نور الغزالة !!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مات الضّمير الحيَ وابليس ما مات = عانه يوسوس للرجل في صلاته
من خلقت الدّنيا ليا بعث الاموات = هذي حركاته وهذي سواته
يوعد ويخلف دون يعطي ضمانات = للجاهل اللي ملتهي بامنياته
والعبد لو يملك كنوز وعمارات = ماتنفعه ساعة يلاقي وفاته
في ذمّتي ذمّة ماراحت ولا جات= ما ينفعه فالقبر غير احسناته
يا درع جنبَي فالظروف الصَعيبات= الله ولا تبع الرَدى والهياتة
داخل على الله من كبير الخسارات = ومن النَفوس امّ الحَسَد والشّمَاتة
ضاقت عليّ الارض بين الخواجات = والهمَ تطحن في ضميري رحاته
وانا شعوري فالشهور الاخيرات = شعور حيٍّ ما تهنَا بحياته
في دنيتي ليل الشَقا والمعانات = مرخي على نور الغزالة عباته
ورغم ازدياد الشَوشرة والصَعوبات = ابشَرك قلبي قوَيٍّ ثباته
مومن بمن هو فوق سبع السَماوات = يجازي الصابر برفع ادرجاته
واستغفر الله من ذنوب الخلوات = كم فرَقت شمل وغدابه شتاته
حقيقةٍ ماهي خيال وخرافات = عاين زعيم افريقيا في مماته
العام لا قام يْخَطْب فالمنصَات= حيّاه شعبٍ واسم لّه عصاته
واليوم روّح عقب فرد العضلات = واقفت سنين العار مع حارساته
وبثَت صور قتله جميع القنوات = عبرة لمن له قلب ينجو بذاته
مع انّ ما ظنّي لبشّار بالذّات = قلبٍ يحسَ ويعتبر ياجراته
مغتَر بحزامه وراعي طويلات = جعل الدَبا ياكل جميع امّهاته
حتّيش يالقوة وفتل الشنبات = الوقت ماهو حاكمٍ مجرياته
وان قاله الله ما يشوف المسَرات = للنّصر لفتة يا عرب والتفاتة
بكرة نشوف انهايته فالمحطّات = وانقول من فضل الولي وبركاته [/poem]

هزاع الشيباني