خشاش القــاع

السلام عليكم

أبيات جديده للتواصل ، أرجو التنسيق وشكراً

..



طار الدجاج وزان في الجو صفه=والديك كابر والحرار اعترضها
وخلا العقاب اللي براس المطفه=يخاف ضربة ريشته لا نفضها
يوليد لا تسمع كلام المسفه=اللي تنافق والتشتت غرضها
خلك حليم وفيك شيمه وعفه=ولا تقرب المرضى يصيبك مرضها
مادام تقدر تدفع الشين دفه=واسمح عن الزلات تلقى عوضها
واجنح لربعك لو في الدرب لفه=وقتٍ خشاش القاع طلع ربضها
لا تنفرد وحدك وتاقف بشفه=زومك لنفسك ماقضى لك غرضها
ومن صار في كفه وربعه بكفه=وطا على وصل الحبال وقرضها
واصبر ولو تونس من الربع حفه=واسمح لبعض العوج واسفه بعضها
وليا خطر لك واحدٍ فيه خفه=عطه المواعظ لين يشرب وعظها
وإن جاك طيبٍٍ من هل الطيب وفه=للي ليا سمع النصيحه حفظها
ما الله خلقنا للهوى والترفه=لجل الفروض اللي علينا فرضها

..