قصيدة ومجاراتها

سعد الله مساءكم جميعا اهديكم هذه القصيده ومجاراتها ودمتم بكل ود




يامن تحب الشعر وتقدر الذوق--- استقبل حروفه بصدر ورحابه
وان كان شعري مادخل كل معلوق --- حلفت ماجر القلم للكتابه
ملك المشاعر شعر ماهوبمسروق --- نسج القصيد اللي له اسرج ركابه
فيها من الواقع معاناة مخلوق --- وفيها الحقيقه والخيال يتشابه
ماينتهي مشوار شعري بطاروق --- مادام هاجوس الغلا طق بابه
يزين شعري في هوى البال ويفوق -- ويرقى بشعري فوق متن السحابه
وأعتابه بأرقى المعاني بمنطوق --- وأقول ليه يزيد قلبك صلابه
يسوقنا طبع الوفاء والغلا سوق ---ويصنع مابين قلوبنا اصل وقرابه




مجاراة الشاعر الكبير: عبدالرحمن حميد العتيبي


كلن يقول الشعر في ساحه السوق --- واللي سكن بالقصر عاف الخرابه
والشعر مثل الباب طارق ومطروق --- اللي طرق بفكار واللي خطابه
الشعر فن وذوق واحساس مرموق --- وجرح الهوى ياويل من هو صطى به
تسري بي الذكرى وينتابني شوق --- وأعيش مابين الرجاء والمهابه
شمس الضحى مالت على الراس من فوق --- والعاشق الظميان يطرد سرابه
الجادل اللي شكلها داخل الموق --- عيت دموع العين تقصر غيابه
محشومهٍ بالعقل عن كل مطفوق --- ولا شفها النشاد يلقى الاجابه
ابي انصحك ياعبيد وانا ولد روق --- طرد الهوى ياعبيد شيب شبابه
هذا زمان الذل والجور والبوق --- ضاعت تقاليد العرب والصحابه
لابوك يادنيا العنا عيت تروق --- قامت على الصابر تزيد اكتئابه


وسلامة الجميع[/justify]

[/COLOR][/justify]

[/SIZE]

الله الله ,

صح لسانك ياعبيد ,

وصح لسان الشاعر / عبدالرحمن ,

ودمت بخير ,

بسم الله الرحمن الرحيم

وهكذا كان الصدى
للمجاراة الرائعه بين الكبيرين

عبيد بن حمود وعبدالرحمن بن حميد

من الشاعر : نايف الروقي

:

عبيد طاروقه من الكيف مسيوق
لين اندلق بغناه وجد وصبابه
:
خلى دحيم يداعب الذوق برفوق
كنه وكيل عبيد يوم اعتنابه
:
هيضني اصرح بتصريح موثوق
رغم أنف سطوة مدعين الرقابه
:
لو غالباً من يبتكر غير مسبوق
صممت نسف أقوى قيود الرتابه
:
يرى الأسير النور في حلكة العوق
وذنبه صفا النيه وناصع ثيابه
:
فالأمس بشته أمن واليوم مفتوق
عن شمسته زالت خيوط الغرابه
:
أسهل طموحه شمس ما مرها شروق
وأسطى جروحه ثلمته من نصابه
:
ومصيبته دمه تدفق بلا عروق
وهمه تجاوز هم عزوه ولابه
:
ونغيب مهما نغيب ونعود ونتوق
للي بستره غصب نزعة حجابه
:
يظهر برمز غراب في روح غرنوق
وأليا تلاشى سر ما أحد ٍ درابه

:
الروقي .. ن ..