[ متون العزٍ ] المشآركه الأولى في مسآبقة شآعر الملك

[poem=font="Simplified Arabic,5,black,normal,normal" bkcolor="transparent" bkimage="" border="double,4,gray" type=0 line=0 align=center use=ex num="0,black""]
تبسم للملا ثغر الفرح بعد العناء اللي طال = ضحك وجه الفضآءلأرض العطا وأنهل همآله
خبر عآجل مفآده : بثه التلفاز والجوال = بعد بكره يعودالوالد المحبوب لعياله
نحمد الواحد الحي الكريم الخالق المتعال = على عودة ملكنا للوطن والخير يبرا له
وهو يرفل بثوب العافيه .. والمملكه تختال = بثوب الكبرياء والفخر مبتهجه تحرا له
مليكن في قدومه مالت الدله على الفنجال = وذاب العود الأزرق فوق جمر الشوق لسباله
ملك يستقبله : شايب وشبان ونساء وأطفال = يلوح له بمختلف الصور شعبه ويسعا له
يردد له هتافات الولاء والعهد حتى قال = انا آسف : والهدف وده يسلم مير ما جاله
برق برقه بلحظات الوصول وديم الهمال = يبل كبود ويحلحل قيود السجن وأقفاله
أوامر ساميه وجهود مبذوله وصرف أموال = تنم عن اهتمامه بالوطن وابناه ورجاله
قراراته : تعالج مشكلاتٍ مالها حلال = تلامس حاجة المحتاج في حله وترحاله
رفع قرض وخفض قرض ورفع رتبه وحل إشكال = بداء بمعالجة وضع البطاله وأكرم أبطاله
تكفل بالأرامل واليتاما ساند الكهال = عفا عن من توفى ماطلب مثقال من ماله
سعى بالصلح بين الناس صحح غلطة الجهال = فتح باب الحوار وبلهجة الأديان وأصغاله
ملك عادل سياسي فالمواقف ناقضا فتال = لوالدنيا تضيق بكبرها ماضيقت باله
ملك وان جاه مضهوداً لحمله ماقدر يشتآل = برك للحمل وأرخاله [ متون العز ] وأشتاله
نذر روحه فدى للدين والدوله وشعبا نال = رضاه : وجاد اله بالعدل وإهداء الميل لعقاله
هذا للذكر .. لا للحصر والا مجمل الأفعال = يبي يعجز قلمنا العالمي لايحصر اعماله
ملك لو يحملن الغانيات وينجبن عيال = يبي يبطن والتاريخ ماسولف عن أمثاله
عساه مجار من جور الزمان وحيلة المحتال = عزيز وكل مايطلب من العز إيتهيا له
سليماً من صوآديف الليال اللي تغث البال = بجاه الواحد اللي كلنا نرجوه وأنساله
[/poem]