الله وهبك الحلا .. لكن حرمك الضمير

السلام عليكم ورحمة الله وبركاته


كل عام وانتم بخير
وتقبل الله طاعتكم




..

أستصغر الحب وإحساس المحبه كبير
وأستكثر اللي بذلته بأول اسنينها

..

ليت المحبه خياريه عشان أستشير
أو ليتها بيّنه وأقرآ عناوينها

..

أو ليتني عن دروب أهل الهوى مستخير
ولاذقت علقم علاقتنا وسكينها

..

يابنت ماصار فيني ماهقيته يصير
كنت أحسب إن المحبه ماتخونينها

..

حتى لقيت الطعون اللي بصدري كثير
أنتي سببها وأنا عندي براهينها

..

الله وهبك الحلا لكن حرمك الضمير
ليته حرمك الحياه اللي تعيشينها

..

نشّفتي الدم في خفّاق نبضه غزير
حتى الأحاسيس نشفتي شرايينها

..

لا تحسبيني بعد صدمة شعوري كسير
لا والله الا بحاله ماتمنينها

..

الحمد لله أنا طيّب وحالي بخير
وإن سالت ادموع عيني لا تمشينها

..

العلم الأول وصلك ولا بقى الا الأخير
ماودي أسمع ولا كلمه تقولينها

..

خنتي خفوقي مع رجال مافيه خير
أخير حاجه توقعتك تسوينها




عبداللطيف العبدلي

a_alabdly@hotmail.com