,,, حضور الغياب ,,,

[align=center]
السلام عليكم
بويتات من اخر ما كتبت تحكي موقف خاص اتمنى تمريرها
[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
لو الرعد بعثر مزون السحابي=والسيل دربى فالطريق الحجاره
يمكن تغير فكرتي في كتابي=ويمكن اغير هاجسي عن مساره
ويمكن ويمكن اعتذر عن خطابي=مار الحقيقه في ثنايا حواره
جف المحيط وفاض بحر السرابي=ما عاد تنفع حسرته واعتذاره
ماني مفتش فالصرر والزهابي=بانـت خفايـا وقتنـا بفتـراره
حاولت اخفّي لهفتي من مصابي=مار المصيبه في قرار الوزاره
اللي توقع من رفيع الجنابي=ما خاف ربه يوم صّدر قراره
صّدر قراره والثمن فالمخابي =والنار شبت والسبايب شراره
صار الوفاء فالوقت مصدر عذابي=والليل سره ينكشف من نهاره
وش يستر الانسان غير الثيابي=ياللي تحبون الردى والحقاره
حظي عن المنقود قام ورقابي =ماني من اللي يعشقون الاثاره
السيف مايشبه قصار الجنابي=فعله يشرّف في صحيح العباره
والقاف ما يحمل مـلام وعتابـي=يحمل رساله عاجله في مـداره
سجل حضوري ثم سجل غيابي=سجل غيابي وارفعـه لـلاداره
[/poem]

وسلامة قلوبكم


[/align]