مرقابكم عدى طوال المراقيب ,,,

السلام عليكم ورحمة الله وبركاته

تحيه بحجم هذا الصرح الشامخ لقلوبكم النقيه,,
.
.

(مصافحه للمرقاب وأهل المرقاب)

.
.

تستاهلون أكثر واعذروني على القصور,,,

[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]



مرقابكم عدى طوال المراقيب=وأنا من الاعجاب جيت ورقيته
يروق لي جوه ومابه عذاريب=صرح لقيته فوق ماني هقيته
سلام للشعار وناصر تراحيب=الطيب اللي طاب فعله وصيته
واللي يقدم طيب يستاهل الطيب=يوم الردي مافاد نفسه وبيته
اشتاق للعليا واعرف المواجيب=وكم طيب لو أمدحه ماوفيته
مابي سوى عرف النشاما مكاسيب=مافيه شي في ضميري خفيته
من روس خثعم وآترفع عن العيب=لي بصمة في كل درب مشيته
جيت آتنفس واكتب الشعر لاريب=ماهمني صوت بعيد وحيته
أبوصف شعوري وأصوغ المكاتيب=وإذا الورق جف وتعطش رويته
القلب وافي والقصايد مناديب=واللي يبي عرفي سبقت وشريته
نفسي عزيزه بالمواقيف ماهيب=ترضى الخطا مثل النفوس المقيته
يالله ياللي تعلم الجهروالغيب=يامحيي الإنسان وقادر تميته
يالله تجملني وتجيب المطاليب=وتحقق الحلم الذي ماطريته
(مرقابنا) عدى طوال المراقيب=مالوم قلبي لانصاه ورقيته[/poem]

وسلامتكم جميع

أخوكم

عبدالله الأحمد