.][ بياض وجه الصبح ما جمَّل الليل ][. رجل ناكر .!!

.

.

[poem=font="Traditional Arabic,6,white,bold,normal" bkcolor="black" bkimage="" border="groove,5,black" type=0 line=0 align=center use=ex num="0,black""]

بياض وجه الصبح ما جمَّل الليل=و سواد وجه الليل ما فشَّل الصبح

الحارس النباح ما يعرف سهيل=و مذن صباح الناس ما يعرف النبح

يا مكيِّل السلعه ترى الكيل به ميل=و دامك بخست الكيل لا تحتري الربح

حرام بعض البن يندق له هيل=و حرام بعض الخلق مخلوق للذبح

[/poem]

.

.

[poem=font="Traditional Arabic,7,white,bold,normal" bkcolor="black" bkimage="" border="groove,7,black" type=1 line=0 align=center use=ex num="0,black""]

البارحة في حسبة الهات ثم دوك=عطا أمس يتبعها مطاليب باكر

مليت صابرها مشاهيل و بروك=عيني سجينه و الهواجس عساكر

شوارد المضمون في ذهني صكوك=و صحايف اللي صار سن و شناكر

ما طاب طول الحلم في شحة البوك=و لا غوينا الشح بكفوف حاكر

عوالقٍ تغني بميثاق و صكوك=و علة غواية تنتعش بالتذاكر

ما فيه راس الا لمراكيز وروك=و لا فيه جاه الا لوجهه مواكر

الحر و ان قالوا له الحر مملوك=دمه على اسفل من مواطيه هاكر

من باب الاملاءات عزوتك باخوك=و في كسب الإطراءات كلن يجاكر

عمدت للموضوع طاروق محبوك=يا سامع الطاروق للدرس ذاكر

لي هقوةٍ عن هقوة شيوخ و ملوك=و لي رمعةٍ ما اظن عنها باماكر

خانتني الهقوه و لا اظنها شكوك=ركز معي لحظه و انا اكون شاكر

اذا امتلا درب الجمايل من الشوك=رجلٍ توقا دوسته رجل ناكر

[/poem]

.

.. أخوكم / مشعل النايف السميري ..



.

.

ياسلام سلم

صح لسانك

نص ومعاني جزله من شاعر جزل

مبدع

لاهنت

ياسلام سلم
صح السانك يالقرم

المشاركة الأصلية كتبت بواسطة محمد مرزوق السميري

ياسلام سلم

صح لسانك

نص ومعاني جزله من شاعر جزل

مبدع

لاهنت

.
.

صح بدنك يا غالي
مرور راقي انار و اضاف
و الابداع لكم نرسي مراسيه
و منكم نجد معاليه

شاكر لك هذا الحظور الذي اسعدني

.
.

المشاركة الأصلية كتبت بواسطة مناحي الفرزه

ياسلام سلم
صح السانك يالقرم

.
.

صح بدنك طال عمرك ..

شاكر لك هذا المرور الراقي .

.
.

.
.

للتنويه هناك خطأ بطباعة القصيدة و نقلها لكم
و هو تخطي البيت الرابع للبيت الخامس بالقصيدة و هذا التعديل ؛
حاولت أعدلها بغير هالطريقه لكن ما قدرت

[poem=font="Traditional Arabic,7,white,bold,normal" bkcolor="black" bkimage="" border="groove,7,black" type=1 line=0 align=center use=ex num="0,black""]

البارحة في حسبة الهات ثم دوك=عطا أمس يتبعها مطاليب باكر

مليت صابرها مشاهيل و بروك=عيني سجينه و الهواجس عساكر

شوارد المضمون في ذهني صكوك=و صحايف اللي صار سن و شناكر

عوالقٍ تغني بميثاق و صكوك=و علة غواية تنتعش بالتذاكر

ما طاب طول الحلم في شحة البوك=و لا غوينا الشح بكفوف حاكر

ما فيه راس الا لمراكيز وروك=و لا فيه جاه الا لوجهه مواكر

الحر و ان قالوا له الحر مملوك=دمه على اسفل من مواطيه هاكر

من باب الاملاءات عزوتك باخوك=و في كسب الإطراءات كلن يجاكر

عمدت للموضوع طاروق محبوك=يا سامع الطاروق للدرس ذاكر

لي هقوةٍ عن هقوة شيوخ و ملوك=و لي رمعةٍ ما اظن عنها باماكر

خانتني الهقوه و لا اظنها شكوك=ركز معي لحظه و انا اكون شاكر

اذا امتلا درب الجمايل من الشوك=رجلٍ توقا دوسته رجل ناكر

[/poem]

.

.. أخوكم / مشعل النايف السميري ..



.

.

[/QUOTE]

ياسلام يامشعل

ابدعت الله يبيض وجهك وصح لسانك