ادخل على الله من الفرقا وطاريها

الاعزاء في المرقاب


أسعد الله أوقاتكم بكل خير ،،

مصافحة تطمح للرضى .. ولا تستغني عن النقد .. وبلا شك ترتقي بوجودها بينكم ،،


صلوا على رسول الله


[poem=font="Traditional Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاتستثير الشجون وتشعل أحزاني = وتشب نار الغرام ولا تطفيها
من كف الأيام في دنياي وش جاني = غير التباريح والدمعه وباكيها
امد كفي واصافح سالف احزاني = وأنظر بعين الرضا والنفس أمنيها
يا غيمة في سما حزني وحرماني = العين تنظر لها والقلب ضاميها
علي ابهر لها من فيض وجداني = مشاعر الحب واللهفه واقهويها
وازرع لها من زهر شعري وقيفاني = قصايد قدحها من فكر مغليها
واطلق سراح القصيد اللي تحداني = ياحي طاري القصيد وحي طاريها
بعيونها السود تكتبني وتقراني = وانا لها كاتب الكلمه وقاريها
ما لمت وقتي على ظلمي وبهتاني = يكفي وجودك عن الدنيا ومافيها
تستاهل العمر لو ان العمر فاني = وتستاهل اللي بكل العمر يفديها
ياغلا من النبض في قلبي وشرياني = يامطمع النفس ياخيرة مناويها
ياواحدن مايقارن حبه بثاني = لا تتلف الروح بغيابك وتشقيها
ان كان ماجيتني يا أعز خلاني = ادخل على الله من الفرقا وطاريها[/poem]