ياللــي ياللــي !!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا فهيد الحارثي كيف آتهيض قل لي = القريحه في غيابك نفسها منسده
جالسً وسط الحويه بين حط وشلي = وأنت في دار الظبي تلعب على المرتده
بس أمانه يا فهيد أن كان مرك خلي = إنشده يافهيد تكفى وش سبب ذا الصده
وكان ماجاوب فخله يافهيد يولي = لا تلده يا فهيد الحارثي وتحده
ماني بمشغلك عن خطك وهو منتلي = إنطلق وأن ما أعْجبك دربك فجرب ضده
المهم إنك تبرد يالسنافي غلي = في المكان اللي قطعت زيارته من مده
تدري إن العمر فاني والزمان مولي = والسنين المقبله بين الرخا والشده
أن بغيت أوضح أكثر جيت صوبك كلي = قبل لا تبلش وياتي الرمي جنب القده
وأن بغيت أقوسها باليارده والملي = والله إن ترجع لك المتعرجه ممتده
بامجلي عارفينه بس قل لمجلي = يامجلي خل جده غير تنفع جده
أبك ناصر الأحمري يافهيد ماقد ذلي = الخطر بآطى على علباه وألعن جده
ما تنرفزني دوادي قوم ياللي ياللي = أرخي أعصابي طنش وأعصابهم منشده
أحمد الله وأشكره وأصوم له وآصلي = والعلوم الباقيه ما غير صبه رده
وكل شغموم سنافي شامخً متعلي = أن كسب ودي فأنا بأحاول أكسب وده
ومن زعل والا تغلى ما يظله ظلي = النظر في العينه هذي حرام آلده
ألطم الزعلان كف ويركب المتغلي = ويركب المتغلي الزعلان وألطم خده![/poem]