حيا على الصدق مع الشاعر الكبير/ حمد الاسعدى

شرفنى الشاعر الكبير/ حمد الضحيان الاسعدي بهذه القصيده
وكان لزاما على الرد.. ويسعدنى ان اضعها هنا مع خالص التقدير.

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]

من واسط الليل لاطناب المساء والصباح = سكان الايام تنسى سالف ايامها

اكيد الاسباب فيها للاوادم صلاح = احيان واحيان فيها تكبر اثامها

مايكسر الخاطر الا قلة الانشراح = اليا انشطر بين حدبه واثرة الامها

ياصادق الحرف لايطري لك الا المباح = حتى المشاعر تراقص فيك بانغامها

لعل يكتب لك بكل اختبار النجاح = وتقبلك الاسماع والافكار باقسامها

البرق مجنب جنوب ولا ذكر له ضياح = لو الرعد من ظروف النفس واحكامها

ياقادم الجرح دوبك فيه قدمك جراح = وسط النفوس الاليمه حدر هندامها

مايطلب الجود من عند اليدين الشحاح = لو احرمت من يلملم باعت احرامها

بين الجوارح جوارح ذبحها بالجناح = والا المخالب صوايدها لمن ضامها

وانا ادري ان الخطا عن عمد سم (ن) ذحاح = لا صار من غالي (ن) روس القمم هامها

اليوم بالتقنيه مانلعب عظيم ضاح = الكمبيوتر ذبحها وانهت احلامها

يابو ندى والمسافه من هجاد لصباح = من ايسر الميمنه لين اخر خصامها


الرد


ياهاجس البال جاوز بي حدود المتاح = النفس لوامه وللناس لوامها

محمية الفكر بكر وللمعاني سلاح = ماطويت الصحف والا جفت اقلامها

والخاطر اللي عزاه الصبر لو مااستراح = لا يستثير المشاعر يجرح صيامها

حيا على الحق ياوجه الرضا والفلاح = طلايع النور هب الصدق بانسامها

مانى معرض صياحك يابو ماجد صياح = ماتفشل الخطه اللي نحكم ابرامها

ماجادك الغيث لو برقه لناظرك لاح = ضامي وبوح المشاعر طول حيامها

استمطر الغيم يروى صدرك من القراح = لجلك تقاد اجزل الابيات بخطامها

بنات الافكار لاهل الكار خود(ن) ملاح = تولد وتبلغ لسن الرشد بفطامها

ولو سد مارب طلبنا فى خطاه السماح = ماشوهت وجه الارض الناس بقدامها

نبوة (مسيلمه) مثل نبوة (سجاح ) = لو ما استعزت (بنى يربوع ) بسلامها

مذخورنا المجد من ضرب القنا والرماح = عادات سادات روس الناس واعلامها

بصيص الامال يدعينا لدرب الكفاح = وسكان الايام بكره تحصد اعوامها



[/poem]

لله دركما ودرابيكما


صح لسان حمد ولسانك يبو ندى

تحياتي لكما

الله الله


صوت محكم في معناه

وصدى أجاب بما يراه

وكلها درس لمن أراد أن يتعلم


صح الله لسانك ولسانه


غيمار

ياسلام ياسلام

يالروقي


صح لسان حمد وصح لسااااانك



تقديري واحترامي

سعود غنام
هلا بك وصح بدنك شرفتنا ولا عليك زود

كفو يامطر الروقي

وابوماجد وصحت السانتكم ملاييييييييييين

مطر

صح لسانك ولسان الاسعدي
كفيتوا ووفيتوا

نايف المقاطي

اهلا بك وشرفتنا بمرورك ورايك لاهنت.

الله الله

عز الله ان قصيدكم ينومس

صوت وصدى من شعار كبار

صح لسان ابو ماجد وصح لسانك يابو ندى

عسى الله يزيدكم من فضله

سلامي واعجابي دمتم بخير

صح الله السنتكم

ابداع واضح

تحياااااتي

ابراهيم السبيعي

هلا بك وكل التقدير لك لاهنت.

صح لسانك ولسانه

ابداع غير مستغرب

والله يقويكم ياثنين

استمطر الغيم يروى صدرك مـن القـراح

لجلـك تقـاد اجـزل الابيـات بخطامهـا



الله عليك يبو صالح



صوتين ولا اجمل يعيدنا للزمن الجميل


هنا يحضر الشعر ...والمعنى...وتكتمل الروعة

نصان يستحقان التأمل من شاعرين كبيرين

لكما كل الود

يالله على الفلسفه الراقيه والشاعريه

ابداعك ليس جديد انما تجدد استمتاعنا



صحة الالسن

تقديري

مناحي الفرزه

هلا بك ولا عليك زود وافي ومشكور وصح بدنك

مطر الروقي و حمد الاسعدي
قطبين من اقطاب الشعر
لايستغرب منهما الابداع و التالق
سلمتم و دمتم

سلطان العطاوي

هلا بك ولا عليك زود..وافي

ابو صالح وابو ماجد

أساتذه إذا وصلنا مستواكم يحق ّ لنا التعقيب على قصائدكم

إلى ذلك الحين لا نملك إلا صح ّ لسانك ولسانه

وتقديري لكما ،،

سلطان العطاوي

اهلا بك وصح بدنك ولا عليك زود.

ياسر العتيبي

اهلا بك وبحضورك المبهج

ومشكور اخي لاهنت.

,

مطر الروقي . . .

شاعر كبير وقدير دائما نستفيد من فكرك وشعرك الراقي . . .

صح لسانك على هذه القصيده الرائعه , وصح لسان الشاعر حمد

شعراء ولا فيكم كلام . .

محبتي

,

حضور رائع..بروعة ومتعة شعرك
وبوح اروع..لآيأتي الا من امثالك
استمتعت بما قرأت في هذه الصفحة
صح لساااانك

تحياتي وتقديري