إرحلي !!

السلام عليكم ورحمة الله وبركاته

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

إرحلي في حفظ ربي يالغلا محروسه=إرحلي عن عالم الشاعر عسى تنسينه
وإن سألتي هو بينسى ! ما نستك هجوسه=كل ما يكتب لغيرك يا غلاه تجينه
سيرتك داخل خفوقه وردة مغروسه=كيف تذبل دام يسقيها بدمعة عينه !!
في غيابك حالته يا ساكته ميئوسه=يا عسى رب العباد من البعاد يعينه
ما كتب يشكي عليك من الزمن ونجوسه=ما كتب كل القصيد إلا لجل تقرينه
وإن شكالك وحشة الترتيب بعد الحوسه=ما يفيده أي شي ٍ يمكن تسوينه
لو تداوين الجروح اللي معه محسوسه=جرح بعدك بعد بعدك كيف بتداوينه !!
إرحلي عن من فقد في عتمته فانوسه=إرحلي وإن ضاع بعدك لا تقولي وينه !!
إرحلي والوقت حاتم جاد له بدروسه=إرحلي والبعد عنتر حد له سكينه
إرحلي حماك ربي العالم المهووسه=إرحلي عن شاعرك يبغى يكمل دينه
إرحلي وإن مات لا تنسين نبض هجوسه=إرحلي عن حي ميت بس لا تبكينه
إرحلي عن شاعرك يالدره المحروسه=ما قدر ينساك وإنتي حاولي تنسينه [/poem]


سجلت نص بعنوان: (أنا جيت للمرقاب وأدري وش المرقاب) ولم أسجل الإيميل ربما يكون سبب في عدم النشر وهذا هو الإيميل: ahm775@hotmail.com
تحيتي..

صح الله السانك يا الدوسري


لك ودي وتقديري

وإن شكالك وحشة الترتيب بعد الحوسـه
مـا يفيـده أي شـي ٍ يمكـن تسوينـه
لو تداوين الجروح اللي معـه محسوسـه
جرح بعدك بعد بعدك كيف بتداوينـه !!
إرحلي عن من فقد في عتمتـه فانوسـه
إرحلي وإن ضاع بعدك لا تقولي وينه !!


صح لسانك يـ الشاعر

نص في غاية الجمال والأبدااع

تقديري لك,’’

الله الله

صح لسانك يالدوسري

وانشالله قريبا تكون زميل معنا