الوكاد أني سببها رحت فيها ..!!

بعد السلام والتحيه والاحترام
صباح الاوركيد والسكر
بويتات علها تنال الرضا

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل ما ناظرت بعيونك يجيني = من بلا الاشواق شيٍ يعتريني
كن بعيونك جيوشٍ مستبده= باطشه تمشي بخطة موسليني
أشعل الاشواق في وصلك فديتك = أبك قلبي معك يالدر الثميني
كيف أخذته من ورا حدب المحاني = لين صرت أحس به بينك وبيني
العيون الذابله تفعل بلاوي = وأنت عينك في بحرها تحتويني
شف هدبها كيف بالاحكام جاير = كنه يخيرك بإحدي حاجتيني
ياتعيش العمر مجروحٍ سببها = والله لتبطي وجرحك ما يزيني
أو تجر الصوت بأسباب النواعس = تكتب المسحوب وتجر الهجيني
الوكاد أني سببها رحت فيها = كنها للضيم والقتل تحديني
ساعةٍ تقول للاحساس قرّب = وساعةٍ تقول كنها ما تبيني
يالطيف الروح خاف الله فيه = لاتهور خابرك عقلك رزيني
دامك اللي ساكنٍ عيني وقلبي = وش ورا مسكنك في قلبي وعيني
أن بغيت أنصفك بإحساس المشاعر = يقصر الاحساس يابهجة سنيني
والقصيد يضيع بأسبابك ولكن = حط كفك لو تكرم في يديني
خل كفيني علي كفك تكلم = خلها تنبيك عن شعلة حنيني
وعن كثير الهرج أبغرق وسط عينك = وأستمح منها فقط في كلمتيني
أنت مجرم بالغياب وبالتواصل = والدليل أنظر لحالي مبتليني
ما يطفي لوعتي لحظة وصولك = غير ضمك من يساري لايميني
ويش أسوي دامني مخنوق وانته = عاطر انفاسك بها كل اكسجيني
كنت أضمك في خيالي قبل أشوفك = وصرت أشوفك وأتخيل ما تجيني
طالبك بسم المحبه ياحبيبي = لاتغيب أرجوك خاف الله فيني[/poem]

الموقع أدناه