((صادوووه المرقاب )).. والضيف الليله (( سداح ))

كما وعدكم بصادوه المرقاب وكل يوم حلقه وحلقه اليوم المبدع الدكتور (( سداح )).. وكانت حلقه مميزه بما جاء في احداثها اتركم مع الرسايل واللي جاء فيها :


وكانت برسائل الخاصه

والرساله الاولى

المشاركة الأصلية كتبت بواسطة محمد بن شباب

السلام عليك طال عمرك


ماني بمطول الكلام


العلم سلامتك .. فيه واحد من هوامير قطر متابع المرقاب ومنهبل في شي اسمه سداح الرجال قالي يا محمد تبي فلووووس ؟ قلت اي تكفا ..


قال فيه شاعر في المرقاب اسمه سداح وعرفت عنه انه ما يبي الاعلام ولا ادري ليش ... المهم الرجال قال ..

هو مسوي مجله مسوي مجله ويبي ينشر لك قصائد ويسوي لقاء وينزل لك ديوان صوتي باعلانات في اغلب القنوات وبمردود مالي مهوب بسيط انا لي 50.000 ريال على شان ياربك تقتنع وقال اعرض عليه مبلغ 250.000 ريال لكن له شرط ٍ بسيط وهو احتكار لمدة 5 سنوات


وترى الدعوى بسيطه يا ولد 250.000 ريال يعني ربع مليون وانا لي خمسين الف ذيبان يا ذيبان لا تقول لا ...



هاه وش قولك ؟

رد سداح وقال :

المشاركة الأصلية كتبت بواسطة سداح

المشاركة الأصلية كتبت بواسطة [/QUOTE

عليكم السلام ورحمة الله وبركاته هلا هلا وغلا

هههههههههههههههههههههههههههههه

كلامك يروّع ويضحك في نفس الوقت

ما ودك تقول غير هالكلام بس ؟

وش هالتاجر المتفرغ اللي مالقا الا سداح يفش قروشه حوله ما تعلمني وبعدين ترا ماني محمد عبده وش احتكار وما احتكار

انا راضي بالخمسين واخذ الباقي انت وتعاقد معه وش رايك

مزوحك عسل ومرعبه ،،،،

ورديت عليه وقلت :

المشاركة الأصلية كتبت بواسطة محمد بن شباب

اخوي الظاهر انك تحسبني امزح .. والكلام اللي جاك صحيح ماهوب مزح.

الرجال معطيه الله ودجاجة صقعى والاحتكار ماهوب عيب فيها فلوس وعلمٍ غانم .. واخوك بيعين خير وانت بعد.. ومصيرك تظهر ومن دون فلوس .. وهذي كرامةٍ معترضه


ها ويش قولك ..


وتراني اتكلم من صدقي

ورد هو قال :

المشاركة الأصلية كتبت بواسطة سداح

[QUOTE

شف يابوسعيد

الخير محد يعافه

لكن هو وش يستفيد يوم يوزع فلوسه ومبلغ باهض مثل هذا وش يبي مني لا تقول اكتب له ويطلع مثل اللي يترززون في المجلات معصي ترا والله ما يفرح بحرف بعدين هو شيخ محسوب على الحكومه والا وش قصته هالمطنوخ ؟؟؟؟


وانت اللي قايله يختارني ..!!! ؟ وش معنى انا علمني بالصحيح كانك صادق ؟

ورديت عليه وقال:

المشاركة الأصلية كتبت بواسطة محمد بن شباب

انت ويش عليك منه يوزع فلوسه والا يحذب بها في البحر.. انت عليك من مصلحتنا ..وبعدين منت باول ولا اخر من كتب للمستشعرين هذولاك يكتبون بمبالغ بهيضه وانت بتعين لك خير واااجد..


وانت ما انت بكاتب له انت بتنشر عنده وقصايده بينشرها ويطلع صورتك وتشهر اسمك ويسجلك ديوان صوتي ودعايات واشياء واجده ما قالك قل تم والفلوس ذي ما هيب اخر اللي بيعطيك انت ومجهودك

اللي علمه بك الشعار وهو قد قرالك وانا بعد زاد علمته ببعض بيوتك


.. ها طعني تراك بتنفعني وانا اخوك والمنفعه مشتركه..

ورد علي وقال :

[QUOTE=سداح]

المشاركة الأصلية كتبت بواسطة [/QUOTE

والله ياخوك ماني متطمن له هذا وبعدين ماودي بالنشر اصلا ولا كشف الهويه والامور هاذي ما اعرف لها و لا اصلح لها ولا تصلح لي ومسالة نفعتك ما ظنيت انك بتحصل وراي نفعه والا مانيب ذاخر عنك شي وشكله بيذلنا على الفلوس اللي راصدها لنا على قولتك

الا خلنا نستخير وش رايك بس ؟؟

ورديت عليه وقالت:

المشاركة الأصلية كتبت بواسطة محمد بن شباب

ليييييييه ما انت بنافعني الا بتنفعني وبتنفع نفسك..

ياخوي خل عنك الكبر شوي ... الكلام كله كلام مهوب فقدٍ في الرجال


وانا اللي اعرفه عنك ان رجال متواضع وتحب المساعده وانا اشوف انك شايفٍ نفسك في ذي الكلمتين اللي تكتبها


هذي فلووووووووووس ولا تضيع على نفسك

ورد علي وقال :

[QUOTE=سداح]

المشاركة الأصلية كتبت بواسطة [/QUOTE

ابو سعيد انت من جدك تكلم ؟؟

شايف نفسي علشان اقول لك مانيب مرتاح للرجال هذا ولا للموضوع كله

يا خوي ما بي النشر وانت اللي قايله عني خابر لكن ماكان له داعي واظن ان اختيارك ماكان مناسب

وبعدين منهو هذا ترا الى الان ماعرفت حتى اسمه ؟

عموما انا ماني شايف نفسي وبعدين اشوف نفسي على أيش بالضبط القضيه عدم اقتناع لاعدمتك مافيها كبر ولا شي

تقدر تعتذر لي من الرجال وتريّح بالك من هالقضيه بكبرها ،

وانا والله مقدّر وممنون لمجهودك في هالجانب ،،

ورديت عليه وقالت :

المشاركة الأصلية كتبت بواسطة محمد بن شباب

انا يوم اقول انك متكبر ما كذبت ... والا كان تدري اني محتاج للفلوس والا ويش علي منك تطلع والا ما تطلع ..


بس الشرهة مهيب عليك ... على الزمن اللي حدني عليك


وانا مانيب متحسف الا على الاعجاب والاحترام اللي كانه لك ولكن اعتقد انه تغير الامر .

ورد وقال:

المشاركة الأصلية كتبت بواسطة سداح

ياخوي عين من الله خير وسم بالرحمن

وش اتكبر عليه !!

هي بالمشعاب يا بو شباب ؟ ياخوي مانيب جايه هذا ولا بي منه شي وانت الله يرزقك شاعر وكفو وتنوب رح له انت وريحنا ولا تطولها وهي قصيره

واذا الامر تغير على قولتك علشان رغبة شخصيه تراك مجمل اسحب اعجابك واحترامك والله يغنيــك

ويوم شفت الرجال بيطلع علي مع الشاشه قلت :

المشاركة الأصلية كتبت بواسطة محمد بن شباب

لا بالله مانيب ساحب اعجابي واحترامي ...


الا كل يوم يزيد .. انت كنت معنا في موضوع اسمه (( صادووووه المرقاب )) ..


وتعيش وتاكل غيرها ... تحياتي

ورد وقال :

[QUOTE=سداح]

المشاركة الأصلية كتبت بواسطة .[/QUOTE

هههههههههههههههههههههههههههههههههههه
الله يرج ابليسك

وعرفت كيف تختار الموضوع بعد مغريات وربع مليون ريال وعلوووووووووووم


لو انك صامل شوي يمكن اوافق ههههههههههههههه

فكره مجنونه يا بوشباب

لاهنت لاهنت لاهنت والسموحه على اي خلل فني


سلام الله عليك ،

وموعدكم القابله مع ضيف جديد


تحياتي