صاحب السمو الملكي الامير بندر بن سلطان بن عبدالعزيز ال سعود مجاراه

السلام عليكم ورحمة الله وبركاته

في يوم الاحد 26- رمضان قرات في جريدة الرياض العدد 15431 قصيده في صاحب السمو الملكي الامير بندر بن سلطان بن عبدالعزيز ال سعود

ولحبي لشخصية سموه واعتزازي با هذه الشخصيه السياسيه هيضني الشاعر فيصل بن منصور المفقاعي في قصيدته وجاريت قصيدته


وهذا نص ما قرأته في الصحيفه


عندما ذهبت للولايا ت المتحدة الأمريكية من أجل زيارة أبنائي الذين يدرسون بجامعات أمريكا,ذهبت لسفارة
خادم الحرمين الشريفين يحفظه الله,في واشنطن,من أجل قضاء بعض الأعمال
وخلال الزيارة شاهدت صورة صاحب السمو الملكي الأمير بندر بن سلطان بن عبد العزيز,
من ضمن السفراء الذين عملوا بالسفارة..فتذكرت سموه الكريم وكتبت هذه القصيدة..





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا الله يا اللي كل شيء دبرتك=عبدك أليا ضاقت بوجهه ترجاك
الكون ومافي الكون يشهد بقدرتك=وندعوك بكل اسم حفظته من أسماك
يارب أسألك كل عفوك وتوبتك=ما فب نفوس الناس شيء بيخفاك
يارب أسألكشوف وجهك وجنتك=يارب ترجم من خضع لك ونا جاك
واحد ولا لك من شريك بوحدتك=يارب كل يقصدك يطلب رضاك
ويارب ثبتنا على حب طاعتك=وفرح قلوب تنتظر يوم لقياك
ويارب ترحم من رجا منك رحمتك=ويا الله عسى تقواك من دون بلواك
ويا قلب وش بك ضايق وفيك ضيقتك=وما طعتني يا القلب يوم أني أنهاك
دامك تعاندني وهاذي طبيعتك=خل الهموم اللي بصدري تولاك
ويا كبر يا بندر على الناس فرجتك=وصار العوض في شوفتك طيب ذكراك
ولا اني بتوي جاهل في معرفتك=وطيبك بزوده من سنين عرفناك
وين أنت يا اللي تبعد الهم شوفتك=وين أنت يا اللي يرفع الراس ممشاك
وين أنت يا اللي وسط قلبي محبتك=ولا شانت الدنيا بوجهي نصيناك
وين أنت يا اللي فوق راسي معزتك=ولو يفتدى عمرك بعمري فديناك
وين أنت يا اللي تعرف الناس نخوتك=ولا شانت وجيه بوجهي نخيناك
وين أنت يا اللي تبرد الكبد فزعتك=ويا ما فزعت بطيب جاهك ويمناك
وين أنت يا اللي تاج عمري صداقتك=وين يا اللي يوجع القلب فرقاك
وين أنت يا اللي شاهدك طيب سيرتك=يشهد لها ربعك ويشهد لها عداك
ويت أنت يا اللي رأس مالك كرامتك=ولا تذل نفسك عند هذا ولا ذاك
وين أنت يا اللي تعرف بزين نيتك=والله عرفك بزين نيتك واعطاك
وين أنت يا اللي مخلص في سياستك=وكم من مشاكل حلها طيب مسعاك
متفنن فن السياسة بفطرتك=واضح وضوح الشمس ما الكف غطاك
فهيم تفهم صائب في مشورتك=مشيت ثم عديت جيل تعداك
وشرفت في غربتك يا شيخ ديرتك=وأتعبت نفسك في صباحك وممساك
ولا تعبت نفسك لأجل تكسب تجارتك=لأجل الوطن وأهل الوطن تتعب خطاك
ويا كثر ما تعبت نفسك برحلتك=بين ليبيا ولبنان بانت مزاياك
وعلى المنابر تقنع الناس حجتك=وعلى التفاهم صادق القول مبداك
ويوم صارت الأحداث وقفت وقفتك=ولا يمكن أحد في أمريكا بينساك
ومقامك أكبر من كراسي وظيفتك=ومنصبك ما غرك ولا زين دنياك
وسخرت قضايا صعبة لين طاعتك=وياما تحديت الزمان وتحداك
بين الشجاعة والشاهمة وفطنتك=نهر عذب ما ينقص الشرب من ماك
مشغول ما ترتاح يومك وليلتك=صابر ولا احد يعرف اقصاك وادناك
تقرأ رسايلهم وترسل رسالتك=وتقوم بواجب كل من لاذ بحماك
طلاب وزوار ومرضى بعهدتك=وتفزع لمن بين المحامين ناداك
وكم واحد أخلت سبيله شفاعتك=هاذي تدابيرك وهاذي سواياك
ومن كثر همك شاب رأسك ولحيتك=وكم من مهمة لأجلها طال مسراك
ترد الخطر لو كان دونه منيتك=وعسى المنايا يا أبو خالد تعداك
وتجدد أهدافك على بعد نظرتك=وثبت رجلك قبل تاطأ بموطاك
ولا بخلت ببذل مالك وصحتك=وكم طالب علم تسنده كل ما جاك
وكم من مريض عالجه جزل مدتك=وعلى فراشه ياصلنه هداياك
ودنياك لو شانت تعيي شهامتك=وعز الله أن البخل ما زار مخباك
رحيم عزيز النفس يا كبر هيبتك=هاذي تواصيفك وهاذي سجاياك
حكيم كم حليت صعب بحكمتك=وأحيان تجاهلها ولا هي بتخفاك
وأهمها أنك ثابت في عقيدتك=وعلى صروح المجد ترتع مطاياك[/poem]




وهذه مجاراتي للقصيدة الشاعر فيصل المفقاعي




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامير نورة الجريده با صورتك = كم واحد يا مير سره محياك
نورة صفحات الجريده با طلتك = يا نادر با بلادنا لا عدمناك
وهيضني القاف المتوج با سمعتك= وتهيض الهاجوس في مدح شرواك
طيبك وتاريخك كفيل لسريرتك = وما نجزت شاهدلك يذكر بحسناك
سيف على العدوان بيدين قادتك = تدها عداك ولا تنكر لمرباك
صقر على كف الملك عند حاجتك = ما خاب يا منه على العلم وصاك
تتعب مناديب الدول لجل دولتك = وتنومس القاده با طيبك ومبداك
يا ثقلة القاله وجا وقت فزعتك = تدها الدهاه ولا حد قدر يدهاك
سيف لبو متعب وصارم با ضربتك = يامرك وتعز الاوامر عرفناك
من عهد ابو فيصل وقبله با خبرتك=حلال صعبات صعيبات لو لاك
مبدا الكرامه حافظه في شهامتك =وما وقعوك عدا العقيده با الاشراك
اخذت من عذب السجايا سجيتك = سلطان ابو خالد على العز رباك
اسمك ثقيلات حروفه با كفتك = بندر ولد سلطان ما تصغر اسماك
متفرس من طلعتك في نباهتك = وعلى عسيرات المهمات هياك
طلعت مطلاع السعد يوم طلعتك = من يوم توظيفك وساعات مبداك
با الجو عالي في مطيرك وحومتك =بين الكواكب سابح بين الافلاك
وبا البر ليث ما تقاوم طريدتك =حتى الوحوش تهاب يا وحت با طرياك
لدين وبلادك وعاهل حكومتك = ما ينسي جهد با ذلته وننساك
كم قالة حليتها في رجاحتك = وكم يسبق ادراكك مدى راع الادراك
وكم تكسب خصومك با حجت قناعتك= تنكف خصومك ما عرفت خافي اقصاك
وكم سست ما عمر السياسات ساستك =تصخر سياسات الدول لجل دعواك
وكم تخطي الرماعت وتصيب رمعتك = ما قول كاهن مار مولاك نباك
وكم مرة تسهر على حساب راحتك = لجل البلد ما ذاقت النوم عيناك
وكم في بلاد الغرب تثمر علاقتك = في صالح بلادك توثق با لقياك
وكم وقعوا لك با الاصابع لخطتك=وكم رجحوا رايك وكم نجحت ارياك
يوخذ من افكارك وتشرى نصيحتك =ودرب السياسه شايكه فيه الاسلاك
ما غيرت غربتك نخوة عروبتك= اقوى القضايا با العرب من قضاياك
فيك الشهامه ساندتها شجاعتك =هم العرب همك بصافي نواياك
با البوسنه نجحت مساعي مهمتك = وناصرة دين الله والاسلام حياك
كلفك من يدرك مقامك وقدرتك = وما خاب بك ضنه وحنا شكرناك
وقفت يوم المعضله دون ساحتك =وسلمة عقب ما قربة حد الاهلاك
سويت لو كربي بدافع مروتك = وعريضة الطايف للبنان با بناك
وغزو الكويت ايام شفنا مهارتك = حشد الدول لين انكف الغز با دهاك
وجيبت رياح الشرق مع درب رسمتك =رسمت خطتها وجتنا با الافلاك
نردع بها الاخطار شديدة الفتك = من دون حد بلادنا سلاح فتاك
يا مير ما تخفى علينا براعتك =يا مير يا طيبك وياطيب مجناك
نوط السياسه نجمة في صحيفتك = تكبر معاضيل السياسه وتنصاك
اسرار ساحات السياسه با قبضتك =كم حاكم على السياسه تمناك
ذخرا لنا في دار ربعك وعزوتك=با ضلال ابو متعب عمى من تحداك
من هيبته يكبر مكانك وهيبتك =درع البلاد اليا غدا الخشم عراك
يا المملكه باالصف الاول مكانتك=دام السعود اخوان نوره هم حماك
با ضلالهم قامت تطور حضارتك =وركب الحضاره موكبه ما تعداك
الله يديم امنك وخفاق رايتك =يا دولة البيتين با الروح نفداك[/poem]