نايف بن عيفان والكاراتيل

يالربع انا بقول لكم قصه ............. والله ان ابن عيفان مايستاهل مير اشوفه هالأيام مطلع له ريشه ( ماهوب نايف طلع اكروان ) ........المهم


نايف كل ماجيه ماحصله في البيت انشد اخوانه يقولون في السوق ......( طبعاً سوق العبيكان بينه وبين بيت نايف خمسه متر فقط ) ....... المهم طفشني كل ماجي ادوره قالو في السوق



قبل فتره جيت ادوره قالي اخوه الكبير توه راح من دقيقتين لسوق ........




قلت ممتاز ابي الحقه ........حطيت اسفل ثوبي في فمي وصحت زي كذا ( ياوك )





يوم وصلت السوق اليا اشوف نايف قدام مراية جمس ويشخص بالغتره قلت ياولد ابي اشوف وش يصلح ...............


الا هو مطلع قلم من جيبه وورقه لونها وردي شكل قلب
وقام يكتب فيها مدري وش يكتب المهم ماطول في الكتابه حطها بجيبه وراح


( هذا كله حاصل ونا اتختله من وراء السيارات ابي اشوف وش يصير )

شوي الا هو يوم رماها من جنب واحد بيركب سياره السياره مغيمه ماينشاف الي بداخلها ........... الا السواق يوم طلع ( فلبيني ) جاء قدام ابن عيفان وقام يمد يدينه ويقول زي كذا ( يا .... يا ..... يا ) .....


شوي الا اشوف ارجول ابن عيفان فالسماء وجاي له زحير مثل البعير زي كذا ( اوه.....اوه........ اوه )


والفلبيني مايلحق عليه الشوف من يوم ياصل ابن عيفان الأرض الا هو محضر معه وزي كذا ( يا ... يا ) الا ابن عيفان فالسماء ...... ابن عفان ( اوه .... اوه )


المهم استمر المشهد لمدة نصف ساعه ........


انا بغيت اهوش مير شفت الفعل في ابن عيفان وعظامي عيت تشيلني ماتشوف الا راسي من فرع التنده حقت السياره



ابن عيفان هوشه هوش بدو مايعرف الا بالعقال والا جموع ومطارحه ........ مايعرف هالنوع ......... الرجال قام ياخذه من حدر ......


المهم اهل الخير ماقصرو شالوه وودوه البيت .......




بعد يومين جيته وقلت سلامات وش الي فيك قال طحت مع الدرج .... قلت يارجال عينك خضراء الدرج يسوي هالسوايا ماهو معقول ...... قال لابالنسبه لعيني صقعت في زاوية الدربزين ......


قلت والله ماتشوف باس رحت مستشفى رحت دكتور قال ايه صرفولي ادويه وحبوب ...... قلت حمدالله كبرت وهانت ........


وبيما حنا نخوض اطراف الحديث <<<<<<<<<<<-------- ضف وجهك كمل السالفه بس


جرس البيت رن رد عليه واحد من اخوان نايف ......


اخو نايف/ .........مين عند الباب ؟؟



انا اودقر




اخو نايف /........ اودقر مين ؟؟



اودقر/ ......... في نايف




اخو نايف/ ......... ايوه موجود مين اقوله



اودقر /......... انته في فك باب وسوي قهوه




اخو نايف /......... اقلط حياك الله



اودقر خاش ومعه عشرين شخص من الجاليه الفلبينيه




اخو نايف /...... نايف فيه فلبينين جو ودخلتهم المجلس حوالي عشرين رجال ويقولون يبوبك .........

انا سويت زي كذا



اما ابن عيفان سوا زي كذا



رحت المجلس وشلت ابن عيفان يد على متني ويد على العكاز



جيناهم الى معهم هاك الرجال القصير الشايب المدرمح الي مثل البصله والظاهر انه عارفتهم .....وهو الرجال الي عليه العلم



قال ....... انته في نايف




قال نايف نعم انا هو



قال اودقر فيه يضرب انته ونته في تعبان ........



الا الرجال يوم اظهر من جيبه خمس مية ريال ( الظاهر انها معدال )



ونزل له اثنين منهم عند الباب الا هم جايبين خمسه كراتين مدري وش فيها




قال الشايب / نايف انته فيه يفك كرتون قال نايف لا يارجال مايحتاج .......قال لازم انته يفك



ابن عيفان شاف الصامله وفك الكراتين الا هي ( اندومي )


الظاهر انها عشاء لبن عيفان والرياجيل يبون يسوون الوضع ولا يبونه يكبر


قام ابن عيفان رد معدالهم وقال ماوصل فيه الكفايه وبن عيفان كان لابس مناظر
( طبعاً عيونه خضر مايشوف ابها )






قامو الرياجيل تسالمو .........اودقر مع ابن عيفان








والحمد لله ابشركم الرجال طيب والأمور تصلحت