((( وجه الردا ما جملته المساحيق !!!!

السلام عليكم ورحمة الله وبركاته

مشاركة آمل أن تحوز على رضاكم الغالي

[poem=font="Simplified Arabic,6,darkred,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]
ياهم يا اللي حول قلبي اتسـوّر = وش بك علي من بد كل المخاليق
ما يكفي ان الوقت عجّه امثوّر = يومك تحاول هتك ستر المعاليق
القلب من وقته لقى ما يدوّر = امّا اغتبق ولاّ اصطبح فكة الريق
لو في عروقه ثلج والله ان ايفوّر = ولو صدره اوسع من الامل والله ان ايضيق
غلطان من لامه يوم انه ايكوّر = ما اعطته بقعا فرصه ايخف وايفيق
صكات بقعا حوّلته امتهوّر = في وجه موته كل ما ييأس ايويق
جروح صدقانه وربعه اتعوّر = غربان تتنكر بهيئة غرانيق
اطيبهم اللي للمشاعر ايزوّر = ولمَا انكشف لام الصدف والتوافيق
وذنّبه ما يعرف للنوايا ايحوّر = ولا خلط زمزم مع السم ببريق
يزرع وفا ويحاول انّه ايطوّر = جينات فعل الطيب جمله وتفريق
واعيون خلق الله الـ/فعله اتصوّر = وكبر بعيون اهل الوفا والمواثيق
له هيبةٍ حتى بغيابه اتجوّر = لا هابوا ازحول الرجال المطاليق
والطيب له وجهٍ جميلٍ امنوّر = ووجه الردا ما جملته المساحيق[/poem]


وسلامتكم

عبدالله بن عايض بن رده الفهري