قصايد × قصايد ( 3 )

جمهور الشعر .. و متذوقيه ..

من اجلكم نواصل هذه السلسلة الجميلة المنوعة من قصائد أهل المرقاب ..

بحثا عن درر مدفونة .. وأبيات مرت دون ان تأخذ حقها من التخليد ..



ساهموا معنا باختيار شاعر .. وشاركونا بسرد قصائده ..

وحاولوا معي ان نبعتد عن التكرار الممل .. فالتجديد أجمل ..

ولا ننسى ان نورد عنوان القصيدة لتكون الفائدة أشمل ..




*


*




اختار المرقابي رقم واحد .. حبيب العازمي

بل الشكر لكم .. فلولا تواصلكم لما استمر سرد قصائدنا ..


*

*



في قصيدته ( الثريا ) يقول عبدالله الطلحي :

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فمان الله ياحلمي الجميل اللي عشقته حيل=وضحكني سنين طوال لين اليوم بكاني
لقاني قلب طفل تغره الجُره بدرب السيل=وتبسم لي بلطف وغرني بالحيل واغراني
وقال العمر فرصه سانحه ماتحتمل تأجيل=وانا حلمك ولو ضيّعتني ماعاد تلقاني
نشدته وين ساري قال طالع للجدي وسهيل=وقلت ابغاك تاخذني وتستعجل على شاني
وبدينا رحلة الأحلام والخطوه تساوي ميل=واخذني فوق حتى فوق نجم سهيل وداني
وحصلت الثريا في فلكها ساحره بالحيل=وشفت نجوم واجد والثريا شكلها ثاني
خذتني في فلكها لين حتى مابقابي حيل=خذت مني الطفوله والشباب وكل شي فاني
قضيت العمر كله حلم عشته مع نجوم الليل=ولكني صحيت اليوم مدري ويش صحاني
وصرت من الذهول ادوّر الجُره بدرب السيل=واراقب للثريا واذرف الدمعه من اعياني[/poem]





اختار الغائب فيصل السواط

وهذي( سكرة الفرقا) للمبدع فيصل السواط
[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


وقفت بساحـة العشـق القديـم وروضـة التفـاح = ادوّر لــي عـلـى تفـاحـةٍ مــن عــام مـسـروقـه
يبشّرنـي بهـا ريـح المطـر والبـارق الـلـي لاح = واقــول الله يجيـبـك ياسـحـابٍ لاحـــت بـروقــه
بعـد مـا قفّلـت بـاب الـهـوى بالقـفـل والمفـتـاح = ظروفٍ ما عطت قلب المواليف ابسـط حقوقـه
ياعينـي مـا علـى درب المحبـه واحــدٍ مـرتـاح = هنـيّ اللـي سكاكيـن الغـلا مـا مــرت عـروقـه
وانـا مابيـن تخديـر الجـروح ومشـرط الجـرّاح = انـازع سكـرة الفرقـا عشـان عيـون مخلـوقـه
عطتني في فضاها الفين كيلـو واربعيـن جنـاح = وقالت ماعليك امـن الزمـن والوقـت وسبوقـه
تحرّر واطلق عنـان المحبّـه واتـرك اللـي راح = وانا والله لاعيضك مـن دفـا صـدري ومعلوقـه
وعز الله قِـدَح مـرو الحنايـا واشعـل المصبـاح = وصار النور يرمي نور مـن تحتـه ومـن فوقـه
تولّت بنـت ابوهـا خافقـي واثـر الهـوى سفّـاح = تناوشنـي عـلـى مــن تنـثـر الخـفّـاق وتحـوقـه
تعلّـق فـي سنابلهـا الـثـرى والـفـاس والـفـلاح = وصارت قربة حروف القصايد غصب مشقوقه
ياطيبـك يازمـانٍ كــان مابـيـن النـجـوم وطــاح = على راس الأماني واصبحت فالنفس محروقه
ولاادري ليه ضاقت وانهكت يمناي والمسبـاح = رفيقة حلمي اللي كـان واجمـل بنـت معشوقـه
تحدّثني عن اشواق الثـرى للمـا حديـث ارواح = تعاتبنـي وانـا اسمـع كلـمـةٍ ماهـيـب منطـوقـه
ياليت ادري وش اللي صابها في قلبها وارتاح = تعبـت وصـارت عظـام النشـايـد مالـهـا طـوقـه
عليّـه بالحـرام انـي عشقتـك والقلـوب صحـاح = ولازالــت مكانـتـك بفـيـاض الــروح مرمـوقـه
تعالـي ياغـلا العشـق القديـم وروضـة التـفـاح = ماعـاد ابغـا سـوى تفاحـةٍ مـن عـام مسروقـه[/poem]


ودورولنا من ابداع فهيد بن عصيدان

وهذه لـ فهيد بن عصيدان


مـادام للخـوّه حْـقـوق ومطالـيـب
يبصم عليهـا أهـل القلـوب النّظيفـه
للأخويـا سلْـم وتـبـادل مواجـيـب
إمقسّـمـه مابينـهـم .، بالنّصيـفـه
والرّجل لاصاحب .؟ ينقّـي الاصاحيـب
وإيطقّ من عرْف الخبـلْ والهديفـه .!
وإن جازله رجّال ., من عقب تجريب .؟
في (قائمـة عـرف النشامـا) يضيفـه
والطيّب اللي وين ماِتدرجه .، طيـب .؟
هـذاك منـوة كـلّ طـيّـب وكيـفـه
وأنا وريث أهل السّيـوف المخاضيـب
وأهـل البيـوت المزبنـات المريـفـه
قطّاعة الفرجْـه علـى الفطّـر الشّيـب
والاّ علـى ظْهـور المهـار العسيفـه
قضبْـت منهـم للمراجـل مقاضـيـب
ومنهـم تعلّمـت العـلـوم الطريـفـه
أشفق على خـوّة عريـب المناسيـب
أشفق من الطائي على شـوف ضيفـه
أوفي له أوفى من وفـا الزيـر لكليـب
وأوالفـه ميـلاف ولـفْ لوليـفـه .!
وإلى نصاني يشتكي قاصـر الجيـب .؟
أمـدّلـه لاكــان حـالـي كسيـفـه
أعطيه مافالجيـب .، والـرّزق فالغيـب
مـن عنـد خّـلاق الطّـوال المنيـفـه
مانيب أفـرّح فأبـن عمّـي الأجانيـب
أحمي قفـاه إمـن النّفـوس الضعيفـه
ولانيب أطلّـع فـي رفيقـي عذاريـب
لأهلْ الحكي ., وأهل العقـول الخفيفـه
وإن جات طعنه من رفيقي .؟ فلانيـب:
أسلّ سيفي كان هو سـلّ .، سيفـه .!
أرفـع مقامـي مـن سوايـاه وآطيـب
وأمدّلـه كــفّ اليمـيـن الشريـفـه
وإن كان هو يغتابنـي كـلّ ماغيـب .؟
بواجهه بالحـقّ ., فـي وجـه زيفـه
أطقّهـا بالوجـهْ وإيخيـب وآصـيـب
وأخلّي أعـذاره .؟ بعينـه سخيفـة .!
وإلـى نـدبْ ؟ مانيـب أردّ المناديـب
يامرحباً به ., وإن بغا الصـدّ .؟ كيفـه
لكـنّ لاوصلـتْ كرامـة الأشانيـب .؟
عنـد الكرامـه ., بتـكـرّم وأعيـفـه
أصدّ .، واقبالي عقـب صدّتـي عيـب
ماأعتـدتْ أردّ إقفايتـي بالنكيـفـه .!


نبي للشاعر سعود ناهض الرويس

يقول سعود



,
/


من منطلق صدق المشاعـر والأحسـاس
هاظ الشعور .. ولا كتمـت الأحاسيـس
مبطي وأنا أكتم جرح قلبي عـن النـاس
وأخـاف .. لاتكثـر علـي الوساويـس
أوّاه يـا قلـبٍ مـن البـعـد منـحـاس
كنّـه يقلـب فـوق حــر المحامـيـس
ذاق المراره .. و الشقاوه .. و الأتعـاس
من بعد ما هو صافي .. ما بعـد حيـس
يا شيب عيني .. كان صـارت للافـلاس
واستسلـم الخافـق لجمـع الهواجيـس
و أنت السبب .. يا داعي الهم و البـاس
من دون تفكيـرٍ .. ومـن دون تقييـس
حطبت لك روض الفكر .. والقلـم فـاس
وأشعلت نار القاف .. فـوق القراطيـس
ومن المعاني صغت لك .. در و ألمـاس
ومن القصايد جبت لك .. عـرش بلقيـس
حتى غدا شعـري لـلأذواق .. نبـراس
يظوي سماء العشـاق .. مثـل الفوانيـس
لـو الغـلا يوخـذ ويعطـي بمقـيـاس
غـلاك .. ماتلحـق علـيـه المقايـيـس
تخطي .. وأسامح .. وأشرب المر بالكاس
وأثور .. و أركد ..و أتعوذ مـن إبليـس
جرحتني .. والقلـب مرهـف وحسـاس
و تركتنـي للهم .. يـا حـادي العيـس
مـن يمسـح الدمعـه إذا هـب نسنـاس
من يمّكم .. والشمـس خلـف الكواليـس
ومن يرحم المشتـاق لا صابـه عمـاس
و بيـارق اشواقـه بصـدره .. مناكيـس
ياهـادم قصـور المحبـه مـن السـاس
أعلنـت بـإنّـا فالمحـبـه مفالـيـس
ناظر غصون الحب .. عطشا .. و يبّاس
و أمطار وصلك فـي سماهـا محابيـس
أمـا تجينـي قلـب فايـض بالأحسـاس
و ألا فمـان الله .. يـا حـادي العيـس




عطونا .. لـ .. محمد السواط

تعددت الأذواق .. والشعر واحد ..

*

*

هنا رائعة محمد السواط بعنوان ( الدخيله )




[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كنت بين أعمال همّي واستراحات اهتمامي=بين حلم المجد وانغامه والآمال العظيمه
ابني لجهدي شموخٍ ينحني لاجا مقامي =واطلب لعيني طموحٍ ينصر ارباب العزيمه
ويوم ماكنت اتمشى بين صمتي واحتدامي =وانشغالات الهجوس وعزّة النفس السقيمه
مرني طيف سمعته تمتم برد السلامي =خطوته مستعجله ماهي بخطوات المقيمه
شحت بالوجه وخواطر خافقي تلطم عظامي =لو لسان الحال ينطق قال..؟ يامال الحريمه
وارتمى في خاطري برقٍ سرق كل احترامي =وامطرت عيني خيال وصب في ذهني وريمه
ردّت الطرف السريعة شكّلت صوره امامي =ماكأني غير اناظر في حلاها واستهيمه
واشربه بين الهجوس وكل عرق يقول ضامي =زيدني يالوادي الملهوف من سيلك بديمه
جادل مثل القمر لاكان في بدر التمامي =يلفظ انفاسه ضياء ونور في ليله بهيمه
عينها بحر الهموم وشعرها سكة غرامي=وابتسامة ثغرها فرحة لمن جر الهزيمه
والتفاتتها سطوع البرق في جو الظلامي=ان دنت خاف الظلام وهج بخيوط الجريمه
ريقها سكْر الحياة ونهر معسول الكلامي=وريحها مسك العطور وعود في نارٍ ظريمه
المهم...؟ان الحلا فيها ومنها مايضامي =لكن الرعب بخطاها وارتعاشتها حميمه
جتني اتنادي بعلو الصوت يالرجل العصامي =إلحق ..ابياتي تراها باتت الليله يتيمه
هاذ انا عندك قصيدة حايرة بين الأنامي =يادخيلك كلٍ يطالعني بعين الغنيمه
جيتك اسعى من دياري وانت لي غاية مرامي =يارضى زبن الدخيل ومخضب الهمه بريمه
قلت لابالله زبنتي...وانبرى شدّ الحزامي =إعتزي والزمل من شانه نمس بطان ريمه
يالقصيدة..دام شلتيني على راسك وسامي=إبشري واستبشري بالجد والنيّه سليمه
مالك الاّ فارس يحميك من كف الحرامي=ماحسب وقع الحروب ولا عواقبعا الوخيمه
الهدف عندي وجوب وحيّ زندي زند رامي =وان قسى جور الزمن ..بابسطلك الكف الكريمه
لازم الدنيا حلال ...ونافض الدنيا حرامي=مكسب للمرجله والخصم يبشر بالخصيمه
صيت ابويه مسندي مابين خيلان وعمامي=لابةٍ لاشمّرت نارٍ تسعّر في الهشيمه
لا يهمّك يالدخيله لا ملام ولا خصامي=لا ..؟ولا حتى سهام الغدر ولسان الظليمه
وعدٍ اقطعبه على نفسي بعد عامٍ لعامي =لارفعك بين النجوم ولاحملك شيمه وقيمه
دام صرتي ضمن همّي... ريّحي وسط اهتمامي =وخلي الباقي عليّ بسوق الآمال العظيمه[/poem]




اختار سعود القت

-

-

-

فكره رائده تشكرين عليها يادارين



يقول اخونا سعوووود القت

المشاركة الأصلية كتبت بواسطة سعود القت

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بنات الفكر عطّن بنفحة شذا القاسين = على جمرة ظروفٍ شديدٍ تمزّعها
لحتنا الليال العوب واحتدت المرهين = وكف الدهر لاهْوى على قومْ مزّعها
بتوعٍ ولي هقوه سطيّه مع الممدين = تفوق الهقاوي لاستهاجت مطامعها
لكن السنين العوج تدحم بدون يدين = لمع نابها قدام نصمل نصارعها
ونطحنا وجيه الخوف واقسى شديد يلين = مقاليطنا عين الخطر ما تزعزعها
سيوف الشجاعة فالملاقا ترد الدين = تهيب الاعادي لاستناضت تلامعها
نسمها سمومٍ تحرق العسر قبل اللين = زمت في عيون الوقت لو كان مجزعها
تعوم البحور الهايجه فوق كف البين = وفي زرقة الامواج تعصر مدامعها
تعفّي حبال الصبر في غفلة اللاهين = لو الظرف مبقى فذةٍ في مقادعها
تناوش سنام المجد من سلّم التمكين = تحضن الثلاث البيض وتروم رابعها
تتل الرّها بالميز والعقل مثل العين = يميز قدا الخطوه قدم لا يطالعها
مثل بصمة الاصبع لا جات اللزوم تبين = وتفرق عروق الناس بصمات اصابعها
وتباكا عيون الفقر من عوزة الوافين = لو دموعها ما تبري اصغر مواجعها[/poem]

من يجيب لنا شي من ابداع ابو راكان عبداللطيف الغامدي


-



-


-

الأخت الفاضله دارين

الشكر لايفيك حقك

نصوص شعريه فاخرة لو لم يكن هذا الموضوع لما اطلعنا عليها


يقول عبداللطيف الغامدي بحس راقي

المشاركة الأصلية كتبت بواسطة عبداللطيف الغامدي

السلام عليكم ,,
جديده .. للتواصل لاغير ,,

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هزّ جذع الروح يتساقط قصيد ولمّه = دام في مدّة يدك باحساس سرّ الهامي
وان بدا لك شخص يشكي لك تنامي همّه = لا توحّده بمجابه همه المتنامي
هذا انا يوم امنح الكلمه طريق وهِمّه = لجل تطوي بي مسافة صمتي المترامي
اعترف لك ما بقى للجهد شيّ آتمه = لجل يرضى واقعي بكّيت عين احلامي
ابتلشت مع الزمان يخمّني وآخمه = يرفض استسلام جوره وارفض استسلامي
كل ما قلت انحصر ضيمه يجيب مطمّه = واثر هذا ديدن الدنيا وسلم ايامي
اتجاهات التعب شتّى ولا له يمه = والغريبه وين ما رحت اصدفه قدامي
وهذا انا بينت لك سداً تعبت آدمه = ماشكيته غيرلله ثم لك يالسّامي
لنّك الزم لي من البلسم ونضح الجمّه = ولنّي اشرح لك شعور المنجرح والضامي
ولن لي بك حاجة الطفل لحنان الضّمه = ولنك اوثق من دواير بصمتي فأبهامي
حطّني فالوصل عن فقدك قليل الذّمه = واعرف ان العهد مهما ابطى يظلّ الزامي
ماانت ابو جرح القدر لكنّْ جاك وسمّه = يمكن انه يندمل بين لحمي وعظامي [/poem]

ممكن تعطونا سعود الحارثي


غيمار

خالد الغازي .. نايف المقاطي

اهلا بكم

تبقى الأمور رهنا لتواصلكم .. ومتى مااكتفيتم شعرا .. سنكتفي قراءة ..




*

*


يقول سعود الحارثي في قصيدته
( ماتهز اركان ثقلي واتزاني .... الا شيخه )


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سولفي لي ياعيون الحارثيه=عن غلا عن حب عن شوق وأماني
وبلغي( شيخه) ترى الاشواق "حيه"=لو أبا أنسى داعي الذكرى دعاني
مايموت الشوق واغصانه نديه=ولايموت اسمٍ يهذري به لساني
يشهد الله كل ماتطري عليه=تسرح افكاري وأعيش بجو ثاني
سامح الله وجهها ميته وحيه=وسامح الله قلب أطيعه ويعصاني
كثر مازادت على الكيه بكيه=كثر مغليها على قاصي وداني
كثر ماتتلى الخطيه بالخطيه=كثر ما اعذرها وتحظنها المحاني
عشمتني لين قلت الحب هيه=وضيعتني لين ضعيني مكاني
أتاثر من هديل الراعبيه=كلما غنت "زماني يازماني"
والهوى ملعون ابوه وحي حيه=لو أنكس هامتي زلزل كياني
يافقير الحب أنا نفسي غنيه=والغلا في خافقي رمز ومعاني
كم هنوفٍ قبلت ظاهر يديه=وخطبت ودي ورغبت في حناني
وأتقافا في غرور وعنجهيه=ماتهز اركان ثقلي وأتزاني
الا (شيخه) جيتها كلي هديه=والهوى مابين وردي وارجواني
أبدويٍ هام في حب بدويه=ومن رداة الحظ ماكسب الرهاني
لين صفى لاشداد ولامطيه=عودت عشر الهوى تسع وثماني
وين قيس وفين ليلى العامريه؟=يالحبيب اللي شريته ماشراني
أحسب أنك في هجير الصيف فيه=وأحسب أنك قبل مانغرق مواني
ياحسايف يامزون العقربيه=يوم هلت حب واشواق وتفاني
وسقت فنجال الغلا من شاذليه=وأنكسر في يدك والخوف أعتراني
لاحت الفرقا وأنا عندي وصيه=اسمعيها كان لك قلب وأذاني
أحفظي حق المرابيط القويه=ولك شكري ولك ودي وأمتناني[/poem]


اختار فايز ابو رجيله الثبيتي



*


*



تنويه


اتمنى من الجميع ذكر عنوان القصيدة

السلام عليكم ورحمة الله وبركاته

من قصيدته بعنوان ..

( جية ما لها داعي )




[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعد مر الفراق اللي سنينه أجدبت بالقاع=وانا احفر فالثرى عن عذر يقنع شرهة اوجاعي
تجيني بعد طول اغياب تسالني عن الاوضاع=تأمل في نحولي وانت تعرف وشهي أوضاعي
يمر من السنين اسنين واللي ضاع منها ضاع =وانا طول الليالي ماني بغافي ولاواعي
تموت الخطوة اللي للنوايف ودها المطلاع =وهي ياناعي الاموات ماتلقى لها ناعي
ولالمت الرسايل يوم طوعني زمن ماطاع=وهي تلهث على بابك وملت وقفت الساعي
تدور في كفوفك عن عزا للخاطر الملتاع=ووصلك مثل غيمه بالمطر مابللت قاعي
ومن بكره وفي بكره وانا في حاجتي طماع=وهي لو انها بالجهد ماقصرت بذراعي
لكن الحظ يوم انا تعبنا والبطون جياع=مجوعني ومشبع ناس من مدي ومن صاعي
لان القحط مايعرف وش اللي محوج الزراع=لانه لو عرف ماضاعت انصافي ولا ارباعي
فلو ان السفينه روحة في بحرك الخداع=على الريح الخطا يحسب ولايحسب على اشراعي
ولو ان المنادي يوم نادى أصغت اله اسماع=ماكان الصمت صاير شي من فني وابداعي
ولن تحيا المشاعر والليالي كلبوها اوجاع=بعد ماتت وهي حرجه مابين الذيب والراعي
لكن اسمع والك خطوه تودي والدروب اوساع=والك تبرير فاطباعك والي تبرير فاطباعي
بعد طحنا وقمنا من غياب(ن)مجدب (ن)بالقاع =انا معذور لو قلت الك جيه مالها داعي[/POEM]





اختار .. بدر الداموك

يقول الرائع بدر الداموك في قصيدته ( بقايا الحب )

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الجرح عمره من كياني والشقا عمره زمن=والجمر من حدب الضلوع الى ورا حدب الضلوع
وامرّ من هذا تباريح الموده والشجن=وحلم الشجاع اللي لوانه حققه ماهو قنوع
ماهو غريب من الزمن صكات ..واهات ومحن=بس الغريب!! اصحابنا اللي وافقوا له بالخضوع
غنوا على جرحي وجروله من الفرقا لحن=نصيتهم وحدي وجابو لي من الطعنه جموع
حتى الدموع!!اليا بغيت أهلها قالت: لمن؟=شحت علي أفرج احزان الشقا حتى الدموع!!
وعيوني الثنتين عن شوف ابتساماتي عزن=مات الفرح واستوطن التجريح بعيون الجزوع
يامهاجره..ماعاد لي لو جيت بعيونك وطن=انا الغريب اللي طفت في غربته كل الشموع
رحلت يوم اطعونك الصلفات بضلوعي سهن=والمستحيل..المستحيل..المستحيل افكر بالرجوع
قدرك عقب ماهو على قمة مشاريهي طمن=طحتي مثل ماتطيح من عيني مشاريه التبوع
زرعت حبك في حشاي ..جنيت آهات وحزن=وجزعت من هجرك معي والحر بالعاده جزوع
ماعاد للدنيا طعم..ماعاد للعشره ثمن=ماتت مشاريه الغلا ..صامت مزامير السموع
جفت ينابيع الوفا والغدر لابسله ردن=والخيل تصهل عايفه..والرجل ممشاها قطوع
يامهاجره عمر الخطايا بالحنايا ماهدن=اليا بغيت اسهى بهن صكن علي من كل نوع
تعبت..أشد ظهور خيل الحزن بسروج ورسن=العمر سبع سنين والمسرا على ركبه وكوع
ان ماوقفت بقامتي أطيح..وللطيحه ثمن=وانا محسوبه طيحتي عند الجماعه والربوع
عزيز قومٍ لو مواريده عن الجمّه غدن=ورد سيوفه في نحر ضدّه ونطحها الجموع
يامهاجره روحي مع الهجران في صورة رهن=وقلبي (عليه بالحرام) انه لوصلك مايجوع
كذا...بقايا الحب تسهرني على الدفتر واظن=مافيه شئ اقسى من الطعنات بيدين الربوع
الليل عيّا لايمر...والا الشقا عمره زمن؟=مدري...؟ولكني بموت وحبها بين الضلوع!!![/poem]



اختار ساير الرماحي

المشاركة الأصلية كتبت بواسطة ساير الرماحي

[align=right][align=center]
[align=center]بسم الله الرحمن الرحيم


اعذرونا على القصور

والغياب


وبدون مقدمات. . .


اليكم . . .






.
.
.
.
.


[/align]
مدري علام الوقت ماهو مثل مانا خابره؟

ـــــــــــــــــــــــــــــــــــ هو ليش دايم ـ من زمن ـ معطيني الوجه الشحوب؟



هو ياترى ؟! جته الحضارة.. والتطوّر ساحره؟؟

ــــــــــــــــــــــــــــــــــــــ أو هو مراهق!! ماتعرفه جدّ !! هو دايم لعوب؟



مشيت في رجلي بدنيا والشوارع ماطره..

ــــــــــــــــــــــــــــــــــــــــ ثم لفّها ليل الدجى..بسكون مافيها هبوب..



ما ها الشوارع هي مثل ما اذكر انا للعابره..!

ـــــــــــــــــــــــــــــــ مافيها من يكسر سكون الليل .. من عقب الغروب..!



لا يازمن.. أذكرك أنا فيك العذوبة ظاهرة..

ــــــــــــــــــــــــــــــــ وش صار قلّي يازمن؟.. أو هو تغيّر في القلوب؟؟!!



المشكلة أني معك .. مجبور عيني ساهرة..

ــــــــــــــــــــــــــــــــــــــــ لا نا مت عيوني ولاني غاسلٍ يدّي وأتوب!!!!



شفني أنا جالس ومتحرّي عذابي لآخره..

ــــــــــــــــــــــــــــــــــــــــــــــ لامنّ كلٍّ جهّز الغفوة لعينه للهروب..!!



شفت العجب!! أعرف شقاي.. وفوق هذا ناطره!!

ـــــــــــــــــــــــــــــــــــــ صدّق تراني صادق ولا جابني رجلٍ كذوب..!!!




[align=center]وسلامتكم...

أخوكم /ساير الرماحي[/align][/align][/align]

مطلوب قصيده لـ خالد الغازي

تتوالى اختياراتنا .. ومع الجميع نتميز كل مرة ..


*

*


تقول نوض


يا ويل قلبي



[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غلطـة زمآني جبت قلبي مــن اقصآه=في حـب شخـصٍ ٍ صار ويـّـاي ســِـلبي!
تـوي صـحيت وعـشت جـو الـمعاناه=وتـوي عـرفت وقـلت: يــاويـل قـلبي
ويـومي تـعبت وقلـت: ياقلـبي إنـساه=جـَـمر الـهوى وسـط الفـؤآد إشتـعل بي
قـِمّت آتذكـر يـوم كـنت آتـرجاه=والشوق في قمّـة جنونـه وصل بي!
وآقـول حـس ارجوك بالقلب وش جآه=حـالي مِـن الفـرقا حـبيبي نـَحل بي
عزآه ياوقتٍ مضى والف عـِـزآه=من سِـّـبته حتى المرض مـِتصـَـل بي
بـس المـصيبه آه يـاحـر فـرقاه=سـَـافر وأخذ قـلبي ورآح ورحـل بي
كـنت اعـشقه وآمـوت وأدوّر إرضـاه=ولازلـت أحـّـبه مـوت مـهما حـصل بي
هـذا قـِدر مـكتوب .. والـحمدللـه=مـكتوب اعـيش الحب ويّـآه ســِـلبي[/poem]



اختار معيض العتيبي

آخر ماقال وليس ماكتب

معيض العتيبي ..

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
مدري وش الحاصل .. لكن انت لا غبت = احس كون الناس .. ماهوب كوني
ما أقول لك / شابت رموشي وشيّبت ! = اقول :- شفت الوقت دونك ودوني
ما جاء على بالي وناسه .. ولا طبت = بس الغلا .. يقراء رسايل عيوني
( يومين ) .. فيها ذاب صبري وانا ذبت = ما كن راسي .. شايلاته متوني !
ليل الاحد .. ماهو مثل ليلة السبت = لو جاملوني ربعي .. ونادموني
معهم جسد .. لكن قلبي معك ثبت = شفني ليا فكرت فيك / اعرفوني
نظراتهم سؤال : ( للحين ماتبت ) ؟ = وانا جوابي .. لـ ( العيون اتركوني )
ماللوله طب ٍ لو انك تطبّبت = الا الوله في قلب غالي ٍ يموني
شف حل الي يامن سعيت وتسبّبت = ما يحتمل قلبي . وتقوى جفوني ,
خالفت ( سلم الفوضويه ) .. ورتبت = قصايدي .. لين ازعلوا / وانزفوني
ويوم انزفوني بالحروف .. وتصوبّت = قلت ( انتهوا ) .. لكنهم ما نسوني !
ثاروا علي .. وكل ما طبت / ما طبت = رجعت افتش عنك ( داخل عيوني )[/poem]


نبي من إبداعات /


[ محمّد بن مصوّي ]

و للشعر بقية



يقول محمد بن مصوي في قصيدته

( يالله )



[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله ياللي كل الأمات ترجيه = يا باسطٍ سبعٍ وسبعٍ رفعها
اغفر لمن هو شال مالا قوى فيه = شال الذنوب الكايده ما ردعها
يطرد ورى الدنياء وحفيت مواطيه = ويتبع هوى نفسه ولا قد منعها
ما يملك الا دعوةٍ بين اياديه = ولا يملك الا دمعةٍ ما دمعها
شاعر وطرّز بالجواهر معانيه = على جدار المعرفه قد طبعها
يخاف من شرهة بعيد المشاريه = ويخاف من طمعة رديٍ طمعها
ويخاف من عين الحسد لا تراعيه = عينٍ تعاين لقمةٍ ما بلعها
ويخاف من طمعة رديٍ مخاويه = خوة فلس ما احدٍ درى وش سنعها
ويخاف من زلة حكي بين اشافيه = يفرح بها الشمّات ويطير معها
ويخاف من يومٍ ينادي مناديه = وتغرغرت نفسه وروحه شلعها
ويخاف لامنّه وقف عند باريه = وتكدست كل الذنوب وجمعها
يومٍ يشيب الطفل من شيٍ يجيه = فقير ذنب ورضعته ما رضعها
وشلون من داست على القاع رجليه = ولا فيه رمعة ذنب ما قد رمعها
يا رب انا عبدك وهذي مواريه = يسألك جناتك وصافي نبعها
اغفر لعبدك عد ما احتاج واليه = واعداد ركعاتٍ لوجهك ركعها
واغفر يا رب لك ربعه واهاليه = واغفر لمن سنة محمد تبعها[/poem]



اختار سعود المحجان




*


*



للجميع



لازلت اطالب بتدوين عنوان القصيدة ..فلا تبخسوه حقه من الذكر ..


ولكم كل الشكر

غيث لا يتوقف .. يروينا .. وينعشنا .. ويمتعنا ..


*

*

يقول موسم سفر القثامي في قصيدته :


أذنـي عن هروج المقاريد صمـا

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يوم أن بعض الناس طبعه مدما=يأكل لحوم الناس زور وضليمه
بأعراض خلق الله بنكٍ ينما=تجارته مامن ورآها غنيمه
عن منهج الأبرار كنه مغما=وعطبان حتى من لسانه نديمه
أذني عن هروج المقاريد صما=ما صغيتها لمروجين النميمه
احفظ لساني واحفظ النفس عما=يهينها وأصبح بموقف هزيمه
وأصير شمته للحقير المسما=اللي تحلى بالصفات الذميمه
وعن الوطا مرقاي في راس زما=عزيز نفس ولي كرامه وشيمه
أقراء الكتاب وحافظٍ جزء عما=مؤمن بمن يحيي الغصون الهشيمه
ولا أفكار غيري لا حشا ماتهما=عندي قناعه ماتبنا العقيمه
ولا أفعال غيري ياملآ ماتسما= الا ليا جالي عليها وسيمه
ولا أجامل المخطي لـ إِما وأَما=لي مصلحه والا لنظره سقيمه
وفي واجبي حريص ماني معما=ابذل جهودي والنوايا سليمه
مير الزمن ماهو معي بخو شما=ليا قلت يصفي يقفي السيل ديمه
مره يهادني ومر يتحما= علي واصمدله وكلي عزيمه
أكابده بالصبر والعزم لما=ياتي فرج محيي العظام الرميمه[/poem]




اختار عبدالله القثامي

-


-


عبدالله القثامي




بعنوان ( خدوش الرجال )




[poem= font="Arial,5,darkblue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
البارحة للـوادي المعمـور شديـت الرحـال=اصارع أحـداث الزمـن وتضدنـي واضدهـا
بديتهـا بالخطـوة اللـي لا حـرام ولا حـلال= الخطوة اللي بيّنت مزح العـرب مـن جدهـا
وصلت للوادي مشخـص بالعمامـة والعقـال=والعين مـر اغضيبهـا لحضـه ومـر ألدهـا
وقفت هادي لو أنـا طبعـي سريـع ألانفعـال=وأقـول لابـد العـلـوم الطيـبـة لابـدهـا
كم مـرةٍ جيتـه وقـام الحـظ للعليـا وقـال=ترا البطا يثر على عـروق الصبـر ويقدهـا
وأخذت لي ساعة وعيني للجنـوب وللشمـال=وأقول وينك يالهنـوف اللـي كسانـي ودهـا
ابطيت لا ما ابطيت يا ربـي عليـك ألإتكـال=ربي فرجها والدروب البيـض ذعـذع ندهـا
جني ثلاث من ذوات الحسـن ربـات الجمـال=قلت السلام وقالن آمـر قلـت هـذي عدهـا
قلت السلام وقالن آمـر قلـت ردي يـا دلال=مرت ثلاث أشهور حاسبها ومحصـي عدهـا
قالت هلا حييت يا لغالي لاكـن الصبـر طـال=والكلمة اللـي تستحـي منهـا تفضـل بدهـا
قلت ألليال البيض ماهي مثـل باقيـت ألليـال=قالت وجيت تردها قلـت ايـه جيـت اردهـا
ثم مدت اليمنى وقالت ( هيت لك) في كل حـال=هذي يمينـي وانـت يمنـاك الكريمـه مدهـا
الليل وإجمعني حروف إجزال وإنثرني جـزال=وإصرف ذهب وأنا ادري إنك يالقثامـي قدهـا
هذي بنات أفكار نسج من الحقيقـة والخيـال=وألا الـدروب العـوج لأبوهـا ولأبـو جدهـا
البارحة يا طول ليـل البارحـة يابـو طـلال=لأكـن اخـذ منـي علـوم وللنشامـا ودهـا
في ذا الزمن ما للنشامـا لا عمـام ولا خـوال=الا مسليـة الخواطـر مـن مكاسـب كـدهـا
لن كان ما جيبك عمرتـه بالجنيـه وبالريـال=بيض السنون امواج بحر(ن) جزرها مع مدها
والضحكة الصفرا على فنجال من صفر الـدلال=تسعين في آلميـه وتسعـه مـا تعـدا حدهـا
والقل ماهو عيب مير القل هـو ذيـب العيـال=اللي تبـا النامـوس والطالـة لأكـن يردهـا
وأنا مضالي عام أمررها علـى كـل احتمـال=اجامل إخدوش الرجـال اللـي تبيّـح سدهـا
لأكن مهمـا طالـت الأيـام مرجعهـا الـزوال=مادامت سيـوف المنايـا كـل يـوم تحدهـا
لا بارك الله في ضروف الوقت وخدوش الرجال=أبني صروح ألمعرفه طيـب ووفـاء وتهدهـا [/poem]





نبغى من ابداع الغايب ( قبسان )




-



-

وبين مد و جزر .. يدوم المداد فلا ينضب ..



*

*




يقول قبسان في قصيدته :

ما يصح الا الصحيح

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

كنت اغني ماتهزك كل ريح = ياخفوقي والسنين بهمّها
وضيقة ٍ ماخلت الخاطر مريح = ماهقيتك ترتوي من جمّها
خلها بين المحاني تستريح = وتاخذ اللي تاخذه في كمّها
ياخفوقي خابرك منت بشحيح = لك ثمان سنين وانت تضمّها
راحت ايامك تطيح ولا تطيح = بين مدحك للظروف وذمّها
بين متردي حظوظك والنطيح = ضاعت الايام وين تلمّها ؟
ويوم صرت بمنتهى حبك جريح = فيّضت فيك الليالي سمّها
عيبك انك بالهوى دايم صريح = ولا تفرّق كيفها من كمّها
وبالمحبة مايصح الا الصحيح = لاسرى صدق القلوب بدمّها
دوّر لماضيك منفى او ضريح = وانتبه لاتغرقك في يمّها
ولايجر خطاك معسول المديح = والمشاعر بالاسامي سمّها
والمليح ان راح ... يفداك المليح = ومن قطف هاك الورود وشمّها
وسّع الخاطر ترى كونك فسيح = وكم قلوب ٍ شتت الله غمّها[/poem]



اختار عبدالرزاق الذيابي

يقول عبدالرزاق الذيابي



يانفحة الشوق هيّضتي عليّ القصيد
,,,,,,,,,,,,,,,,,,, وهاضت جميع المشاعر, واِنفتح بابها

لا واللْه الاّ سرى ليلي وقامت تزيد
,,,,,,,,,,,,,,,,,,, طاعَت..بعَد ماعليّه عاجَت ارقابها

هواجسٍ قمت ارتّبها بعقدٍ فريد
,,,,,,,,,,,,,,,,,,, من عادتي دايم اسبكها..وانا ادرابها

حمامة الشوق تصدح فوق خضر الجريِد
,,,,,,,,,,,,,,,,,,, وآنا استمع في لحنها وآتسلابها

هَديلها العذب ذكّرني بشخصٍ بعيد
,,,,,,,,,,,,,,,,,,, حسبي عليها حمامة ورق وش جابها؟!


ياهيه ياللي جرى حبك بدمّ الوريد
,,,,,,,,,,,,,,,,,,, وسكنت في مهجتي,والعين,واهدابها

ماتدري اِنّك بقلبي فـ المحبه وحيد!
,,,,,,,,,,,,,,,,,,, لو منك قد ذقت جمرتها ومشهابها

القلب! بنك المحبه..وانت! كلّ الرصيد
,,,,,,,,,,,,,,,,,,, واسهُم محبِتْك دايم عالٍ اِحسابها

وانا على كل حال! الرابح المستفيد
,,,,,,,,,,,,,,,,,,, وهيْ تهتني بي..وانا آكيد آتهنابها

يوم آتذكّر واعيد الذاكره واستعيد!
,,,,,,,,,,,,,,,,,,, اسرح بذيك السوالف وآتغنّابها

ياشوفها اللي يساوي فـ الزمن يوم عيد
,,,,,,,,,,,,,,,,,,, وياريحة العطر..لاْ انسكبَت من اِثيابها

أخَذْت منها الوفا.. واِهيَه..خَذَت ماتريد
,,,,,,,,,,,,,,,,,,, وش عاد ابا.. عقب توتتها وعِنّابها!!


أبي اممممم خالد الحصين

قصائد تتوالي .. بمواضيع شتى ..
لا يجمعها شيء غير الأبجدية ..ولهذا لا نملّ منها ..



*

*



يقول خالد الحصيّن في قصيدته


( دموع العز )
[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله انه ما يهز الرجل ويحطّم كيانه = كود لامن جاته الزلات من رجلٍ يحبّه
ان تشرّه قيل هذا مزح من باب الميانه = وان سكت لجّت ضلوعه كن في صدره منبّه
الله الله وانت يا فكري عليك الله وامانه = لا تنقدني ما دام ان الدوى حبّه وحبّه
التوجّد لو يفيد اللي توجّد من زمانه = كان شفت اوضاع راع الوجد دايم مستتبّه
يا صحيبي سِجّل التقرير والتقرير عانه = اوله نارٍ تلظّى واخره برد وجهبّه
من يمثل من وراي الخبث واسلوب الخيانه = ليه اجامل بالغلا وابنيه قبّه فوق قبّه
وليه اجامل لا هرج .. واقول صح الله السانه = والصحاري قاحله .. والجحر دابه دون ضبّه
ما ربطني بالرجال الا وفاً مرفوع شانه = مثل ما يِربط (عشير الغانمين) بـ (عبدربّه)
يا دموع العز ما للذل فالميقاف خانه = لا تسيلي فوق خدي والهوا صلفٍ مهبّه
دمعة الرجال مهما كانت ظروفه .. إهانه = وانت يا دمعي حماك الله من هرج المسبّه
ما نثرك الا شموخ ولا حبسك الا حصانه = لا قعد راع الهوى ينثر من دموع المحبّه
حافظك لو جارت الايام حفظي للامانه = والروابع والهقاوي غبّةٍ من دون غبّه
ما ورثت من (ابن هادي) كود سيف وجبّخانه = ولا ورثت من (المهادي) كود صبرٍ ما يشبّه
ليت باب العرف قبل العرف .. مغلق للصيانه = كان ما حصّلت جرحٍ يتعب الجراح طبّه[/poem]


اختار حسن علي الهاجري

[align=center]يقول حسن الهاجري[/align]

المشاركة الأصلية كتبت بواسطة حسن علي الهاجري

السلام عليكم

اعزائي .. تحية عطرة

قصيدة متواضعه .. اتمنى ان ترتقي لذائقتكم الكريمه ..

::::::::::::::::::::::::::::::::::
[poem=font="Arial,4,black,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black"]

ابــتــدي بـالـلـّـي تــعــالى عــن عبيده = ربـّــنــا اللــّي مــا لــنــا ربّ ٍ سواه

كــل مــا فــي الكـون في حكمه وبـيده = نـأتـمــر بــأمــره ونــتـرك ما نهاه

مــن يطيعه عــاش فـي عيشه سعيده = والتعــاســه والـشـّـقــا للـّي عصاه

وبـعــد ذكــره مــن بغى شيء ٍ يفيده = يــنــتــبــه لـي لحظة ٍ عندي وصاه

الــقــنــاعه كــنـز وأحــذر لا تــبـيـده = والــطــمــع داء ٍ ومــعـدوم ٍ دواه

والــتــواضــع ثــوب للنفس الزهيده = والــكــبــر ذنـــب ٍ ويــا مكبر خطاه

والــوفــا مطلوب في عرف وعـقيده = والــخــيــانــه جـرح ما يجبر عزاه

والكــرامــه عــزّة الـنـفس الرشيده = مــن فــقــدهـا مـا لـبس ثوب الغناه

والكــرم مــمـدوح وخـْصاله حميده = مـــن مــشى به يا كــبـر والله جزاه

والـبـخــل مــا زوّد بْـخـيل ٍ رصيده = مخــبــلـك يـاللـّي تــبـي تربح وراه

والاخــــوّه خــيــر وعْلاقه وطـيـده = والــتــفــرّق شــر مــدهـال الوشاه

ومـن يــعـودك بالوصل لازم تعيده = والــمـقـصـّر بالـوصل واصل معاه

والـمــراجــل مـــا لها غير الوليده = والــردي فــي الـّلازمـه يعطي قفاه

وكم شجاع ٍ مات يسوى له بديده = وكــم جــبــان ٍ حي ما يسوى ثراه

والـسـّـلـوم الطـيـّـبـه تبقى سديده = مــن يــجــوّدهــا تــهـنى بالــحـياه

ومــن يخـالــفــهـا تمثنى بالنقيده = تــقــصــر ثــيـابــه وفـعله ما كساه

وانت ياللي تـسمع الشعر وتريده = جــاك قــاف ٍ مــعــتــلي في مستواه

مــن ضــمـير ٍ للنصايح فك قيده = وانـطــلــق يــبــدع فرايد في امْعناه[/poem]

:::::::::::::::::::::::::::

اخوكم/ حسن بن علي الهاجري

[align=center]اختار لشيخنا عبد ربه [/align]

قصيدة (( هذا .. وانا !! ))

للشيخ / عبدربه

المشاركة الأصلية كتبت بواسطة عبدربه

السلام عليكم ياجماعه ،


وتسيف انتــم


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عزالله إن القريحه حاربت .. بعض الطواريق=ولا أدري على الفعل هذا مبطله .. وألا محقّه
وأنا خيالي سوات الحر في .. عال الشواهيق=إن تسان يمدي الفضاء يستقبله .. وألا يشقّه
ليا نهمته وشلّع مايفكــّر في المسابيق=ياكفه احذر ! وهاك الدس عن كفـّـي توقّه
أسرع من الريح .. وإن جت للثقال .. أثقل من طويق=يعني لقب " كامل الأوصاف " أظنه يستحقّه
لنه على ما لجا بين الضلوع .. يطل ويويق=ويقول اخذ ماتبا تاخذ .. ومابقّيت .. بقّه
هذاك يوم العروق تضخ .. وتغذّ المعاليق=يوم التعلّم .. وراع الدين في دينه تفقّه
واليوم لاجيت أبا أعرف وش تخبيه الصناديق=عليّ من فتح قفل الباب .. تكليف ومشقّه
احسب حسابات وقتي لنّها .. تحتاج تدقيق=ولاهي كما قيل يعني : ( كل تعليمه بدقّه )
الناس بالناس .. والمطلق يروح مع المطاليق=ياموزّع الحق أمانه .. كل شارب عطْه حقّه
بعض العرب حكمته تجعل .. له العالم مشافيق=والبعض الآخر على ماقال ابن .. براك* نقّه
يدبلك ؛ رغم إن حفظه للعهود .. وللمواثيق=حفظ الذهب في صناديق الخزانه .. خاب لقّه!
وأنا سوى الدين والأخلاق عندي ماش تفريق=ما أطقّ راع الكرم والدين .. أطق اللي يطقهّ!
هذا ؛ وأنا بين تعداد الخطايا .. أغط وأفيق=مار العذر والسماح .. عْن الخطا جله ودقّه
:
:
:
!
!

وسلامتكم ,,,,,,,,,,,,,,,,,,,,,,عبدربه[/poem]



* ابن براك الوارد ذكره هو : رحيّم الغنامي يوم يقول :

الطيب لاتبذله فـ ضعيّفٍ نقه ... إلخ البيت

طيب نبي لـ محمد مريبد العازمي

..