مراسله مع الشاعر الكبير غازي بن دخيل الله بن عون

هذي قصيده موجهه للشاعر الكبير/غازي بن دخيل الله بن عون العتيبي

[POEM="font="Simplified Arabic,5,green,normal,normal" bkcolor="transparent" bkimage="" border="double,5,royalblue" type=2 line=0 align=center use=ex num="0,black""]بخلق القلم حكمة عظيمٍ له التعظيم=قبل مبتدي بكتابته قلت بسم الله

بعدها بديت كتابة النظم بالتنظيم=ولو كان يجهد ناظمه ماظمنت اخطاه

نديبي على إللي منتهى قمة التفخيم=على صنعةٍ يفخر بها صانعاً سواه

من احدث طراز التقنيه واحدث التصميم=تميز بقوة عزم مع سكبةٍ تزهاه

مقسم قزوزه والتوانك على تقسيم=احدهن تعبابه مئة لتر ماتملاه

جداد المفاصل فيه ماتقبل التشحيم=ملياً مشاحمها شحم نفط ومغطاه

وليم بل كلنتن للعمل صدر التعميم=على مجلس أعضا الكنقرس وايدوه اعضاه

يساند قوى التنفيذ بالعزم والتدعيم=لتشجيع مخترعيه ومصممين اجزاه

أي سي ديلكو جي ام ماحط به ترهيم=ينافس صناع طوكيو مخترع مبداه

ولادخلوه ايعادة الصنع والترميم=نحرت الوكاله ساعة اني نويت شراه

سائلت الخواجه قال هالوه وتزيورنيم=هاوريو ولامعرف كلامه ولامعناه

وقلت اله انا ماني بفي مدرسة تعليم=ابي للسفر موتر يسهل علي اعباه

فهم بالاشاره كن ماينقصه تفهيم =واشرلي على نوع سبشل جمس قلت ابغاه

عطيته فلوسه كاش بالعد والتسليم=وسلمني مفاتيحه وكنه علي اهداه

ركبته وشغلته ولاكل شياً تيم=تؤشر انبارته وسيره يجر عواه

فتحت الاديترماه ما ينقصه مليم=خالفته وللشكمان خلفه يبخخ ماه

توقعت يمكن جاه من ماطر الله ديم=لاشوف السماء يمطر ولدري وش اللي جاه

سألت المهندس قال صاف من التكتيم=تفاعل بخار محركه واللهب جواه

لهب غرفت التفجير منه القزوزجحيم=عماره بخار ونار صلب الحديد ازياه

تدق اصطواناته وهي مابها تنسيم=ترادع وكنه هدر هرشٍ كبير لهاه

وكنه يكلمني ولو ماحصل تكليم=لكني بخيص فيه من سابقٍ حلياه

يقول انقل التعشيق وادعس على البنزيم=وامشيك في ساحة ربوع الوطن وارجاه

تحركت فوق اللي ركوبه يزيل الظيم=يزيل الهموم ويشرح الصدر في ممشاه

نزل طلعة القدي محرك من النسيم=وحداه السريع يسارعن منطقة مراه

ليا اعطا الخطوط المسرعه مايبي القديم=طوا الخط طي مصدرٍ طاوياً لرشاه

تبعد همومي لاتعدا خبيب الريم=وتنحى بخطه مثل سيلٍ على منحاه

ثلاث من الساعت للمشي بالتوقيم=لهو مجنبٍ من ظلم ومعقبه وراه

لاطر شعفين يمين واقبل على ظليم=تيامن جنوبٍ غرب واشرف على الوطاه

ذكرت الطريق منين ومرسمٍ ترسيم=ومن يوم سيرته وانا عارفٍ ملفاه

ملافيه شغممومٍ بحي الوطاه مقيم =صبي الوفاء غازي لعل الرخوم فداه

عسى الشايب اللي عقبه جنة النعيم=برفقة بني صامل وتقديرهم وصاه

نزل مع هل الحشمه ومنهم لقا التحشيم=عوايد مدلهة الخوي للقصير أحماه

وعلى اسمه رويسي اصل للطايلات زعيم=وعلى مستوا قدره بروس القمم مرقاه

ابن عون له ذكرٍ غنيٍ عن التقديم=يعرفونه أهل العرف في اقصى الوطن وادناه

فتى المعرفه في هندسة ذوق نقد افهيم=إلطيف اكترو مغنيطي الفكر دكتوراه

ليا زل عن مفهوم ناسٍ تبي تحجيم=يحسبون رائد مبهم النظم ماوفاه

مدا بعد والغازٍ تخل الفطين بهيم=على منهجه من سرح الفكر ماضواه

لزم فيلسوف الشعر بالمنهج السليم=حكيم استشاري معرفه يقتدا بارياه

لون الحكم تعرض على لجنة التحكيم=تميز وميزة شاعرالوصف بمسماه

ولوصار للي يفعلون الكرم تقييم=اخذ مركزٍ راقي بما قدمت يمناه

ومع ذا كريم اخلاق ومشببٍ حكيم=أمين بعمل دينه وامين بعمل دنياه

عزمني وواعدته وفي دعوته تلزيم=وسافرت ماجيته وانا ملزمٍ برضاه

لزومٍ علي زيارة الغالي الحشيم=محله نزوره قبل وان مهلت زرناه

اخوي الصديق الوافي المخلص الحميم=حدتني ظروف الوقت عن جلستي واياه

وانا مكسبي لرضاه لي غاية التكريم=عسى يقبل المعذار والوضع مايخفاه

وبشكي عليه اسباب ماسبب التحطيم=لمعلوق قلبٍ هزه الشوق لين اعياه

ظروف الزمان القاسيه كيها ترقيم=مجود على كبدي بمرقاع ومعرقاه

جداد الهجوس اللي تخل الضماير هيم=ولاينكني مابي لوني بغيت اكناه

انا غربتي ساعه تذوقني التغريم=تصعب دواي لداي واداء رهين دواه

فلا يقتل العله ويقضي على الانزيم=يقع مسكني ديرة رجال الكرم والجاه

ولدري متى يعلن بتقسيم حرف الميم=لقتل الهموم اللي على عاتقي ملقاه

وتمت وصلى الله على المصطفى تسليم =وخير الختام لباقة الورد ذكر الله [/POEM]

ورد علي الشاعر /غازي بن عون بهذي القصيده

[POEM="font="Simplified Arabic,5,royalblue,normal,normal" bkcolor="transparent" bkimage="" border="double,5,limegreen" type=2 line=0 align=center use=ex num="0,black""]هلا بالرساله عدد ماهل وبل الغيم=وعدد ما تكاشف بارق الصيف في منشاه

وعدد ماورد فالمصحف الحل والتحريم=وعدد مالعى الورق وعدد ماسجع يغناه

وعدد نسل ذريت إسماعيل وإبراهيم =وعدد من رفع طرفه لربه ومن ناجاه

وعدد من سجد من جال زمزم اليا الحطيم=وعدد من تزاحم في مطافه وفي مسعاه

برسولٍ مشى من بين الاسكان والنظيم=وحط القواعيه ومزعل على يسراه

طريقه يحط مراه والجمش والقصيم=ويحط البجاديه وعروى على يمناه

لفاني رسوله عقب ماصلوا العتيم =وعطاني رسالت طيب الخيم من مخباه

وفتحت الخطاب إلى لفا من كريم الخيم=وجا الفجر وانا اطبقه وفتحه واقراه

وحصلت فيه من الخوندات خودٍ هيم=بها زينهن يا علي مبطين ماشفناه

من السحر في خدراتهن يا علي تطعيم=وكمن حسنهن فالصدر والعجز والمثناه

اضنه نهار يوزع الشعر والتقسيم=من أعلى المجازي على بن ربح اخذ مجزاه

ويا علي فالشعار عدٍ يشادي ديم=ولو يكثرون الورد ما يلحقون اقصاه

ولو يزحمه طرش الظفير وبلي وهتيم=وشمر وحرب بطرشهم ما يغيض ماه

ويا علي فالشعار رسٍ على التجميم=ليا ورده الظميان صدر وهو مارواه

ياكم مضمين ورد وصدر من جباه محيم=قليل الروا ورده يعرضهم المضماه

وكم شاعرٍ يبغى البلاغه وهو غشيم =يبي منهج إللي يدركون الهدف وخطاه

وقليل الجدى لو يجتهد صار مثل شريم=يبا يطوع صعاب المثايل وهي تعصاه

وبه سادةٍ عوبه تخزم لهم تخزيم =فلاسفت ادب عباقره ملهمين دهاه

يبصم بباهيم الآنامل لهم تبصيم=فرض شعرهم نفسه من اقصى الوطن لدناه

وبعض الشعر راعيه لو يجلبه ماسيم=مجرد خرافاتٍ من الغرب مستوحاه

وادبنا ترى غزو الحداثه عليه وخيم=ليدخل عليه خرافتٍ غيرة مبداه

وغزو الحداثه صوب الشعر فالصميم=جرى سمها مجرى اكسيجين الجسد ودماه

من الناس من لغم حصون الادب تلغيم=عقب عجز لا يدخل من الفقر في مبناه

عقب عجز يبدع فيه جازاه بالتشتيم=وصادق خرافات الحداثه وهو عاداه

يعادي سمان القيل ويصاحب الهليم=كلامٍِ لهوب من القصيد ولاهوب حجاه

يحب الحداثه ويعشق وجهها الذميم=ولوهو عرف مساوي الشعر من حسناه

ماعادا الاصيل ولا كره وجهه الوسيم=ولاصاحب الي لون وجهه مثل قفاه

وحزب الحداثه كان يكتب عنه تعميم=ويحكم عليه بجلد وبسجن ومجازاه

جزٍ للعقوق الباير المعتد الاثيم=عقب خان موروث العرب نعنبو مجناه

ومورثنا احد ٍغافلٍ عنه وحدٍ نيم=وهويشتكى من حيف وقته وبطش عداه

هل الفكر ناموا عنه نومت هل الرقيم=تقول انهم صقهان مايسمعون نداه

وهو يشتكى لله من حاله السقيم=ولاشاعرٍ ميت ولاحي مانخاه

ولوسمعه امر القيس والنابغه ماضيم=ولا طمعوا الانذال في دشتٍ ٍبحماه

ادبنا يبيله عن جراثيمهم تعقيم=ليا عاش فيروس الوبى تنتشر عدواه

وعقب مالفاني من علي مدحه العديم=تحيرت في راع المعاريف كيف اجزاه

وحاولت اجار السين ياهل الوفا بالجيم=ولو هوسواله عن جوابي تطول خطاه

اقل العطايا خابره يقنع اليتيم=لاكن الغني لهداك هدون يبي شرواه

وراع المثل يقول فالماضي القديم=ترا من يمد كراب كفه يريد ملاه

علي راكبله فوق عملية هميم=تذب الخرايم والسهل والوعر تاطاه

وجمع في سبوع رعيتٍ كثر ظين نعيم=تبذ الخفى وتعني الي تبي تنصاه

جنبها يعشي يم حوطت بني تميم=ومقهورها في روضت خريم والتنهاه

وانا عقب ميصال الهديه من النديم=ترتب على مواكب الصوغه المهداه

وتعنيت في تجميع شرد تبي تلييم=اجمع بقايا الشرد الي على خلاه

رقاب البكار الي لفتني تبي توسيم=ويبي كل صدر وعجز تحليل ومجاراه

بجاوب على المعرب واجاوب على التعجيم=سوال الوفي لازم جوابي يجي حلياه

ورى يابن مصلح يوم ينشدك مسترديم=عن اسمك وحالك ماتحاكيت مثل حكاه

وقلت لعدو الدين قله هلا يادليم =مترجم لغتكم معجمه قد تعلمناه

وجبت السوال وقلتله يا علي ماي نيم=علي ربح فاين ثنكيو يفهمه لاوحاه

وبه جملتٍ خلا عليها علي تعتيم=والوانه اقدى بين العلم ماخباه

ولاكني أبمشي على الهجس والتوهيم =وعساني ليا دورت درب الصواب القاه

ولقح من هجوسي هاجسٍ مبطين عقيم =وتمحض عقب ما فاجئه علي بمفاجأه

وصخر بيوت نافره لين صارت ريم=مرد على الي يشتكي حيف ومعاناه

يقول الفواد موشمٍ بالكوي توشيم=وانا ظن ما جا قيس من حب ليلاجاه

من الهم في صدره مثل كهرب التلحيم=يتوجد وجود بن الملوح على ليلاه

يتوجد على دارٍ طلع غرسها هضيم=وراع الوطن لو ينتحي عنه ماينساه

وبعض العرب ياعلي رجلٍ بقلب بهيم=يفلي بدارٍ يسكنه مثل مفلا الشاه

مثل مايفل الثور فالتبن والبرسيم=ليا حصل الما والكلا غايته ومناه

كما الثور جسمه من كبار الصحون ضخيم=ولا قام حب اهل الوطن والوطن يبراه

ولا شوقه ممشاً ليا ذعذع النسيم =بمد هال رجله يوم عمره بعز صباه

واظنك تبى ياعلي فرقا مضوف ثليم=غليلٍ على المربا وكلٍ يبي مرباه

ومن هام في حب الوطن والاهل ماليم =شفوق على دارٍ ودارٍ يبي فرقاه

تبا الديره الي بين ربدا وبين بريم=على جال وادٍ من طمع فيه ماخلاه

ولاكن دونه لابتٍٍ تيتم الفطيم=عن اوطانها حديدها بالقنا تنحاه

ياكم نزحوعن مدهل الشول من غريم=وعود عنه عايف عقب ما غزي يبغاه

رجع من فعايل ماجد وهاجد ال غنيم=وتمذه سهاف الشول ياعلي في مشهاه

وبا فهمك لو انك غنين عن التفهيم=وباالعذر منك اليا بذلت الجهد والجاه

وعذرك وحسن اسلوبك يقنع الخصيم=وانا العذر منك اقدره واقبله ورضاه

وتم الجواب الي بنيناه والتختيم=بذكر الكريم الي براياه في رجواه

وعلى المصطفى زاك الصلاوات والتسليم=رسول دعانا للهدايه وجاوبناه[/POEM]

الغالي

علي ربح السبيعي

______________

لـزومٍ علـي زيـارة الغـالـي الحشـيـم
محلـه نـزوره قبـل وان مهلـت زرنـاه
اخوي الصديق الوافـي المخلـص الحميـم
حدتني ظروف الوقت عـن جلستـي وايـاه
وانا مكسبي لرضـاه لـي غايـة التكريـم
عسى يقبـل المعـذار والوضـع مايخفـاه
وبشكي عليـه اسبـاب ماسبـب التحطيـم
لمعلوق قلـبٍ هـزه الشـوق ليـن اعيـاه
ظـروف الزمـان القاسيـه كيهـا ترقـيـم
مجـود علـى كبـدي بمرقـاع ومعرقـاه
جداد الهجوس اللي تخـل الضمايـر هيـم
ولاينكنـي مابـي لونـي بغـيـت اكـنـاه
انـا غربتـي ساعـه تذوقـنـي التغـريـم
تصعـب دواي لـداي واداء رهـيـن دواه


صح لسانك _______


__________

وادبنا ترى غـزو الحداثـه عليـه وخيـم
ليدخـل عليـه خرافـتٍ غيـرة مـبـداه
وغزو الحداثه صـوب الشعـر فالصميـم
جرى سمها مجرى اكسيجين الجسد ودمـاه
من الناس من لغـم حصـون الادب تلغيـم
عقب عجز لا يدخل من الفقر فـي مبنـاه
عقب عجز يبـدع فيـه جـازاه بالتشتيـم
وصادق خرافـات الحداثـه وهـو عـاداه
يعادي سمـان القيـل ويصاحـب الهليـم
كلامٍِ لهوب من القصيـد ولاهـوب حجـاه
يحب الحداثـه ويعشـق وجههـا الذميـم
ولوهو عرف مساوي الشعر مـن حسنـاه
ماعادا الاصيل ولا كـره وجهـه الوسيـم
ولاصاحب الي لـون وجهـه مثـل قفـاه
وحزب الحداثه كـان يكتـب عنـه تعميـم
ويحكم عليـه بجلـد وبسجـن ومجـازاه
جـزٍ للعقـوق البايـر المعـتـد الاثـيـم
عقب خان موروث العرب نعنبـو مجنـاه
ومورثنـا احـد ٍغافـلٍ عنـه وحـدٍ نيـم
وهويشتكى من حيف وقته وبطـش عـداه
هل الفكر ناموا عنه نومـت هـل الرقيـم
تقـول انهـم صقهـان مايسمعـون نـداه
وهـو يشتكـى لله مـن حالـه السقـيـم
ولاشاعـرٍ مـيـت ولاحــي مانـخـاه

وصح لسان غازي بن عون

مجاراة ( ضخمة ) و ( ثقيلة ) بقيمتها الشعريّة والأدبيّة


_____________

صح لسانك يا ابن ربح و صح لسان ابن عون
قصيده حلوة المعنى و المبنى
الله لا يهينكم جميع





أخوك/محمـــد ال عبـــدان

المشاركة الأصلية كتبت بواسطة محمد آل عبدان

صح لسانك يا ابن ربح و صح لسان ابن عون
قصيده حلوة المعنى و المبنى
الله لا يهينكم جميع





أخوك/محمـــد ال عبـــدان

صح بدنك يامحمد

اسعدنا مرورك وتعليقك

لاهنت

على بن ربح
وغازى بن عون


هنا درر ونفائس شعريه



هنا سبائك ذهبيه



لله دركم من شعراء



تحياتى

المشاركة الأصلية كتبت بواسطة خالد الذيابى

على بن ربح
وغازى بن عون


هنا درر ونفائس شعريه



هنا سبائك ذهبيه



لله دركم من شعراء



تحياتى

صح بدنك ياخالد الذيابي

لاهنت على مرورك المشرف

هلابك يافالح الهاجري

وصح بدنك ولاهنت على تعليقك المشرف

صوت وصدى


من الوزن الثقييييييييييييييل



علي بن ربح + غازي بن عون



الناتج اسعد القراء ومتابعين الابدااااع




صح ألسنتكم

المشاركة الأصلية كتبت بواسطة سلطان الأسيمر

صوت وصدى


من الوزن الثقييييييييييييييل



علي بن ربح + غازي بن عون



الناتج اسعد القراء ومتابعين الابدااااع




صح ألسنتكم

صح بدنك ولاهنت

اسعدنا مرورك وتعليقك

الله الله الله الله الله الله الله


ياسلام يا مساجلة الكبار


الحقيقه انت وغازي بن عون اسميكما في غنى عن التقديم


شكرا لهذه الهديه النفيسه يا بن ربح وصح لسانك ولسان شاعرنا الكبير غازي بن عون ،


...

المشاركة الأصلية كتبت بواسطة سداح

الله الله الله الله الله الله الله


ياسلام يا مساجلة الكبار


الحقيقه انت وغازي بن عون اسميكما في غنى عن التقديم


شكرا لهذه الهديه النفيسه يا بن ربح وصح لسانك ولسان شاعرنا الكبير غازي بن عون ،


...

صح بدنك ياسداح

تشرفت بمروركوتعليقك المشرف

لاهنت يالذيب

الله اكبر


قصيدتين فوق الوصف

وشعراء كبار كبار كبار ونتعلم من شعرهم ونستمتع به




صح لسانك يا ابن مصلح
وصح لسان ابن عون ،


دمتوا على العز

المشاركة الأصلية كتبت بواسطة مناحي

الله اكبر


قصيدتين فوق الوصف

وشعراء كبار كبار كبار ونتعلم من شعرهم ونستمتع به




صح لسانك يا ابن مصلح
وصح لسان ابن عون ،


دمتوا على العز

مرحبابك يامناحي

وصح بدنك ولاهنت

تشرقت بمرورك وتعليقك

المشاركة الأصلية كتبت بواسطة مشعان البراق

,

ابن ربح ,
صح لسانك ولسان ابو عبدالله ,

صوت وصدى يحملان رؤعه المساجلات اللي عليهاالكلام ,

تقبل الود ,

صح بدنك يامشعان البراق


والرائع هو مرورك على الموضوع وتعليقك

صح اللسانك واللسان ابن عون
ولاهنتواا
اطربتمونا

المشاركة الأصلية كتبت بواسطة محمد مشوط

صح اللسانك واللسان ابن عون
ولاهنتواا
اطربتمونا

صح بدنك يابن مشوط


اسعدنا مرورك وتعليقك