@@قصيدة النجوم لراشد الخلاوى @@

تميز راشد الخلاوى بقاائده الفلكيه الدقيقه واللتى تعتبر مرجع للمزارعين في باادية نجد قبل
ظهور تقويم ام القرى الذى اسهب في النجوم والموااسم

وسأورد قصيدة النجوم للشاعر واذا كان بالقرب منك تقويم هجرى (ام القري ) تتبع القصيده والتقويم لترى الدقه في هذا الشااعر

وتزيد القصيده بوصف الحال والاحوال في هذه المواسم

وهااذي القصيده

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سبك لك نجوم الدهر بالفكر حـاذق=حوى وأختصر مضمونا بأمر خالـق
ترى أول نجوم القيض سبع رصايف=كما جيب وضحا ضايع الدرك دالـق
او نعـل شـاخ والتويبـع تبيعهـا=في برجها الجوزاء كما الدال دالـق
يرفع بها عاهات الاثمـار عشبهـا=تغدي من سموم الحر مثل الحرايـق
سته وعشرين بهـا الحـر بسطـه=نهاية قصر الليـل عشـرة دقايـق
عقب تطلع الجوزاء كشلفا شمالهـا=نظيـم تـلالا كالـدراري لـواهـق
تبرى لها الهقعه وبالهنعـه أنتهـت=تهب السمايم فيـه والظـل سايـق
سته وعشرين والسرطـان برجهـا=يصلح بفصلـه كـل حلـو وحـادق
ويظهر ذراع الليث هو والمرزم الذي=كما مشعل الساري بنوره يشاعـق
يرفرف بنوره كل مابـان واختفـى=كما عين عمهوج غنـوج لعاشـق
ويبيـن لـك نجـم الكليبيـن بعـده=هي النثره اللي كالعيـون الروامـق
دليل على ظهـو الكليبيـن أمـاره=اذا غربن عنـه النسـور العتايـق
رياح وسموم وقيل تظهر بـه أفـه=لبعض الثمار وبعض الاشجار صافق
سته وعشرون ترى الليث برجهـن=يقف ظلها قـدم وتغـور الخرايـق
ويظهر لك النجم اليمانـي وطرفـه=يتقلب كـدرة خاتـم بيـد مايـق !
ينشر قماش الصوف والجوخ لايقـع=به الدود في مثنى مطاويـه خـارق
ومحسوبـة أربـع نجـوم بنجمـه=مع الجبهه الزبره لها الصرف لاحق
واذا مضـى منهـن ثلاثيـن ليلـه=تواسى نهاره هـو وليلـه مطابـق
وعشر ويبدي المزن ينشي مغـرب=مغاتيـر ذيـدان حداهـن سـايـق
واثنى عشر باقي سهيـل وبعدهـن=تظهر نجوم الوسم صـرم الحدايـق
واثنين وخمسين ترى أنجوم أربعـه=أولهن العـوى كمـا الـلام لاهـق
والسماك مع غفر كما القوس وصفه=وزبانـاه نجميـن كرمـح معانـق
تكثر عواصفها بهـا الظـل سبعـه=-وعن الفصد والسهل نهونا الحواذق
ويروجهن بالقوس والجـدي ينتهـي=كثير به الماطـر حقـوق البـوارق [/poem]