ياقلب لاتشكي على الناس همّكـ

[align=center][poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]



ياقلب لا تشكي على النـاس همّـك =اشتك على اللي عالماً في خوافيـك
اللي خلق دونـك ضلوعـاً تظمّـك=اللـي بتدبيـره يميتـك ويحيـيـك
ما تنفع الشكـوى لخالـك وعمّـك=ولا تنفعك لقـرب قريبـاً يصافيـك
الناس لـو بيدينهـم ضـخ دمّـك=يوقفونـه عنـك مافكّـروا فـيـك
يالادمـي عنـدي وصايـا تهمّـك=ترفـع مقامـك للثريّـا وتعلـيـك
الاوّلـه للديـن عصّـب معـمّـك=الدين ستراً لك من النـار ينجيـك
والثانيـه برضـاك لبـوك وامّـك=يرضون والله عنك يرضى ويرضيك
رزق البشر مقسوم ماهـوب يمّـك=ورزقك يجي لو حاولوه الصعاليـك
لا تنشغل في كثـر مدحـك وذمّـك=مادحك له حاجه وشاتمـك ناسيـك
وان كان ماتاصل حبالـك مجمّـك=تبا تموت من الضما محـد يسقيـك
اعمل قبـل سـود المنايـا تخمّـك=فالحشر ماينفعك ل بنـك ولا بيـك [/poem][/align]