][ نــــــــوض ][

بسم الله الرحمن الرحيم
مشرفي وأعضاء وزوار منتدى المرقاب الشعبي
السلام عليكم ورحمة الله وبركاته
تقبلوا هذه المتواضعــــــه لتواصل وشكراً...

[POEM="font="Simplified Arabic,5,darkblue,bold,normal" bkcolor="transparent" bkimage="./images/backgrounds/85.gif" border="double,4,darkblue" type=1 line=1 align=center use=ex num="0,black""]ماجذبني كل نوضٍ بغر المزن ناض=يسحر الابصار واللي يشوفه يستهيض
عنه اصد وكن من بيني وبينه بغاض=لو يغريني وشد انتباهي بالوميض
طاوي رشايه ودلوي وكفيت الحياض=وفي مجال أهل الهوا تبت عن نضم القريض
ارتويت من العنا لين حوض الصدر فاض=واستخرت الله وأقلعت من فضل الحفيظ
مايليق بناظري للنحاف وللعراض=وكل من لجلي تجمل وبالخطوه تريض
مانبض مع خافقي بانبساط وبنقباض=غير من خلى الجوارح تحت حكمه رويض
عشقتي عفيفةٍ عرضها كله بياض=وأقنعتني عن هوا البيض بالخط العريض
نقشها فالقلب يشبه لآثارٍ في عكاظ=ماتغيره العوامل ولاكلمة بغيض
أفطمتني عن هوا الخود خدرات اللحاض=احمد اللي عاضني عقب زفرات وجضيض
التجارب والزمن خلت أفكاري نجاض=وصرت أثمن غالي الوقت واسمع للعويض
وابتعد عن مجلسٍ يجمع قلوبٍ مراض=مقفلٍ فكري وسمعي عن علوم الخويض
ودي انهج منهجٍ للفضيل ابن العياض=ولاوصلت لمستوى الشيخ فالدنيا حضيض
مايحرك خافقي ود ترفاتٍ غضاض=زاهدٍ فالوقت من كثر غاراته نجيض
ماجذبني كل نوضٍ بعال الأفق ناض=مستحيل أنه يهيض شجوني بالوميض[/POEM]