مجاراة اعز فرصة2

[align=center]شدتني كثيرا قصيدة المبدع دائما عناد النفيعي :

المشاركة الأصلية كتبت بواسطة عناد النفيعي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أبسألك .. وانت لا تبخس حقوق السؤال = اطلق سراح الاجابه .. واختصر كل راي
لو اني اخطيت في حقك .. على ايّات حال = مع سبق الاصرار .. هل يغفر شعورك خطاي؟
او تعتبر كل ما يدعى يقين .. احتمال = او تغضي الطرف عن قدري .. وترخص غلاي
وانت الذي كنت تنظر لي .. بعين الكمال = فيما يخص المشاعر .. من عرفتك وجاي
تحس بردي سلام .. وحر شمسي ظلال = وتشوف صمتي كلام .. وبوحي انغام .. ناي
وتعدّ قرّبي حياه .. ووقفتي راس مال = وتقول : وصلك دواي .. وبعد طاريك داي
يا موثّق الجرح .. ما اعطيت الجوارح مجال = ذبحتها .. واحسن الله فالجوارح .. عزاي
اسألك بالله جاوب .. ما ضربت المثال = ولا طرحت افتراضي .. من خلاي بخلاي
ادوّر اقلّ شي .. يخفف الانفعال = وابحث عن اعزّ فرصه .. ينتهزها عناي
والموقف اللي مقامه .. همّش امر المقال = ماهوب يا عقاب بَلا ابوك .. هذا بلاي
ما اقسى من الحزن .. لا استوطن صدور الرجال = واصبح يسولف مع الانفاس .. رايح وجاي![/poem]

فتملكتني الرغبة الجامحة في مجاراة هذا العلم

ومما زاد من اصراري عندما جارا سداح هذه القصيدة :

المشاركة الأصلية كتبت بواسطة سداح

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا فزعة الله عليك الهون يا بن الحلال=هل تعلم أنّك ليا غنيّت تبحث خفاي

كنّك تخطط على قلبي مثل ما يقال=وتذكّره بالزمان اللي حذفته وراي

وتشيليني لين أعدّي فوق روس الطوال=وأراقب اللي مضا .. واللي قضا من يداي

هبت عليّ الهبايب من يمين وشمال=وأنا أحسب أني منوّل ما يذعذع هواي

أعزّ فرصه لها بين الضلوع إجتوال=قامت تدابا معي يا عناد .. وإلاّ تراي

ما ودّي أقرا قصيدة حب تال الليال=بعد حذفت الطيور الطايره في سماي

الله حسيبك على العد القراح الزلال=ليا وردته نفضني قبل يقطع ضماي

يا عناد لا تذبح الواقع بسيف الخيال=أزريت بين الرجاء والياس لا ألحق مناي

فرايدك يوم أصافحها بحسن القبال=وأفرد لها خاطري ماهوب هذا جزاي

منظومة ٍ تسحر العشّاق سحر ٍ حلال=حاولت أجاريك فيها مير ثقلت خطاي

أنته .. لسانك عليها طلق في كل حال =وأنا .. لساني عليها ناشب ٍ في جماي[/poem]

وها انا اتجرأ بمجاراة هذين العلمين بهذه القصيدة المتواضعة

التي لاتكاد ان ترتقي الى مستوى المجاراة .




[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
فرايد الشعر هلت كنهن الخيٌال = واروت ظما كل عل عاشق قد تشقا شقاي
اعتلن فوق عرش الشعر باجزى الجزال =وهيضن قلبي اللي مبطيً من بطاي
وردنه لوقتً اقفى من سنين الوصال = قدام لاقنع واجوز وقدم لاطوي رشاي
كرن وفرن يالين اعلنت بالامتثال = حسبي عليهن ليا عودت لأول صباي
لأيام فيها الهوى قد صال فيها وجال = والوصل مابين جزر ومد باقصى وفاي
وأعز فرصه ليا حانت فلا به جدال = ابا اغتنمها واقول اليوم بأرضي رضاي
ماهيب دايم تحين احيان شبه المحال = ولايوم حانت على كيفي ولا مشتهاي
ابديت رأيي وماقد فات لا مايزال = واقول واعيد واكرر على مبتداي
وان كان ياعناد بادعها ومن وسع بال = وش عاد ابا اقول كان غناك عكر صفاي
هيضت سداح قبلي لين غنى وشال = وحداني اجر صوتي ثم اغني غناي
على طواريق يأهل العشق والليل طال = من فوق رجم ولابه غيري احدً سواي[/poem]

وسلامتكم ,,,[/align]