـقـوبع عن مـواجـيـب الـنشاما كـوته= مـحـتـزم ويعشـي الضـيـفان ويغديها
من رجال ٍ يوم دوب الرجل يلـقا قـوته= ضيـفـهـا يذكر مـحـاسـنها ولايشـنـيها
معه رد رسالة ٍ ماحـروفها معـمـوته= من بدر شامان جـتـني والله يحـيـيها
ساق لي فـنجال دلة مـدحه الـمـزغـوته= كال طبخـتها .. وزودها وقـهـوانـيـها
ويشتكي فـيها عـلـيه من هواء الـبـنـوته= بيحت سده بنية بدون مـهـاويها
والهوى بالوقت هذا سيرته مـقـتـوته= والسـوالف فـيه ماعاد احد ٍ يدانيها
مار بدر ابيض وجه ماسـمعـته مشـلـوته= ودام هذي حالـته ماعاد هو ناسيها
بنت بدون للمـخـتخـت ماهي بخـتـخـوته= ينقـطع حـبل الرجا فـيها .. بيد راجـيها
احـمـرار شـفـيها مثل احـمـرار التوته= والجـمال اليوسفي من ربها كاسيها
بالجـمـال محاصره .. وبغـبته مغــمـوته= من تسريـحـة راسها لاخـمـص قدم رجـلـيها
مـحـفي ٍ ورا دورت ضعـون اهـلهـا سـبـوته= ويتحين فـرصة ٍ ما الله له مهـيـيـها
البدو ماتمـرح .. وتصـبح وهي مـبغـوته= بلش بدر بعـودهـم .. وببـنـتهـم . وأخـيها
رجـلهـم عـكروت فـطـنه والمره عـكـروته= يذبحـون الذيب دون الشـاه قـبل يجـيها
يقـنـت صـحـيـبك يابدر وسر نجوى قـنـوته = يـطـلـب الله طـلـبة ٍ يآمل به يلـبـيـها
جعل دار اهل عشـيرك ماتعـيش إنـبـوته= ودارك الله من نزول البدو لايخـلـيـهـا
ولالك الا ترك جـروى الفـرصـه الـمـسحـوته= رح لـبـوها تران زيت وقل تراي ابـيـهـا
وان عـطاكـيها .. يملك لك عـلـيها الهـوته= والمعـونه والـمه يابدر واعـطـيـكـيها[/poem]


تقبلو خالص مودتي

[/font][/size]