من خلقة الدنيا تجوع الذيابه لـ (رشيد الزلامي )

السلام عليكم ورحمة الله وبركاته

قصيدة للشاعر رشيد الزلامي اتمنى ان تروق لكم ..
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]


من خلقة الدنيا تجوع الذيابه= بس المهم تعيش والراس مرفوع


الوقـت يامقـسـى عـنـاه وعـذابـه=حطـاب ليـل ولـه معاويـن وفـزوع


احدٍ منـه يمكـن يعالـج صوابـه=واحدٍ يموت بعلته مـوت جربـوع


يروح مثـل مقـاط محـد ٍ درابـه=لاحبـل يرقـى ولاصـوت مسـمـوع


بغـى يجيـب رشـاه ورشـاه جـابـه= مـن عالـي الشفـه على ضربـه الـكـوع


هـذاه مقـاط اللـى ارشـاه التـوابـه= واصبح مثل للناس فـي كـل موضـوع


قصـة مـقـاط وقصـتـى ماتشـابـه=اسباب وقـت وكـل قصـه لهـا نـوع


مقـاط صفـى فـي زمانـه حسـابـه=وانا بلشت في وقـت طامـع ومطمـوع


كم واحـد ٍ وقـت اللـزوم تهقابـه= واليـا نصيتـه غيـر الطبـع بطبـوع


والصاحب اللى صحبتـه ضحـك نابـه = يبينى ابقى لـه علـى الـدوم مـزروع


ان شـاف وجهـي قـال يامرحبـابـه= وان غبت ينسانى علـى راس الاسبـوع


واليـا نسانـى منهـو حظـرة جنابـه = انسـاه واجعـل دونـه الخـط مقطـوع


وعيبٍ عليـه كـان طقيـت بابـه=لونى امسي بالخـلا ميـت ٍ جـوع


من خلـقـه الدنـيـا تـجـوع الذيـابـه=بس المهـم تعيـش والـراس مرفـوع


وتكسـب بعـز النفـس قـدر ورحابـه=وتمشى على خط ٍ سليم ٍ ومشروع [/poem]


لكم فائق احترامي وتقديري ...!!