( ... ميثاق عــز ... )

للتواصل
مع النخبه

.
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الناس تصغر والهمم تِكْسر وأنا أبقى كبير=أكبر من ظروف الزمن وحظوظي المتمايله
أزَفلت دروب الحياه الشايكه ورد وحرير=وعزمي يوردني على العد ويميني طايله
أصبر ولومستقبلي مجهول والواقع مرير =وآخذ حقوقي من زمانٍ ماعرفت آحايله
يامن طعم ريقك شهد وأنفاسك أحلى من العبير=وجهك يشتّتني ويلملمني ل قمت أخايله
أقول في نفسي لمن قمت اتّدلع في المسير=محلاك لو انك موريني نجوم القايله
من يوم ماشفتك دريت اني قبل شوفك ضرير=ووديان خفاقي قبل لقياك ماهب سايله
يافاتني ياللي وصالك فيّ وصدودك هجير=ارفق وناظر في مودّك وش حياته قايله
هذي سنه عدّت وأنا ضامي على جال الغدير=حبّك حبيبي لا تباخل به وتنهر سايله
عطني من يمينك لحاف وباخذ يسارك سرير= وبرقا لبدرٍ رغم قرْبه يِتعب الرقّاي له
كم لي وأنا انوّي على الفرقا وأعود وأستخير=وأراجع عقود الهوى وأدْرسْه وأفتح فايله
وألقاني موقّع على ( معك معك مهما يصير )=ميثاق عز ضلوعي اتْحرْسه وصدري شايلَه
عزز ياعمري موقفي حدّد على ايديك المصير=الفرْح شف ذا نوض برّاقه وذي مَخايله
راضي ولو عطيتني من وقتك الشي اليسير=ياويل من نفسه مِهِب قنوعه ومتفايله
كل شي يكبر في الحياه أوّل بداياته صغير=والخيل تلحق في المضامير الطّوال أصايله
والله لو ماعاشرك مادوّر لغيرك عشير=بين الملا مابه حلا خصايلك خصايله
تركيبتك لطف وجمال وعطف واحساس وضمير=ومعنّز المنسَب ولك بين العوايل عايله
اسمع كلامي يابعد راسي واخذها من الأخير=العمر ملكك كلّبوه أواخره وأوايله
أبيك لو الحور فوق القاع من جنسك كثير=الأيام تمضي والليال اللي تجمّع زايله[/POEM].

وسلامتكم وتعيشون