مرحوم يا رجل الأمن و المهمات ..

بسم الله الرحمن الرحيم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

اسواء خبر تناقلته المحطات=صباح يوم السبت حان الوداعي
رحيل من تكثر عليه الحسوفات= نايف سديد الراي غيث الجياعي
مرحوم يارجل الأمن والمهمات=يالساطي القاطع حميد المساعي
يالشهم شيال الحمول الثقيلات=يالناصح العادل طويل الذراعي
يادافن الشر بتخاذ القرارات=ماتخلفك كثر الفتن والصراعي
يامحارب الارهاب واهل الضلالات=ياناصر أهل الدين عنهم دفاعي
ركن الأمن حلال كل الصعيبات=يالواثق الصارم بحل النزاعي
ساعة رحيلك صابت الشعب صدمات=ضاقت على الشعب الفجوج الوساعي
خسارةٍ ياكبرها من خسارات=فقد الحكيم المستقيم المطاعي
معذورمن يكثر عليك التنهات=ومن حقها تكثر عليك المناعي
مير العوض فأحمد وسلمان بالذات=ومحمد النايف سليل الشجاعي
والموت حق ولاعليه اعتراضات=محدٍ مخلد فيك دنيا المتاعي
ياكثر ماشفنا وياكثر الاموات=لكن نايف يفقده كل واعي
مايحصي جهوده قصيد ومقالات=من كثرها يجف حبر الاراعي
مرحوم ياملغي خبيث الشعارات=على العقارب واطيٍ والافاعي
[/poem]

الله يرحمه
صح لسانك
قصيده جزله من شاعر جزل
مبدع

لاهنت

الله يتغمده بواسع رحمته
وجميع موتى المسلمين

وصح لسانك يامبدع.,

شاعرنا الجزل

بيض الله وجهك وقصيدك يشدني وأستمتع به


لاهنت

مرثيه حزينه
صح السانك

المشاركة الأصلية كتبت بواسطة محمد مرزوق السميري

الله يرحمه

صح لسانك
قصيده جزله من شاعر جزل
مبدع

لاهنت

الغالي
محمد مرزوق

شكراً
لمرورك العطر واطرائك الجميل

لاهنت

لك مني كل تقدير.

معذورمـن يكثـر عليـك التنهـات == ومن حقها تكثـر عليـك المناعـي
مير العوض فأحمد وسلمان بالـذات==ومحمد النايـف سليـل الشجاعـي
والموت حق ولاعليـه اعتراضـات==محدٍ مخلـد فيـك دنيـا المتاعـي
ياكثـر ماشفنـا وياكثـر الامـوات == لكـن نايـف يفقـده كـل واعــي

...
صدقت يابوماهر
ماشاء الله عليك لايزال عطاءك الشعري محتفظاً بقوته وأصالته !

ونسأل الله أن يغفر لأميرنا الراحل كل صغيرةٍ وكبيرة .. آآآمين

تقبل سلامي واعتذاري واعجابي
اخوكم

,,,
,,
,

موسم القثامي
مرثيه حزينه في زعيم من زعماء الامه
صح فكرك

,,,
,,
,

المشاركة الأصلية كتبت بواسطة نايف بن صنهات

الله يتغمده بواسع رحمته
وجميع موتى المسلمين

وصح لسانك يامبدع.,

صح بدنك يالغالي

مشكور على كرم مرورك

تحيتي لك

نجدك حاضر في اغلب الاحداث تكتب بروح الوطن ولغة الملخصين
رحم الله الاميرنايف واسكنه فسح جناته

الشاعر موسم القثامي
صح السانك وعلى شانك
تحياااتي لك


,

الله يرحم فقيد الاسلام

وصح لسانك

قصيده كايفه

صح الساااااانك على القصيده الوافيه بيض الله وجهك


والله يرحم اموات المسلمين

المشاركة الأصلية كتبت بواسطة مطر العضياني

شاعرنا الجزل

بيض الله وجهك وقصيدك يشدني وأستمتع به


لاهنت

الغالي

مطر العضياني

اسعدني تواجدك في متصفحي واطرائك الجميل

لاهنت

لك مني جزيل الشكر والتقدير