مجاراة الشاعر عيد العازمي للشاعر سداح

مساء الخير

زوار وأعضاء منتدانا الغالي

أحببت أن أنقل لكم مجاراه لـ قصيدة سداح من الشاعر عيد العازمي ..



[align=center]شاعرنا سداح ::[/align]

[poem=font=",6,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يادافـع الشعـر لاتنسـاق مـن دونـي=مادمـت فـي ذمتـي سـج القـدم فيـه

خلـك علـى نيتـك وظنونـك ظنونـي=وانـا ماغيـر عليـك الظـن والنـيـه

البارحـه مـرت الاحــلام بعيـونـي=احلام سـوداء ماهـي باحـلام ورديـه

امسيت اصوت لها واصبحـت مغبونـي=تفسيرهـا بـيـن هـاذيـه و هـاذيـه

لو تستحي دمعتي من ضحكـه سنونـي=ماكـان حطـت بنـون العيـن ماريـه

اللـي تناسيتوهـم والـلـي تناسـونـي=بالخيـر مذكـوره وبالخـيـر منسـيـه

والحب لاهز صـدري حـرك شجونـي=حطبت حـدب الضلـوع ونارهـا حيـه

اكثر جروحـي سببهـا اللـي يحبونـي=جـرح الحبايـب عطيـب وكيتـه كيـه

تبكي على راسي وتضحك على متونـي=ونفضت خرجي وطـاح الـداب والحيـه

وين انت ياللي عليـك اكوسـر لحونـي=وهيجنت باسمك وشلـت اغلـى هجينيـه

يوم انت حدسي و رسمي واصدق ضنوني=من لامنـي فـي غرامـك لعنبـو حيـه

ياسيـد الحـب معـك الحـب مامونـي=وانـا علـى جرتـك عينـي شقـاويـه

مجبور لاشفتنـي ماشـي علـى هونـي=حاولت وازريـت لاكسـر قيـد رجليـه

[/poem]


[align=center]ويقول الشاعر / عيد العازمي [/align]

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سداح بيّحت خافي كل مكنوني=اثر جروح المهاوي باقيه نيه

حرّك قصيدك جروحي واظهر اطعوني = اللي عن الناس مكتومه وسريه

وانساق هاجوس شعري معك ممنوني =وانتج قصيده على ماقيل رديه

فيها من الوجد والتنهات مليوني= على وليفٍ عديم الوصف موليه

اقفى وسر الغلا بالقلب مصيوني = مصيون ماطاح بـــِيدين الهواويه

خلّيت ذكرى السنين العوج ماعوني = تشيل قصة غرامي روحه وجيه

واليوم وقّفتها واظهرت مخزوني = لو المعاناه ميتينه على ميه

عليه ثوب السعاده جزم مخبوني = اسلوك يوم الوصل بالحزن ملويه

شدّيت حبل الرجا والحبل مقروني = واقرع رشايه بعد ماعقّب الطيه

واليا سحبت الرشا ياناس ,,مالوني = الدلو بالصد والهجران ممليه

والبعد نار ورضيته مار خلّوني = طاريه لازال لو يموت طاريه

يحرقني الصمت بين الطرف والنوني = ويقتلني البوح بعيون السنافيه

لاواعذابي ,ومشكايه وياعوني= بالضبط عشر سنوات الهجر هجريه[/poem]



وسلامتكم