تقول تحسّ ..!!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]

سقط حكم الغرام وضاعو الحرّاس = من ديار الوفا والحب والتقدير
بقلبٍ ما بقى لعروقه اليبّاس = سوى .. حزن وهموم وضيقه وتفكير
دروب الحبّ ظلما والوفا نبراس = وحظوظ الناس تجعل مايصير .؟ يصير
وانا حظي شجر واحداث عمري فاس = ويدين الوقت ما ملّت من التكسير
من أول كنت [ انا لك يا بريق الماس ] = قبل لا اميّز انّك تعشق التغيير
عقب ماهب من برد الغدر نسناس = من اغصان الغلا والشوق طار الطير
لو انّي في عيونك غير كلّ الناس = شعرت انّي بعينك وبضميرك غير
دموعك ردها لعيونك النعّاس = ترى ماعاد لدموعك علي ، تأثير
عطيتك كل حاجـه وانت باسك باس = تحب اتخون لكن ما تحب اتغير
تعبت اجبر مشاعر قلبي الحسّاس = وتعبت ادلّلك خوفاً من التقصير
جلست اشوف لأسباب الخيانه ساس = بأبرّر لك ولا وافق معي تبرير
تقول تحسّ ..! والله ما معاك احساس = حقيقه بس سامحني على التأخير
بعد ما صاب قلبي من غرامك ياس = لزوم اسوق رجلي واذكرك بالخير[/poem]