[ عناد النفيعي ] ... وشعراء المرقاب , في جريدة الـراي الكويتية

السلام عليكم ورحمة الله وبركاته

نشرت جريدة الرأي الكويتية هذا اليوم الموافق السبت 26/ 6/2010

في صفحة مواسم تحت إعداد الشاعر / مساعد بن جبران

قصيده للشاعر / عناد النفيعي ...

الغياب مسألة عبر عنها الكثير ولكن بهذا النص الرائع والمفعم بالشاعرية الفذة والصورة والتشبيهات الكثيرة جعلت للنص طابعاً جميلاً,
دعونا نتمتع بهذا الطابع والنظرة الثاقبة التي تميز بها الرائع عناد النفيعي


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
غبت.. وارديتني في بحر بعدك.. عليل=لاحصلي ّ نجاه.. ولاحصلي ّ غرق
حيّ لكن روحي مثل روح القتيل=فكر مبدع ونبضه في النهايه.. ورق
ياملاذ الشموخ الواقعي في النخيل=يا الطف من العطا والنبل كله.. وأرق
طارق البعد يوجعني وجسمي نحيل=واعذابي ليا دق الضلوع وطرق
هكذا كل صبح.. وهكذا كل ليل=احتفي به شعور.. ويحتفيّ بي أرق
ارغبك كل ما اذكر حاجز المستحيل=والمحك كل ما شع ّ الصباح وشرق
وافقدك كل مادورت ظل ٍ ظليل=ارتمي به ليا من حزن روحي برق
والله انك ليا سولفت لو بالقليل=تبرد اطراف جسمي كلها وآعرق
هيبة ٍ ترغم المدرك يحط ويشيل=شي طبيعي لوانه من حديثك شرق
نعمة ٍ تجبر لعاب المشاعر يسيل=واحترام ٍ ليا مر المحاني سرق
حسبي الله علـى طبعـك ونعـم الوكيـل=اشهد انه حجم غيرك وطال وفرق !
[/poem]


شعر / عنـاد الـنفيعي

مصدر الخبر ...!
http://www.alraimedia.com/Alrai/Arti...&date=26062010

الــتالي ...


وكما نشرت فقـرة بـ عنوان [ استراحة ] عبارة عن أبيات مختارة
.
.


واضح
ماهوب شرط اعجب جميع الناس
انـا.. مـا كـل الـنـاس تعجبـنـي !

ناصر مناحي

كبرياء
مسكين تحسبني بصّوت واناديك
واسمعك بالله رد العلاقة
خلاص لاتنطر اراضيك واجيك
الوقت طافك (تم رفض البطاقة)

نايف بن مطيع

اعتراف
تركتك واعترفلك ماكرهتـك
كرهت الي من اسبابه تركتك
انا لما حلفت اكـون قربـك
قطعت الحلف من ناتج حركتك

فيصل مبارك العازمي

لابد من البوح
ببوح لك بس لاتضايق من البوح
تعبت ادوّر منهو يحس فيني
مع انك اقرب خلق ربي من الروح
إلا انك آخر من يفكر يجيني ...

صالح جزا الحربي

أخلاق محب
لي يوم وأكثر وانا واقف على بابك
أطق وانسكرت إيدي وأنت ماتفتح
اللي كسر خاطري من لوعة غيابك
لا قلت أبخونك الذكرى تقول استح

عبدالعزيز السبيل

مبدأ
تعبان نفسياً، وضايق، ومشغول
وكم واحداً يسوى عيوني خسرته
وانا قبل لا اعايش الواقع اقول
لو معصمي زعل خويي كسرته

عفاس بن حرباش

أمنية
ودي اعبر عن شعوري واعلّمك
عن كل شي يخصني واستشيرك
الا.. بعد ودي اجي لك واسلّمك،
قلب ٍ (تعلق فيك من دون غيرك)

مشعان البراق

تناقض
تدري بعد ما غبت عنك تندمـت
على الغياب اللي يزوّد طعونـي
في ليلة فراقك ضحكت وتبسمـت
وحاولت أخبي دمعة ٍ في عيوني

طلال حمود

فاقد الشيء
أحفظ (عهود الصداقة) مثل حفظ (الكنوز)
(صديقك الكنز) ولا (الكنز ماهو صديق)
الناس .. تقضي العمر كلـه ادور بـروز
وانا .. قضيت العمـر كلـه .. ادور رفيـق

سعود بن مهدي

إخلاص
يا اللّي حكت عن زعل نفسك ملامحك
تخطـي بحقّـي واجـاوب بـإبتسامـه
حتـى بـيـوم الرحيـل الله يسامحـك
ما قلت (ترحل وترجع بـالسلامة)

حمود ابو عوينة

سؤال
ياليتني ماسمعـت الكلمـه الجارحـه
ياصاحبي بسئلك هل كلمتك من وعي
اشووف ماكـن شـي قلتـه البارحـه
وانا من البارحه تاكل وتشـرب معـي

عبدالرحمن بن بديع الشهراني




مصدر الخبر ...!

http://www.alraimedia.com/Alrai/Arti...&date=26062010

وشكراااا...