آه ياضيقة ٍ بالصدر عيـّـت تعدي ..!!!

اسعد الله جميع اوقاتكم بكل خير ..
من الجديد ..
..
..
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
آه ياضيقة ٍ بالصدر عيـّـت تعدي=كلما قلت خفـّـت زاد مفعولها
بين هرج اللّـيان وبين زجر التحدي =ضاعت الكلمة اللي كنت باقولها
ما يحسّ بدموعي غير جفني وخدي=العرب لآهيه في جمع محصولها
كلما قلت ودي .. غيّر الوقت ودي =ودي بحاجة ٍ طافت على حولها
الليالي تسابق .. والاماني تهدي=وآخر الجوله تجهز على جولها
آآآآآه ياوقت ابوي .. وآه ياوقت جدي=قبل تال الليالي يختلف زولها
يوم سلم العرب في كل لازم يسدي=يحكم الناس عاقلها ومهبولها
والعوائد مقيمه ردها مايردي =والحيا ما انفسخ والناس بعقولها
كل شيءٍ تغـيّـر كل ضد ٍ بضدي=مابقي الا القلائل تنتظر دولها
آخر الوقت والوضع الاخير متردي=حائر ٍ بين سائلها ومسؤولها
ماحسبها ياكود اللي يجيب ويودي=مستقيم ٍ على المله ومدلولها
حافظاً دينه الاسلام صاحي وجدي =ما انفتن بين ناقضها ومفتولها
يصوم ويصلي ويخشى نهار المردي=في حياة ٍ ييب الطفل من هولها
في نهار الحساب ومع طريق ٍ يودي=جنة .. او نار .. والوزنه بمعدولها
والله انه حضيض اللي لها يستعدي=بالعمل .. قبل لا يحتار بحلولها[/poem]