ياقصار الثياب, وياطوال اللحى

من عيون الشعر وأصدقه وأوفاه

[poem= font="Simplified Arabic,6,green,normal,normal" bkcolor="transparent" bkimage="backgrounds/16.gif" border="outset,6,gray" type=2 line=0 align=center use=ex num="0,black"]
اهل الاْذكار تدعـي والظـلام اِنتحـى=والدعـاوي تهـز اِمشيـّدات القصـور
والخطاوي تعثّر بيـن خـوف وسحـا=والفتن تشتعل.. وانتـم سـواة البـدور
يا قصار الثياب, ويـا طـوال اللحـى=لا تفيض العيون ولا تضيق الصـدور
دارت الأرض بالعالـم ودار الـرحـا=وانتم الشامخيـن ومـا تبقّى يـدور
كل مْا المح شموس وجيهكم في الضحى=احمد اللي بعينـي زوّد النـور نـور
في الجباه السمار اللي ظهر ما انمحـى=ابشرو به وهو يشفـع بيـوم النشـور
السنتكـم عطاهـا اللْه حديـث اِفصحـا=وافئدتكم من الإيمـان تنضـح سـرور
قَصّر المسـك يـا حمّالتـه واِستحـى=يوم جا يعطي! اعطيتوه طيب وطهور
يا تلاميذ عقـد الصفـوه اللـي نحـى=يا حبايب صلاة الفجر واهل السحـور
يا رجالٍ على يديكم صحى من صحـى=سعد روحٍ تغذّت من بصيـرة غيـور
انتم لمعشـر الساليـن خيـر اِنصحـا=وانتم لنصرة الدين اصدق اللي يثـور
اِن دخل صفكم وجـهٍ كـذب واِلتحـى=رده اللي يرد الكيـد وسـط النحـور
وان هرج زيد لعبيـد بسوالـف جحـا=لا لحقكـم شكـوك ولا لحقنـا نفـور
واللي انزل تبـارك والقلـم والضحـى=انكم هدينـا عـن محدثـات الأمـور
واصلوا يا بركتنا دون خـوف وسحـا=ردو اِنفوسنا اللوامـه اِمـن القصـور [/poem]

ناصر القحطاني