ضيقه البال

السلام عليكم ورحمة الله وبركاته
اخواني في هذا الصرح الشامخ اقدم لكم قصيده متواضعه
ارجوا ان تحوز على رضاكم ولكم فائق الاحترام والتقدير
-------------------------------------

الضيقه اللي تلوف الصـدر وظلوعه
في تالي الليـل يوم الناس هجّــاعـي

مستوطنه في عــروق القلب وتلوعـه
دقات نبضـه تزايــد بين الاضلاعي

مـن قـوّها من ورى الاضلاع مسمـوعه
والنبــض لازادبه زاد ٍ الاوجـاعـي

سبـت زمان ٍ مابين الحسـد وطموعه
دنيــا عجيبه وفيهــا الكـل طمّاعي

سهــوم بقعـا تداهمنــا ومجموعه
دارت رحاهـــا تمزّعنـــا تمزّاعــي

والطيّب اللي يخـاف الله على طوعه
ياصـل قريب الرحم ماهـوب قطّاعي

يكـرم ضيوفــه ولـو يبقى على جوعه
لاهل الكرم والمراجل رجل فزّاعي

يزين بعيون كــل الناس وربوعه
مابين ربعــه سنافي دمث الاطباعي

كل الخصال الحميده فيـــه مزروعه
يجني ثمرها وفيها الربــح ماضاعي

والا الردي فالعرب يامقشـر اطبوعه
لاهل النمايم وهــرج الشين سمّاعي

ضحكات سنّه مع العربــان مصنوعه
يمشي بوجهين يضحك لابـس اقناعي

كل الصفات الحسينه منــه منزوعـــه
اكثــر هروجه رديّه مالهـــا داعي

هذا الزمن صعب لامــــن ذبلت اشموعه
والوقت كايد علينا صــار خدّاعي

الله خلق هالبشـر تابـــــع ومتبـوعـــه
سبحانه اللي خلــق اشكال وانواعـي

والناس ماهي مع الايـام مقنـــوعـــه
تمشـي على فالها والكــل مطـواعي

محمد مرزوق السميري