إلى النقيب ماجد العبيد مع التحية

[ALIGN=CENTER]

بسم الله الرحمن اَلْرَحيْم

/

عندما لامه مديره وعاتبه وأنبه لأنه لم ينفّذ المهمّه..!!
كان يدرك ماجد بأنها مظلومة ولم تأخذ نصيبها من ورث زوجها
وصدق بوعده لها عندما انتخت به واستفزعت به أمام الملأ
حيث أخذت حقوقها كامله واستردت أبناءها
بفضل الله ثم بفضل هذا الماجد ..!!
بالرغم من أنها ليست من قبيلته ولابه صلة قرابه ..!!
يقول الشاعر : أحمد الهربيد السويدي الشمري الذي جده
عدوان الهربيد صاحب قصيدة الشيخة المعروفة في ماجد :
[poem=font="Simplified Arabic,5,black,bold,normal" bkcolor="white" bkimage="" border="double,4,black" type=0 line=0 align=center use=ex num="0,black"]
ياماجد ابن حمود يمنى بها اللين = مدّه لاجيب الخارمه والمطمّه
يمنى بها ظل الضعوف المساكين = أبوه يدعي لك قبل تدعي أمّه[/poem]

ويقول في قصيدة أخرى :
[poem=font="Simplified Arabic,5,black,bold,normal" bkcolor="white" bkimage="" border="double,4,black" type=0 line=0 align=center use=ex num="0,black"]
قولوا لبقعاء ابشري يالحبيبه = الطيب ورث وارث الطيب ياتي
عرق الندا يندى ولو طال غيبه = والتين يطرح تين طبع النباتي
لاضاقت الدنيا وشفت الغليبه = مركاي ماجد طير حر الفراتي[/poem]

يقول فيه أيضاً الشاعر عبدالله السرحاني بعد أن سعى في نقله :
[poem=font="Simplified Arabic,5,black,bold,normal" bkcolor="white" bkimage="" border="double,4,black" type=0 line=0 align=center use=ex num="0,black"]
يمّه دخيلك اطلبي الرب وارجيه = وقت السحر ثم ارفعي الكف عالي
قولي عسى الله في حياته يهنيه = ويبعده عن درب الشقى والهوالي
يمّه معي قولي عسى الرب يحميه = ذاك الذي قدّر ضروفي وحالي[/poem]

هم العظماء هكذا دائماً ... لايكتبهم التاريخ بل هم من يكتبونه ..!!



هُنا قصائدي إلى ذلك النقيب ابن العم : ماجد حمود َاْلعبيْد .

[poem=font="Simplified Arabic,5,black,bold,normal" bkcolor="white" bkimage="" border="double,4,black" type=0 line=0 align=center use=ex num="0,black"]سويت شي(ن) مايسويه صاحي = اشتلت حمل(ن) ماتشيله سلاطين
وقفت ند(ن) للمهب والرياحي = حاربت من شان الكسيرة ملايين
عاونت من زادت عليها الجراحي = وانقذتها من ظلم ناس(ن) قريبين
يوم اشتكت لك ياعريض الجناحي = بين العساكر والجنود الميامين
عامين تصرخ : اطلقوا لي صراحي = ضحية(ن) ياناس بين المساجين
محرومة(ن) صدري من الغبن فاحي = اعيال زوجي في حقوقي معيين
صبوحها عامين سم(ن) ذحاحي = وغبوقها من ظلم الأقراب غسلين
ويوم انتخت بك يالعديم الفلاحي = عز الله انك مزبن(ن) للمساكين
وردّتها جم الزلال القراحي = نصرتها على نجوع(ن) معادين
شمخت وتمثال الجرانيت طاحي = بيدك هدمت أسوار روما وبرلين
كعمت اهل الظلم وناس(ن) شحاحي = ثلمت في سيفك رقاب الشياطين
خيط الصبح بعيونها الشعث لاحي = بدت تباشير الفرح وابعد البين
تدعيلك الحرمه بليل وصباحي = وتطريك يابن عبيد وسط الدواوين
تفخربك الديرة بكل النواحي = لانك الشيهان وربعك شياهين
ماهي غريبه من زبنك استراحي = بقعاء من الماضي زبون المخلين
عادتنا لجل الرفاقه سماحي = سمحين بوجيه النديين سمحين
واللي زبنّا من بعيد الفياحي = كنه زبن ضلع الرعيله ونقبين
اندلله ونعامله بنشراحي = ناقف معه في ساعة العسر واللين
ندراه عن هرج اللغط والمزاحي = ومرجّحين(ن) كفّته بالموازين
واللي نوانا نذعره بالسلاحي = سواعد(ن) على المطافيق عسرين
نحمي الحمى بالمارتي والرماحي = من شرقي غبيّه ليا الجرب والقين
ربعي بعيدين النظر والمشاحي = لطاّمة الصايل صعوط المجانين
كساّبة الناموس درع ووشاحي = اهل السخاء اهل النخل والبساتين
والاّ أنا ياحمود شاعر سياحي = امدح هل الطولات والعدل والدين
أنا على قدي ولالي صلاحي = انقش على المسحوب خمسه وعشرين[/poem]


/

كذلك :


[poem=font="Simplified Arabic,5,black,bold,normal" bkcolor="white" bkimage="" border="double,4,black" type=0 line=0 align=center use=ex num="0,black"]

مندوب عندي لك كلام = بيوت(ن) مرتبها أديب

ابيك تاخذلي سلام = للعاصمة قبل المغيب

اكفخ على الموتر جهام = واقطع دباديب وشعيب

حتى تجي نسل الكرام = وعطني علومه يانديب

دق التحيه باحترام = لاجيت ابو حمود النقيب

الضابط الشهم الهمام = يوم الملاقى مايغيب

ابن اللوى دار الكرام = جدّه اميره والخطيب

سلايل عبيد الاِمام = راع النخل راع القليب

ان جيته بوقت الدوام = تلقاه بالمكتب منيب

اكرم من مزون الغمام = مدهال حتى للغريب

وان جيت بيته ياسلام = تلقى النجر يقنب قنيب

وصحون وطليان وسنام = وكيف(ن) وفنجال(ن) وطيب

ورْجال وشيبان(ن) حشام = وسوالف وصدر(ن) رحيب

يالله عسى ماجد تمام = ويبقى على راس الرقيب

يقوله السيف الحسام = ومما عطاه الله يجيب

حنّا مقابيس الظلام = وحنّا مدللة الصحيب

اليا ارتكينا مانضام = واللي تحدانا يشيب

وختامها أوفى سلام = للضابط القرم النقيب[/poem]


[flash=http://www.baaqa.com/kald/m/magidhmod.swf]WIDTH=1 HEIGHT=1[/flash]


للحفظ ... اضغط هناا

تحيتي وتقديري


[/ALIGN]

والنعم فيه كحيلان

أشهد بالله إنه كفو كفو كفو
أعرفه وزاملته مده طويله في ثكنه واحده

يستاهل المدح وهو اهل لذلك ورب الكعبه

لاهنت يانايف وبيّض الله وجهك على ما أوردت وماقلت

صح لسانك مدد

إسلم وسلّم

تحياتىىىىىى لك

نايف العبيد

صح السانك

ومن حصل شىء يستاهله

نحياااااااااااااااااتي

[ALIGN=CENTER]

عبدالرزاق الذيابي
اشكرك على تواجدك في متصفحي وعلى مرورك الكريم
صح بدنك ولاهنت

دمت بود


[/ALIGN]

نايف العبيد



من هذه افعاله يستحق


الله يبيض وجهه ويبيض وجهك وصح لسانك ولسان الشمري


غيمار

ونعم الضابط القرم النقيب

يستاهل كل طيب هذا الثناء المميز والعلم الوافي

صح لسانك مدد يا نايف وسلمت ،،


..