"دوي راعــــــــــد"

مساكم الله بالخير جميع......

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الليل هذا غير..ياطول مسراه=كل ماقربــت الصبح كنه يبــاعد

وحزني ماهو مثل الحزن ماله اشباه=هادي ويدوي فالصدر دوي راعد!!

وشلون اوقف دمعتي؟ واتحداه=والجفن خان وضيــقتي ما تـسـاعد

وهذا المكان الرحب ضاقت زواياه=لين اختنق فيها حنــين المواعـد

والجـادل اللي كل حرف اتهجاه= أروع من اروع بيت قاله"مسـاعد"

راحت في ليله خلدت بي معاناه=تزهـى بثوب ابيض وعقد ومضـاعد

ياقلب علمني وش اللي تحراه؟!=طـارت طيور شعورها وانت قاعد!!!

تفرد عروقك للوله والمجافاه= ولو احسب جروحك بضيع وانا عد!!!

رجم القهر كبه ولاعاد ترقاه=ضيعت عمري بين نازل وصاعـد!!

استر جروحك كان مابه معافاه=خوفي تبين ويشمت بنا البواعــد

والرامي ان ماوقف الحظ وياه= اخطى الهدف لو هو قوي السواعد

والحظ لاوقف معه صاب مرماه= لو ان في عينه رمـد ويتراعـد[/poem]