تكفون تفكون

حوار دار بيني وبين ترانيم .. بدأ بسؤال وانتهى بفكرة ..

لكم ان تقرأوا ما دار .. وتجيبوا على السؤال ..

دارين = الدمع من كثر البكا حف خـدي .. والهم من كثر الشقا جاب عيدي
ترانيم = أَجْمَعُ الخُيوُط .., لـ أكَون مِنَها خَارِطَة الخُروج ,,,



وهذا ما كان

*

*

الدمع من كثر البكا حف خـدي .. والهم من كثر الشقا جاب عيدي:
تعالي
أَجْمَعُ الخُيوُط .., لـ أكَون مِنَها خَارِطَة الخُروج ,,,:
هلا
الدمع من كثر البكا حف خـدي .. والهم من كثر الشقا جاب عيدي:
بما انك تحبين التدقيق وما تخلين شي يعدي كذا
أَجْمَعُ الخُيوُط .., لـ أكَون مِنَها خَارِطَة الخُروج ,,,:
ايه
الدمع من كثر البكا حف خـدي .. والهم من كثر الشقا جاب عيدي:
اشرحي لي السبب اللي يخليهم يقولون ( تكفون ) تفكون
أَجْمَعُ الخُيوُط .., لـ أكَون مِنَها خَارِطَة الخُروج ,,,:
ههههههههههههههههههههههههههه
أَجْمَعُ الخُيوُط .., لـ أكَون مِنَها خَارِطَة الخُروج ,,,:
مالها شرح
أَجْمَعُ الخُيوُط .., لـ أكَون مِنَها خَارِطَة الخُروج ,,,:
هي نفسها
الدمع من كثر البكا حف خـدي .. والهم من كثر الشقا جاب عيدي:
سمعتها مره وقلت يمكن سمعت غلط وسمعتها مره ثانيه وقلت يمكن غلط
لكن اشوفها مكتوبه ماهي غلط
أَجْمَعُ الخُيوُط .., لـ أكَون مِنَها خَارِطَة الخُروج ,,,:
فيه ناس يقولون كذا وناس يقولون كذا
أَجْمَعُ الخُيوُط .., لـ أكَون مِنَها خَارِطَة الخُروج ,,,:
لهجات بس
أَجْمَعُ الخُيوُط .., لـ أكَون مِنَها خَارِطَة الخُروج ,,,:
نفس المعنى
الدمع من كثر البكا حف خـدي .. والهم من كثر الشقا جاب عيدي:
كيف نفسها ماهي نفسها .. يعني يكلمون واحد يقولون ( تكفى ) و ناس يقولون ( تفكى )
الدمع من كثر البكا حف خـدي .. والهم من كثر الشقا جاب عيدي:
مدري احس مقلوبه
الدمع من كثر البكا حف خـدي .. والهم من كثر الشقا جاب عيدي:
تكفى من كفو كفؤ لكن تفكى من شو
أَجْمَعُ الخُيوُط .., لـ أكَون مِنَها خَارِطَة الخُروج ,,,:
الا والله
أَجْمَعُ الخُيوُط .., لـ أكَون مِنَها خَارِطَة الخُروج ,,,:
لالا
الدمع من كثر البكا حف خـدي .. والهم من كثر الشقا جاب عيدي:
اجل
أَجْمَعُ الخُيوُط .., لـ أكَون مِنَها خَارِطَة الخُروج ,,,:
مو من كفو
الدمع من كثر البكا حف خـدي .. والهم من كثر الشقا جاب عيدي:
الا من شو
أَجْمَعُ الخُيوُط .., لـ أكَون مِنَها خَارِطَة الخُروج ,,,:
هي الكلمة كذا
الدمع من كثر البكا حف خـدي .. والهم من كثر الشقا جاب عيدي:
مشتقه من الجذر ......
أَجْمَعُ الخُيوُط .., لـ أكَون مِنَها خَارِطَة الخُروج ,,,:
انا اسمعها من ناس تكفون ومن ناس تفكون
أَجْمَعُ الخُيوُط .., لـ أكَون مِنَها خَارِطَة الخُروج ,,,:
مدري والله ماعمري فكرت تصدقين ؟
الدمع من كثر البكا حف خـدي .. والهم من كثر الشقا جاب عيدي:
طيب ودي ارجع لاصل الكلمه
الدمع من كثر البكا حف خـدي .. والهم من كثر الشقا جاب عيدي:
الا اظنها مشتقه من ( كفو )
أَجْمَعُ الخُيوُط .., لـ أكَون مِنَها خَارِطَة الخُروج ,,,:
يمكن والله بسال
الدمع من كثر البكا حف خـدي .. والهم من كثر الشقا جاب عيدي:
او كفايه
أَجْمَعُ الخُيوُط .., لـ أكَون مِنَها خَارِطَة الخُروج ,,,:
بس انا متعوده عليها كذا وكذا
الدمع من كثر البكا حف خـدي .. والهم من كثر الشقا جاب عيدي:
لكن تفكون مشتقه من ... من شو
الدمع من كثر البكا حف خـدي .. والهم من كثر الشقا جاب عيدي:
من ( فك )
أَجْمَعُ الخُيوُط .., لـ أكَون مِنَها خَارِطَة الخُروج ,,,:
اتوقع لها علاقه بالحجاز ونجد
أَجْمَعُ الخُيوُط .., لـ أكَون مِنَها خَارِطَة الخُروج ,,,:
ايه يمكن
الدمع من كثر البكا حف خـدي .. والهم من كثر الشقا جاب عيدي:
والله مدري الله اعلم
الدمع من كثر البكا حف خـدي .. والهم من كثر الشقا جاب عيدي:
تجي احط السؤال بالمرقاب
الدمع من كثر البكا حف خـدي .. والهم من كثر الشقا جاب عيدي:
ونستفسر عن اصل الكلمه ماهو عن اختلاف اللهجات
أَجْمَعُ الخُيوُط .., لـ أكَون مِنَها خَارِطَة الخُروج ,,,:
حلو طيب
أَجْمَعُ الخُيوُط .., لـ أكَون مِنَها خَارِطَة الخُروج ,,,:
والله فكره

*

*

نكتفي بهذا القدر من الحوار ..

ولكم الحرية بالتعليق والإجابة .. او الإكتفاء بالقراءة ومشاركتنا ذات الاستفهام


من اي مفردة اشتقت كلمة ( تكفى او تفكى ) .. و ماهو اصلها ..؟؟

كنت بسجل خروج لكن لفتني "العنوآن" وجيت

تذكرت قصيدة رآئعة لـ"اخو تكفى",, القدير/ محمد الدحيمي!

كآن فيهآ البيت اللي صآر قآعدة وعلى كل لسآن:

تكفا تراني مـن قـرومٍ مشاكيـل / حمايـة الساقـه بسيـفٍ وشلفـا
تكفـا وتكفـا ماتسـاق لمهابيـل / تكفا تخلّـي القـرم لاشٍ وهطفـا
تكفا ترى تكفـا تهـزّ الرجاجيـل / لولا صروف الوقت ماقلت تكفـا

<- بغت تمسك خط وتكتبهآ كلهآ

امآ عن جوآب للتسأول فـ"مدري" وش اصل الكلمة بصرآحه
لكن جآيز تكون بِمعنى "اكفني"

وعلى فكرة لِـ "تكفى" عندنآ معنى ثآني,,
تورطت في شرحه وبالأخير طلعت بهالمثآل لإيضآح المعنى
لآ تكفى المآء= لآ تصب المآء

تحيتي لك وللجميلة ترآنيم!

كما قال الشاعر :
تكفى ترى تكفى تهز الرجاجيل ----- ولولا ظروف الوقت ماقلت تكفى

انا أرى ان تكفى : تقال للرجال ( حتى تهزهم وينطنخون )
وتفكى : تقال للنساء ( حتى ينطنخن كمان )

مداعبه وممازحه لأخواتي هنا

جاري البحث عن الفرق بينهما

والشكر لكما على طرح هذا الموضوع الجميل

المشاركة الأصلية كتبت بواسطة شمس

كما قال الشاعر :
تكفى ترى تكفى تهز الرجاجيل ----- ولولا ظروف الوقت ماقلت تكفى

انا أرى ان تكفى : تقال للرجال ( حتى تهزهم وينطنخون )
وتفكى : تقال للنساء ( حتى ينطنخن كمان )

ههههههههههههههههههههه

حلووووه يا شمس

يعني الحين الرياجيل يقولون تكفا والحريم تفكا هههههه عجيبه

انا اتوقع ان كلمه ( تفكا ) مزحه مزحها شخص ومشت مع العرب لان ماشاء الله العرب كل شي يمشون معاه لو ما يدرون اصله شنو

<<< ياعيني يالتفسير


دارين

موضوع جميل مثل راعيته

كل الغلا

و
ج
د

انا احسب ان فيـه علمٍ كبير واثر الامـر هين ..




اعتبر ردي حجـز
ويمكن ارجـع

ريمانا


اهلا و مرحبا

من حسن حظي ان كنتِ الاولى هنا

لتباركي المكان بنورك و حضورك


اتيتي للمشاركة والاستدلال بالبيت المشهور لـ تكفى

تلك الكلمة القوية والتي لازالت تهز القلوب



سانتظر التفسير

لكل كلمات تكفى


وكل الشكر لانك هنا

شمس


( تكفى ) وكل مصطلحات الترجي قادرة لان تطوع القلوب النقية

والتي لازالت النخوة تعيش بها بصورة او بأخرى



بانتظار ما سيظهره لك البحث عن الفرق بين الكلمتين الشهيرة



ولك كل الشكر


لحضورك و لتواصلك

>> يكره التفسير والشرح
بالمختصر
الكفايه ظالتكم

المشاركة الأصلية كتبت بواسطة عبدالعزيز هليل

بالمختصر بقول
الكفايه ظالتكم

ليه الاختصار ..؟؟


عبدالعزيز هليل



عودة سريعة


اهلا و مرحبا


قد تكون هي المفردة الاقرب


ولكن في هذه الحالة تكون المفردة الاصوب هي ( تكفون )

المشاركة الأصلية كتبت بواسطة دارين

ليه الاختصار ..؟؟


عبدالعزيز هليل



عودة سريعة


اهلا و مرحبا


قد تكون هي المفردة الاقرب


ولكن في هذه الحالة تكون المفردة الاصوب هي ( تكفون )

تكفون للجمع

وتكفى لشخص واحد ينوب وينهي المهمه لوحده ..
وهي لا تقال الا اذا كانت تلك المهمه تفوق قدرة اكثر من شخص .

يعني الكلمه هذي مهي بسيطه .. ولاهي في اي حال تقال ..الا اذا عقدت الامور حجانها <<< هذي بعد يبي لها شرح

.>> وهذا الآدمي ماوده يتشعب في هالموضوع واجد



وسلامتك يابنت الاجواد





برايفت
لصاحب الرساله الخاصه ياللي تقول تكفى معناها بليـز
هههههههه


الله يضحك سنكـ و ياحبني لك
بس
شارك فالموضوع لو سمحت

عبدالعزيز هليل



الدعوة سؤال والامر هين



حضورك حجز

و عودتك كرم



ولك كل الشكر

متابع << ماهو عارف معناها

بس الاكيد ان ( تكفى ) تهز الرياجيل

لاهنتي يا دارين

تقديري

عبدالعزيز هليل



؟؟؟؟؟؟؟

!!!!!!!


على رسلك يا اخ العرب >>>> شافت مسلسل تاريخي

كنت اقصد ان كانت ( تكفى ) مشتقه من ( الكفايه ) ,

فالمفردة الاصوب للاستخدام هي ( تكفون ) بدل ( تفكون )




واما عن استخدامها فحدث ولا حرج

والله ان البعض يستخدمها ( على الفاضي والمليان )



كل الشكر لتواصلك

عيسى الشاطري


اهلا بحضورك


نعم هي تهز الرياجيل

وعند الجد تصنع الاعاجيب





عن نفسي استخدمها عند المزاح غالبا واقول :

( تكفين .. وتكفى تهز النساوين )




لماذا عند المزاح ؟؟

لاني لا استخدم هذه الكلمة في حديثي ابدا




كل الشكر لحضورك و متابعتك

طيب
من شان اقصر الهرج معك
يااخت العرب

تكفى هي الاصح .. من وجهة نظر خاصه ..

وانتي اللي يقنعك خذيه سواً كذا والا كذا

>>>مالوم راع بقيق

؟؟؟؟؟؟؟


لا اعتقد اني راددتك في شيء


كل الشكر لتواجدك و تواصلك

:




ههههه ..,


دارين .. جميل الحوار أن يخرج بـ .. مثل هذه الأفكار والتساؤلات ..!
أولا ً
الله يعطيك العافية على تحريك العقل
ثانيا ً
الكلمة ربما تكون مشتقة وهي الأغلب والواضح انها مشتقة من كلمة ( تكفى )
وبكل بساطه تختلف لدى كثييييير من الاشخاص بحكم اللهجة وكثير ما نسمعها وللمرة الأولى اعتقدنا بانها غلط مطبعية ولكن عند التكرار ثبت لنا انها راسخة وللهجة اساس في ترسيخها وبس .!!

دمت ِ بخير

.

.


هذا اللي أعرفه .. وتفكى ياعبدالعزيز رد البرى .!

إستفسار رغم بساطته ، إلى أنّه ( محيّر ) نوعاً .. ما

لكن أبا أدلي بدلوي ،

تكفى .. تقال ، لـ .. (( الكفؤ )) وهو الشخص اللي قد المسؤليّه
يعني ..

أصلها .. (( الكفاية )) وهي الإستغناء عن الشي بغيره .. يكفي .. يعني يغني .
تكفى .. يعني إفزع لي و أغنني عن غيرك
>>>>>>>>>>>> مسوي فيها أكاديمي

بالمختصر .. الأصح .. تكفى ... وليس تفكى

وتحياتي للكل ،

المشاركة الأصلية كتبت بواسطة ناصر تراحيب

إستفسار رغم بساطته ، إلى أنّه ( محيّر ) نوعاً .. ما

لكن أبا أدلي بدلوي ،

تكفى .. تقال ، لـ .. (( الكفؤ )) وهو الشخص اللي قد المسؤليّه
يعني ..

أصلها .. (( الكفاية )) وهي الإستغناء عن الشي بغيره .. يكفي .. يعني يغني .
تكفى .. يعني إفزع لي و أغنني عن غيرك
>>>>>>>>>>>> مسوي فيها أكاديمي

بالمختصر .. الأصح .. تكفى ... وليس تفكى

وتحياتي للكل ،

ايه ياحبني لك ياهالمودمي
انت وشرحك

:

استفسار في محله يادارين
انا اتوقع انها مشتقه من كلمه ( كفايه ) <-- اتعب على كلمه مشتقه

هذا والله اعلم .. !!


..

8888

888

8

يادافع البلا من النقّاز اللي فوق


مثل ماقال ناصر تراحيب بالضبطي

لاهنتي ولاهانت ترانيم يادارين

فراج القرقاح



اهلا بحضورك


الشكر لكم ان قضيتم الوقت لتقرأوني في صبر

وتجيبون في كرم



في كلامنا العادي مواضيع شتى

وحتى ان كانت هذره , فقد نخرج منها بفكرة



ربما تكون كلمة ( تفكى ) غلطة لغوية .. تداولتها الالسن حتى اعتادتها

و بررنا الامر باختلاف اللهجات

لعلنا حين نعرف اصول الكلمات .. نستخدمها بشكلها السليم >>> غير مقتنعة



كل الشكر لتواجدك و تجاوبك