الحي يحييـك و الميـت يزيـدك غبـن

إلى الاخوة المرقابيون

أتمنى ان ترتقي هذه المتواضعة إلى ذوائقكم المرقابية ..




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

الطيب لاهل المكـارم و الأجاويـد فـال=و الخبث خبث النفوس اللي عبن ما عبن

من ضحك سنه تصنّع في وجيه الرجـال=و ان لد لي هو ضعيف النفس حية تبـن

تفضحـه الأيـام و تبيّـح خفـاه الليـال=لو تزبنـه حيلتـه و تصنّعـه مـا زبـن

تبقى الحقيقة حقيقة لـو يطـول الجـدال=تفرق مواري الشجاعة عن مواري الجبن

رووس ٍ ذراها الفعول اللي تهز الجبـال=و رووس ٍ ذراها البشوت اللي تحتها ربن

ناس ٍ ليا من كسبت إعجابها راس مـال=و ناس ٍ فلا بعّـدن ذهنـي و لا قرّبـن

انا اشهد انه صدق راعي المثل يوم قـال=الحي يحييـك و الميـت يزيـدك غبـن [/poem]