الورقا الحزينه

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لاتشتكـــــــي ياصاحبــي لــي وتبـوح = دام الــــذي ياصاحبي فيك فيني

مجروح تشكي لك على قلب مجـروح = حـــزين ويواسيــك قلب ًحزيني

وشلـــون تبغــــاني أضمـد لك جروح = وانا جروحــــي متعبتني سنيني

أفـز من نومــي كمــــا اللي يبا اللوح = حـــراً ليا منــي دعيتــــه يجيني

وأجاوب الــورقا الحزينه على الدوح = سبايب اللي بالهـــــواء مبتليني

أليا بغــيت انسـاه ماتصــــــبر الروح= وأليا بغيت أجيـــه هــو مايبيني

وتقول لي مجـــروح وتــزيـد بالنوح = لو كان عندي طب داويت عينـي

عليـــه تبكـــــي دمعهــا دم وتفـــوح = ودايم مطاولها البكــاء والحنيني [/poem]