قصيده فكاهيه

[align=center]هذه القصيده هي فكاهيه ومداعبه لاخي شاهر خلف البقمي

بعد خروجه ولله الحمد سالم من المستشفى بعد ان اجرى عملية تغيير في شاريين القلب [/align]


[poem=font="Simplified Arabic,6,black,normal,normal" bkcolor="transparent" bkimage="" border="double,10,gray" type=2 line=0 align=center use=ex num="0,black"]
يابو خلف من يوم حطو فيك شريان جديد=والدم ياخذ راحته مافيه شي يمنعه
يمشي على كيف من الشريان لا حد الوريد=من قوته كن المكاين في عروقك تدفعه
وانا احمد الله يوم صارت صحتك مثل االحديد=راح انسداد العرق واثاره عسى الله يقلعه
قلبك تريح من هموم الضغط والجهد الجهيد=من يوم حطوله معاليق جداد موسعه
ابا اسألك يابو خلف واباخذ العلم الاكيد=عطني تفاصيل العلوم ابغى الاجابه مقنعه
بعض العلوم اللي تجول بجوف قلبك ماتهيد=اخاف يوم اشتالوا الشريان شالوها معه
يالله سترك ياولي الكون يارب العبيد=ياخوف خوفي لا يكون الحب (ماهر)* طلعه
تنسى الهنوف اللي حلاها يذوب جبال الجليد=اللي على عرش الجمال وهامته متربعه
في سنة الهادي تمناها ولا عنها تحيد=مزيونة(ن) فوق الحلا متنعمه ومدلعه
لا شفتها لو الحزن متملكك تصبح سعيد=وان كان جتك مفرعه وان كان جت متبرقعه
ربة جمال الروح والاخلاق والشكل الفريد=مامثلها جا فالخيال ولا تعلق بافرعه
ان كان ناسي خالق الانسان يفعل مايريد=باردك ل(ماهر) يرد الحب فيك ويزرعه
وان كان جينا للكالم الجد والعلم المفيد= انا اشهد ان الطيب ربي في دماغك جمعه
فرحة خروجك عندنا تسوالها مليون عيد=كبر الفرح يابو خلف ذالكون عيا ياسعه
وشلون والناس افزعولك من قريب ومن بعيد=كم واحد(ن) من زود حبك جاك يذرف مدمعه
طيبك ثبت مايختلف عليه زيد ولا عبيد=طبعك على حب العلوم الوافيات مطبعه
الحق لا جل تثبته تضرب بسيف ابن الوليد=والضيف بعلوم الشكاله والمكارم تشبعه[/poem]

[align=center]طبعا ابو خلف لما قلت له القصيده قال والله اني كنت ناسي بس الحمد لله تذكرت يوم ذكرتني



* ماهر هو الاستشاري اللي اجرى العمليه



اخوكم /زياد زيد البمقي [/align]