( على مركاي )

السلام عليكم ورحمة الله وبركاته

اسعد الله كل اوقاتكم وهذي مشاركه انتواصل بها معكم .


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
انا هنا هنا على مركاي جالس مستريح=ما همني بعض العيون اللي تلد انظارها
اليا بغيتوها نبط واليا بغيتوها فصيح=اصخر بيوت الشعر والجزله رفعت شعارها
وقت الرثاء نكتب رثاء والمدح للرجل المديح=ولا هو بعيب المدح لرجالٍ طوال اشبارها
ثابت علمنا في علّو الرجم لا يمكن يطيح=ولا حسبنا لليال القاسيه واخطارها
نارد على عد الروى والدلو من جمه يميح=نشرب زلال الجم وانفسنا لها مقدارها
لو ان بعض امن الاوادم من مواقفنا جريح=كبده تلاشى نار عسى ما تطفى نارها
لكّن ياللي قمت في تالي ليالينا تصيح=نفسك تكبرها وحنا عارفين اسرارها
تقول انا شاعر وزندي بالشعر يقدح قديح=وامثالك اليا جاء اللزوم مقدمه معذارها
يحدونك الاخصام فالميقاف وسدودك تبيح=وتضيق فيك البذله اللي ما تزر زرارها
تومي براسك مثل عود الخيزران ان هب ريح=تبغى حلاوتها ولكنك شربت امرارها
ما انته من اهل الجود والطاله يا بوكفٍ شحيح=تعقب رياجيل الكرامه واتعشى اسوارها
اخذ الصراحه والصراحه منطق الرجل الصريح=ترضابها كل الرجال كبارها واصغارها
والا الحقايق واضحه ولا يصح الا الصحيح=ولا يقدم من هّل الطالات كود خيارها
افهم يا بو حظٍ ردي وأفهم يا بو وجهٍ قبيح=تراك مثل اللي مع السكه تشيل اسفارها !!
وانا هنا هنا على مركاي جالس مستريح=ما همني بعض العيون اللي تلد انظارها ![/poem]




وسلامتكم