(( صوت وصدى أجتماعي ))

[overline]السلام عليكم

ارحبوااااااااااااااااااا جميعاااااااااااا يا الغالين

صوت وصدى اجتماعي عسى ان يجب القبول


الصوت للشاعر : عبدالله بن رويشد البريكي العازمي[/overline]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بسم الله أبدي وأبتدي عنواني = وهو عليم بخافيات ألحاني
سبحانه اللي محكم ٍ قدراته = على جميع الخلق إنس وجاني
تعال أنا طالبك يا خو بريّج = ودي تجاري طرقة القيفاني
لنّك حكيم وشاعر ٍ ما مثلك = من ترثة الشايب رفيع الشاني
موضوعنا سهل وسلس ما مثله = يشد أقصى الناس ويا الداني
ليه العرب ما عاد هي مثل أول؟ = فسق وفجور وتعبد الشيطاني؟
أغلبهم أصلا عاش لجل الدنيا = ما يعرف الا رفقة الفناني
وإعلامنا كله خداع و زيفٍ = ما يعرف إلا عزفة الهبّاني
لو تنشده عن وضع حال الأمه = يقول عمك أصمخ الآذاني
لو قلت له نبغى برامج زينه = مثل البخاري وسيرة الألباني
قال السموحه والعذر يا باشا = ماهو بكيفي أو بكيف إخواني
إلحين نجوى وعقبها الشحروره = ومن عقبهن تصريح للإيراني
يعني على كيفه قضب له منصب = قام إيتفلسف أشهب الحجاني
والبورصه زادت من أسوأ لأسوأ = هامورها ضارب على الربـياني
وقروضنا والفايده زادتـنا = ذل ٍ و هم و غم مع بهتاني
و شبابنا ضاع وتملطش حدّه = من سبّة اللي قاضب الديواني
والسعر زاد فكل شي وحاجه = البيض والببسي مع الرماني
وقانون تجنيس الربع ذابحنا = ظلم ٍ ولأجله تبكي الأعياني
مشاكل ٍ زادت عسى يا كافي = تستر وترحم يا رفيع الشاني
سنـّدتها لمثلك وشروى مثلك = حيث ان مثلك ما يرد العاني
مبدأ و سلم و راس ماله قافه = عريب جد وخال مع عمّاني
وقبل الختام أذكر شفيع الصفوه = اللي تسلسل من نسل عدناني
قلت الذي عندي و بنطر ردّك = و إسـلـم وسـلـّم يا ولد سكراني
الشاعر : عبدالله بن رويشد العازمي[/poem]

[overline]الصدى للشاعر : خالد بن سكران[/overline]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بديت بسم الله عظيم الشاني = سبحانه اللي خالق الانساني
الواحد المعبود مابه غيره = مرسل محمد ..منزل القرآنــي
امره مطاع ولايخالف امره = واللي عصاه يبشّر بخسراني
شرعه طريق الحق والانصافي = غيره من التشريع شرعٍ فاني
ومن بعد ذكر الله نظمت ابيوتى =وأبدعت قافٍ بأجمل الأوزاني
فرايدن مثـــل الذهب واللـؤلـؤ = يطرب لها الشايب مع الورعاني
و(الشعر) حبك وسبك فيه ابداعي =ماهــوب تصفيف الكلام الداني
يامرحبا ترحيبـــة ٍ مسموعه= اعداد ماهــل المطر هتاني
بالشاعر اللي منهجه عاجبني =مبدع وقافــه ينعش الطرباني
(عبدالله) الحلحيل نسل الشايب =اللابه اللي تدحر العدواني
ترثت (بريك) كان ثارت غاره= تفهق الاول في سياق الثاني
العلم واضح ياعريب المنسب=مافيه نارٍ مابها دخاني
(حربٍ صليبيه) بدون اعلاني = مابين (مسلم) واعي ونصراني
(الغرب) يلعب لعبــــةٍ مجنونه=واللي يصفق بوذى وعلماني..!!
اللي يجاهد لأجل حفظ اترابه = اسمه ارهابي منهجه تعباني..!!
والرجل دون العرض والاوطانى = يكتب شهيد ومابها جحداني
نص بكتاب الله قريته واضح =وبسنّـــة محمـــد لها برهاني
واعلامنا نايم ولابه فودى=ماعنده الا دان دانـــــه دانــــي
مسلسلات الجلســه السريه = فسق وفجور وعربدت نسوانى..!!
الكاتبه تبغى الرذيله منهج =و(العود) صفّق وارسل العنواني
شلّة عفن ما فيهم الممدوحي = اطيبهم اللي يشرب الدخاني
و(الدش) خرب منهج اهل الدعوه =وش عاد بالمفسد مع الفسقاني
ضاعت مبادينا سبايب شاشه =والقدس راحت عقبها لبناني
الله يسكن شيخنا بالجنه =(عبدالعزيز) العالم الرباني
حرّم جهاز الدش والارسالي = لأنه فقيه بواقع الادياني
والبورصه ياصاحبي (عبدالله) =لعبة كبيره مابها ربحانى
يقودها (تاجر) و(شيخ) و(فاسد) = احزاب من جاها رجع جيعاني
(الشعب) مفلس والفوايد زادت=واموال ديرتنا ورى عمّاني...!!!
(حكومه) التأزيم فيها شكـــه=اعلاجها معروف بالعصياني
أتجنس الهندى مع الهنديه=ومصري وبنغالي مع سودانى..!
واهل البلد ماعندهم جنسيه = يارب تبلاهـــــم ولا تبلاني
و(أعضاء) مجلسنا سوات الطوفه = لاحس لامنطق كما العمياني
كلن يـدور مصلحه بالمجلس = فاضي سنه ثــمّ يجي مليانى..!!!
ماهمه اسعار البلد واعياله = مليان جيبه ياعساه ايعاني
هذا صحيح الهرج يارجالي = والكذب مالها عندنا ميزاني
واسلم وسلم لي على شيبانك = واللابه اللي تكعم القومانى
وصلاة ربي عد برقن لايح = على رسول الله نسل عدناني[/poem]الشاعر :خالد بن سكران