دنياك ماتاوي

اعضاء المرقاب وزواره الكرام

السلام عليكم ورحمة الله وبركاته

شرفني مسعد المطرفي بهذه الشكوى

وأجبته بإجابه اتمنى ان تجد القبول


[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يانايف البارحه يوم العرب هامت =ونوم المشاعر سبق نومة محاجرها
أزريت لا أحول جهازي على الصامت=أخاف ابى اكفر الغلطه واكررها
والعين غمضتها لكن مانامت=اطرى على خاطري طاري وسهرها
ماكنها غير نفس عن الخطا شامت =بعد من ذنوبها ضاقت محاورها
والعبره اللي ورى صدر البحر عامت=فتحت صدري لها وازريت لظهرها
واطرتلي الغيمه اللي فالسماء قامت=واقفى عليها هوى الغربي وطيرها
وانا اترجى مطرها كل ماحامت=واكسر اطراف جنحاني واجبرها
صحيح دنياك لو حبتك مادامت=اماتغادرك ولا انته تغادرها
اللي يبكيك منها يضحك الشامت=واللي يضحك مايرضي ضمايرها
وان كان عينك بعد عن نومها صامت=عطني علومك من أولها ليا أخرها[/poem]

[align=center]مسعد المطرفي[/align]_________________

[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامسعد الوقت يبغى صبر ومزامت=مافيه راحه ونفسك فيه صبرها
ودام انفتح باب هرج لهاجسٍ كامت=اسمع علومي ونشّد كان تنكرها
ياكثر مالمت قبلك والعرب لامت=هذي حقيقة وكل الناس تخبرها
دنياك ماتاوي لمخلوق وان رامت=اعطت على مايبا لو كان يزجرها
والصدق ماذمها فاحيان لاوامت=متبدلٍ بين حال وحال مظهرها
ايام فيها سموم وقيضها حامت=يشوي نسمها فواد اللي تنحرها
وايام نسمة ربيع وخيرها عامت=والشكر للي خلق خلقه وسيرها
لكن حاول تخلي هاجسك خامت=لين الله الخالق المعبود يسرها
هذه جواب السوال وهاجسي كامت=كم فيه من حاجةٍ فالعمق قابرها
من عادتي مااعرض الا سلعه انسامت=تقدير لرجال شرواكم واقدرها[/poem]
[align=center]غيمار[/align]