المشكله.....!

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
المشكله لاصار خلك يودك=وانته توده لكن الوقت حاديك
ودك بشوفه لكن الوقت ضدك=وعن شوفته فالدرب تقصر خطاويك
تحس به عندك ولاهو بعندك=من زود مابك تصفق ايديك بيديك
مايدري ان الدمع علم بخدك=ولايدري ان النوم بعده مجافيك..؟
حتى لو انه يدري فبوح سدك=وش حيلته لاصار حظك معاديك
الوقت لاحدك عن الحب حدك=منته بقادرله لو تحط مافيك
وش حيلتك لاشد حيله وهدك=وش حيلتك لابان شوقك بعينيك..!
مالك سوى تطلب من الله يمدك=صبرٍ على وقتك وكثرة بلاويك
واطلب خليلٍ غير خلك يسدك=لو كانه مابه غير خلك يسليك
هذي ظروفك ويش يطلع بيدك=وهذا الطريق الي مشيته برجليك
والوقت مهما تفعل ان كان حدك=منته بقادرله لو تحط مافيك[/poem]


وسلمتو