الوقت جاير واليالي محاميل........ولحدن يعرف الغيب لو عاش يومه

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مليت مـن كثـر العنـا والبهاذيـل=دنيا العنـا صـارت عليـه نقومـه
والوقـت جايـر واليالـي محاميـل=ولا حدن يعرف الغيب لو عاش يومه
هـذا زمـانٍ كانفـتـه الغرابـيـل=ومن لاصبر نفسـه تنـام محرومـه
حتيش لو زان اله يومين مـع ليـل=لابـد مايونـس لهايـب سمـومـه
خطو الفتى يصبر على الحط والشيل=ولكبـرت القالـه تزايـد عزومـه
ويلبس على جسمه ثياب الرياجيـل=ويحذر ثياب الجسم تقصـر كمومـه
ولا يرتدي ثوبن على ضعيف وبخيل=مايستر العوره لـو اضفـة هدومـه
ويبعد عـن النمـام راع المراسيـل=لايامنـه خـبـلٍ يبـيـح علـومـه
وحذراه يسمـع للعقـول المهابيـل=وشور الحليله لـو يراهـا خدومـه
والي جهل بالحق مالـه محاصيـل=غافـي ومثلـه مايبشـر قـدومـه
بكـره تعلمـه الـيـال المقابـيـل=ولا كل روحن من خطاها معصومه
دنيـاً نبـا تقزيـرهـا بالتساهـيـل=والا العمر فاني ولو عشـت يومـه
هـذي ثماثيـلٍ وقبـلـي ثماثـيـل=واختر زين الهـرج عـن مايلومـه
هديـتـن قدمتـهـا للمشـاكـيـل=مثل الذهب مايرخصه مـن يسومـه
وصلات ربي عد جيلٍ بعـد جبـل=علـي نبـيٍ سلمنـا مـن سلومـه
[/poem]