اخترت لكم : ابن طنيف وابن غريّب والغربة

تحيةٍ عذبة .. وطيب .. وسلامات
ابن طنيف وابن غريّب والغربة


كان بين مناحي بن طنيف العتيبي وخالد بن غــريـّــب الشمري خوة وصداقه ومودة جمعتهم في الغربة في الولايات المتحدة وبريطانيا لاحقا ..

وقد حدث تعرض خالد بن غــريـّــب لحادث سقوط وهو يلعب الكره مع مجموعة من الشبان البريطانيين فكسرت يده بعد احتكاكه مع احدهم ليزوره مناحي في المشفى لاحقا و يرسل له الابيات:

تحيةٍ عذبة .. وطيب .. وسلامات
كل الوفا فيها .. عبارة .. عبارة

من يوم قالولي وانا في معانات
للّي يقول: "بخير" .. سقت البشارة

لكَنّ لوتنصاب يمناك بالذات
ماضرّها لو لبست بالجبارة

مدّاتها بين اليدين الكريمات
دايم ويمنى الشمري فـ الصدارة

تستاهل البيضاء ومرفوع رايات
واللّي نواك بشر .. ذاق الخسارة

هذا انت .. ماقد هنت .. روحة وجيّات
معروف بالنمرة .. وبالاستمارة

والحمد لله .. يوم صارت سهالات
للي بفضله صك باب القشارة !!

بغت تورطنا .. وحنا جنوبات
في ديرةٍ ماياخذ الرجل ثاره

لكن ولو تاصل .. عنان المجرات
اشر ترى صاحبك .. رهن الاشارة

الروح لامن صار .. صولة وجولات
اقل مايهد العتيبي لجاره

وصلت الابيات لخالد بن غريب ورد بالابيات التالية:

مني تحية مزنة وبلها جات
تسقي معاليق الخفوق ودياره

جا للمطر فيها ترانيم وآهات
في روضة جنة تبارق خضاره

ريح النفل فيها عبير الخوندات
وانقه من الدلة على جال ناره

أسوقها لمعربين السلالات
اهل الاصالة والوفا والحضارة

لعتيبة الهيلا .. وهيهات هيهات
تلحق خطاهم بالوفاء والجسارة

من يوم أبو ماجد عرفناه بالذات
والدار مالـــه غير بابه وداره

جمايله لو حسّبـــوها كثيرات
تصعب على راع القلم والشطارة

الله يعين اللي يبون المجارات
يبطون لو عادوا عليه الزيارة!

عادات بالماضي وهالحين عادات
ويبقى عريب الساس بأجمل وقاره

انتهى ..