مات بأوجاعه

من القديم اسمحوا لها ومرروها


[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من دون خلي اعيش الفقر بانواعه = فقر العواطف وحاجة قلب شفقاني

لاغاب عني حبيبي لوربع ساعه = كنه عن القلب غايب عدة ازماني

القلب من غيبته ضاقت به اضلاعه = ماعاد له بالضلوع الحدب مسكاني

والحزن فيني تمكن يرسم ابداعه = علمني ان الهموم اشكال والواني

الحب غالي ونور العين يباعه = كنه بضاعه تبيّع وسط دكاني

واليوم انا دنيتي ظلما وفجّاعه = ابكي على مامضى ياحبي الفاني

الـروح لمقابله بالحيل نزّاعه = والعيد شوفه وضمه عيدي الثاني

الله ياما أزين المجمــــول واطباعه = ابو عيـــــــون هدبها حيل فتّاني

اثر الهـوى والحــزن توأم وفزّاعه = علــي ويعينهـم خلــــي وشيطاني

غطست في حب صاف الخد للقاعه = واصبحت انا في بحور العشق غرقاني

ذقت الشقا والجفا والخوف والراعه = وتساوت ابنظرتي افراح واحزاني

قلبي تلــــوع ومنه النفس ملـتـاعـه = من لوعتي ماعرفت اصحاب واخواني

والنوم من جفــن عيني يعلن اقلاعه = اقلع وخلى السهر من عادة اجـفــاني

اهوه مصيف الفــؤاد ودوم مرباعه = وانا قتيل الغرام وخلـــي الجـــاني

الحال منـي خطير وصعبه اوضاعه = من سبّته يمكـن انــي البس اكفاني

وان كان ماجاء وقال السمع والطاعه = بين المقــــابر يدّور لي ويلقـــاني

مكتوب فــوق النصايب مات بأوجاعه = هــــذا دليلي وهــــذا كل عنواني [/poem]