أعزي القبايل فيه واعزي العجمان

بسم الله الرحمن الرحيم

مرثية في الشيخ / عبدالرحمن بن خزيم

( وزير قصر سمو الامير سلمان للشؤون الخاصه ) رحمه الله .

[poem=font="Simplified Arabic,6,white,normal,normal" bkcolor="transparent" bkimage="backgrounds/32.gif" border="inset,3,gray" type=0 line=0 align=center use=ex num="0,black""]


انا البــارحه ليلي سراميد ياسلمــــان= ماأظنبه شئ من الهواجيس ماجانــــــي

على الكوع ليلي واتوجد على كحيــلان=ماغير اتخيل صورته ما تعدانـــــــــــــــــي

ذكــــرت الدلال وشبة النار والخرفـــان=وتذكرت لامنـــه تلفت ونادانـــــــــــــــــــي

لاوالله فقدنا من زحول الرجال حصــــان=إله فرجتن مثل ابن حثلين راكانـــــــــــــي

لاوالله فقدنا مكـرم الجار والضيفـــــــــان=طليق الحجاج مشبعن كل جيعانــــــــــــي

شبع عنده الجايع و شرب عنده العطشــان=وهذي ميزتن يعرف بها ذاك الأنسانـــــــي

اعزي القبايل فيه واعزي العجمــــــــــان=واعزيك ياقصرٍ مثل قصر سلماني

واعزي اليتامى اللي قعودن على البيبان=على القصر الاول ثم على قصره الثانــــــــي

واعزي صغير السن واعزي الشيبــــــــان=واعزيك ياللي جيت من ديرتك عانــــــــــــــي

ياكم من قضايا حلها وكم قضى من شأن=ياما حل من كــــــــربه وياما فـك ديانــــــــــــي

إله سيرتن من دونها تقصر الشجعـــــان=هو زيزومها لامن وجه الدهر شانــــــــــــــــي

هو زيزومها لامنها وصلت الحـــــــــــــدان=وهواللي يركبها على كل نيشانــــــــــــــــــــي

إله سطوتن ماهيب لفلان وإلا فــــــــلان=وإله وقفتـــــن يشهدلها كل ميدانـــــــــــــــي

إذا للمواقف شيخ هو سيد الشيخــــــان=وإذا للحمول جمال هو والله بليهانــــــــــــــــي

تبي تتعب الأقلام ثم تتعب القيفــــــــــان=ماتحصي مزايا ابو فهد طير حورانـــــــــــــــــــي

أسألك ياربي له برحمتك والغفـــــــــران=يارب البشر ياخالق الإنس والجـــــانـــــــــــــي

عسى مسكنه جنتك يامكون الأكـــــوان=يارب إله تجعــــل جنة الخلد مسكانــــــــــــــــي

يارب البشر يالله يارازق الأوطــــــــــــان=إتجازيه بالجنه لامن الوعـــــــــد حانــــــــــــــــي

اسألك ياربي كل ماتنشئ الأمــــــــزان=تنزل على قبره من الوبــــــــــل ودانــــــــــــــــي

وتمت وصلى الله على صفوة العـربـــــان=عدد ماحوى المصحف من آيـــــــات قرآنــــــــــي[/poem]

عسى مسكنه جنتك يامكـون الأكـوان () يارب إله تجعل جنـة الخلـد مسكانـي

الله الله الله
الله الله

اشهد بـ الله يـ بن شمسي انك شاعر ما شاء الله عليك
الله لا يضرك القصيده كلها من اولها ليا اخرها ابداع

اخوك ومحبك : مبارك السوارج الرشيدي تقديري وتحياتي لشخصك الكريم

رحمه الله
وأسكنه فسيح جناته


وصح لسانك على هذا الوفاء
كل الودّ

الله الله

صح لسانك مدد والله ولا هنت
مودتي

أخوي مبارك

شهاده افتخر بها

تحياتي

أخوي محمد صح بدنك

ورحم الله أمواتنا وأموات المسلمين

لاوالله فقدنا من زحول الرجال حصـان
إله فرجتن مثل ابـن حثليـن راكانـي

لاوالله فقدنا مكـرم الجـار والضيفـان
طليق الحجاج مشبعـن كـل جيعانـي



الله يرحمه ويسكنه الجنه
وينزله منازل عباده الصالحــــــين ..
بيض الله وجهك على هالعلم الغانم
ومايذكر الطيبين غير الطيب
صح لساانك يالقرم
محبتي وتقديري

سلطان العطاوي


مشكـــور

صح بدنك يالغالي

وجهك ابيض

وعلمك طيب