الأخ عباس مع التحيه

مساء الخير




صلو على رسول الله ......................









[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

سلام تسليمة صراحه من الراس =يسمع بها من يسكن السيف بالطعوس
احس من سيف مسويه جساس =يسبق نسيم الساحل الي بطرطوس
قيست قبل الغطس وسويت لي ساس =سوره ورى رمسيس وسهول لاجوس
هوجست والهوجاس حس بي وسواس =والناس سموني من الحسد ملموس
ماسقت سمي لسراجيف بالكاس=واللسارقين السمع ماني بممسوس
الساق سارت سوق ساجر وفنطاس=وسجت ولا سوت مخاليص بنيوس
سوالف سيمت بساحر وبلاس=وسولف بها سماع في سمع جاسوس
سمت سراجيف السواير بالأفلاس=وسبت فلسها ماسمعناه مدسوس
اسلى وسلي سامري كل مرواس=اجلس وسامر والعب الشعر منكوس
اكتب بيوت الشعر بشعور واحساس=بيني وبين الشعر سجه وهاجوس
الله واكبر يازمان على الناس=الي جعل ايران تضحك على الروس
وصفق لها بالحيل محمود عباس=والوضع سيئ بين حسني وقابوس
وسلك الظفيره لالذع وسطه الماس=تطلب الله موقفك صار محيوس
ماعاد نعرف فضة العلم والماس=والسالم الي من غثا الوقت محبوس
من فك اله في هدة الصيد قرناس=حذرى يدقق في لحم كل مفروس
كم واحداً يقضي العمر بين الأجلاس=وشيب ولا ضوى مع الخلق ناموس
وكم واحداُ غنا قصيدة ابو ادباس=ويقول الي..... وهوه على الشعر كابوس
يسرق قصيد الناس من غير مقياس=متمدحٍ به نعنبو كل هلبوس
وكم واحدأ ماله بلا حد وقياس=ارضٍ صباخ مابها شي مغروس
عنده ملايين القضى تملا الأكياس=لكن في بيته مع الضيف دنفوس
وكله معا ذالك يصير له نوماس=الخلق تعبد كل من عنده فلوس
وكم واحداً حاله كما حال عداس=يمسي ويصبح والوضع دوم منكوس
الدين فوقه والفقر اخذه الباس=مايترك الواجب ولو جاه هندوس
والخلق تعرف منظر بيوت الأفلاس=والمستحي مايرحمونه بني دوس
وكم واحداً سوا عريفه على الناس=عارف ويحكم ماغوى كل دهلوس
ماينطلق شبرين عند ام مرداس=ولا يفجر البالون ياكود دبوس
وكم واحد وضعه مع الربع بلاس=اليا لقى خله طرقها على القوس
وبشر بني عمك على موقف الياس=لاصار صدر الكل بالغيض مدسوس
ان قابلك حياك والقلب حساس=وليا تعمقته لسانه كما الموس
فندٍ كبير وضرته ضربة الفاس=ولا ينرجي ضرس تعمق به السوس
والحامي الله والبشر مابها اوناس=والرجل مايصبح كما صوت ناقوس
لايستمع في كل واشي وخناس=ويصير في صدره كما ضو فانوس
يزعل رفيقه دون قيس ومقياس=مغير قالو له وجاء مثل نادوس
وبعض السوالف كنها حد الأمواس=اتسير الرفقه على وضع معكوس
مالك بها مصلوح يالطيب الساس=دور بدلها في طرف كل قاموس
لو يعلم ابما صار عباس فرناس=ماحط اله ريش كما ريش طائووس[/poem]