(( بـــــدر صفــــوق ))

السلام عليكم ورحمة الله وبركاته


كلمة حق تقال بحق هذا الرجل بعيدا عن النفاق مع تحفظي على بعض الأساليب الصادره منه ولكن له شكري على تحيّزه للشعر فقط وعلى انتقاده الهادف 0


[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لنّـك صريـح وكلمتـك تجبـر كـسـور = قالـوا علامـه هالرجـل ويـن غـادي
ولَن الوفا بك طبـع والصـدق دستـور = قالـوا حقـود وقالـوا إنــك مـعـادي
نافق وجامـل امـدح شيـوخ بالـزور = مش القصيده وهاك معْها اعتمـادي
بالـغ تمـادى رفّـع العِمْـيْ والـعـور = تلـقـا البهـايـم بالـغـلا لــك تـنـادي
اجبر كسر ارفع قـدر شطّـب سطـور = ادمـح خطـا الشعـار فـي كـل وادي
وش لك بصدقك يارجل منت مجبـور = هـذا زمـانـن مــا يـعـرف المـبـادي
لا مـا يفـرّق بيـن ممـكـن ومحـظـور = بـيـاض مغشـيّـن عـلـيـه الـســوادي
عـادي تكـذّب تتّـهـم عــادي تـجـور = عادي خضـار اللـون يصبـح رمـادي
عادي تهايط تصبح انسـان مشهـور = اسـمـك تـداولْـه الحـضـر والـبـوادي
عيش الحياه بكبْـر وخـداع وغـرور = ناظـر لهـم ياخـوي مـثـل الـجـرادي
خــل المثـالـيـه تـفـارقْـكْ لـشـهـور = ارفـع رصيـدك فالـزمـن لِقْتـصـادي
مـا دام جـاروا ظلـم لاتِطْـلِـع الـنـور = عيش بنفاق وشوف كثْـر الحصـادي
طبّـل لهـم ياشيـخ والـصـف طـابـور = وحــذر تزعّلـهـم قـصــار الأيـــادي
بيع الضمير وقول أنا إنسان معذور = عيبـي صدقـت بوقـت مابـه مـبـادي

[/poem]


[align=center]وسلامتكم00[/align]